رسالة من مجهول 📝💖

الجزء ٣٣

الحلقة ٣٣
#رسالة_من_مجهول
#بوسى_مصطفى
________________

بعد شوية
راوية : هو جلال قالك إنه جاي
مديحه : انا قولتله ميجيش بس هو مصمم إنه يجي
راوية : رني كده ع أميرة شوفيها فين انا قلقانه عليها
مديحه : بتصل اهو ثواني
ايوه يااميرة انتي فين
أميرة :"انا تحت ياطنط
مديحه : طيب اطلعي علشان اللي قدامنا دخلت
أميرة : حاضر
________________

في احد الكافيهات في الكويت
فادي قاعد وبيتكلم في التليفون 📞
فادي : هو انتي مفيش كلمة حلوه تقوليها ابدا
يسرا : الكلام الحلو دا سيبته لحضرتك
ومتنساش مصروف الشهر ولا حضرتك عامل كل دا علشان بابا اللي يصرف على بنتك
فادي : مين اللي يصرف على بنتي يابنت خالي
ليه كنت عمري قصرت معاكي في حاجه
ع العموم هبعتلك مصروفك حاضر. .. سلام
يسرا : ايه دا انت هتقفل
فادي : مش فاضي لما ارجع البيت هبقي اكلمك سلام
بنت جايه ناحيته وببتسامة : اتأخرت عليك
قام فادي وقف احتراماً ليها : لا ابدا
دا حتى مواعيدك مظبوطه بالثانية
ماجده (زميلته في الشركة) : واخده طبع بابا.. ﷲ يرحمه
فادي : ﷲ يرحمه
اتفضلي اقعدي
ماجده : ايه يافادي مالك
فادي : لا ابدا مفيش
ماجده : عليه انا بردو هو انا مش عارفاك ولا ايه
دول خمس سنين اشتغلتهم معاك
يعني اعرفك من قبل م تتكلم
فادي ببتسامة : وعرفتي ايه بقى
ماجده : شكلك تعبان
فادي : لا انا تمام.. الحمد لله
ماجده : تعبان نفسياً صح؟
فادي : فعلاً عندك حق
ماجده : طب قولي بقى ايه اللي مضايقك
فادي : نشرب حاجه الأول
ماجده : م حضرتك شربت قهوة اهو
فادي : هههههههههه م انا بصراحه جيت بدري عن ميعادي قولت اشرب حاجه عقبال م تيجي
ها تشربي ايه
ماجده ببتسامة : قهوة بس مظبوطه
فادي : عرفتي منين اني شربتها ساده
ماجده : مش بقولك بعرفك من غير م تتكلم
يشاور فادي للويتر ويطلب منه اتنين قهوة مظبوط
ماجده : اتكلم انا ولا تتكلم انت
فادي : انتي عندك كلام عايزة تقوليه
ماجده : مين فينا معندوش كلام قد كده نفسه يحكيه بس اهم حاجه يلاقي الإنسان الصح اللي يفضفضله
فادي : عندك حق
ويمكن انا لاقيت فعلاً الانسانه الصح اللي افضفضلها وتقولي رأيها في المشكلة اللي عندي
ماجده : مشكلة!
فادي : بصراحه انا مخنوق وزهقان من الدنيا بحالها
ماجده : ليه بس ايه اللي حصل
فادي : امي تعبانه واختي كمان
ماجده : ألف سلامة عليهم
فادي : تصوري إن اختي متجوزه بس من شهرين وقاعده دلوقت في بيتنا
ماجده : ليه جوزها مسافر
فادي : لأ هو عايش في مصر
هو أصلا ابن خالي وانا متجوز اخته
ماجده : اكيد حصلت مشاكل صح؟
انا مبرجحش جواز القرايب ده
بس النصيب بقى
وهو محاولش يصالحها
فادي : ما دي المشكلة إنهم اصلا مش عايزين يرجعوا لبعض
ماجده : ايه دا امال كانوا بيتجوزوا ليه
الويتر يقدم القهوة
فادي : بيقولها إنه اتغصب على جوازه منها
ماجده : ايه دا... ازاي يعني؟
هو في راجل بتغصب على الجواز
البنت اه ممكن لا راجل مش ممكن
فادي : هو دا اللي حصل
ضرب بقى واهانه وطبعاً رجعت عند ماما
ماجده : ليها حق ترجع والأفضل بقى انها مترجعش للبني آدم ده
متقولش بقى ابن خالي واخو مراتي والكلام دا
إذا كان هو معملش حساب لكل ده
فادي : لأ ما هو انا بعد م عرفت الكلام دا وانا كمان رافض إنها ترجع
هو اساسا مش عايزها وحتي لو اعتذر وصالحها مينفعش خلاص يعيشوا مع بعض
ماجده : طيب انت زعلان ليه بقى طالما واصلين للقرار  دا
ولا المدام هي اللي زعلانه
فادي : المدام!
المدام ميهمهاش غير إن مصروفها يوصلها اول كل شهر
ميهمهاش غير اني ابقى مكفيها وشايف كل طلباتها وراجع بالهدايا والذي منه
ماجده : معلش ماهو انت هنا علشان ايه
مش علشان تكفيها بردو ومتحتاجش لحاجه
فادي : ايوه بس انا نفسي احس وانا بكلمها اني بني آدم مش تور داير في ساقيه علشان يوفرها كل اللي عايزاه
مفيش كلمة حلوة غير لما يكون المقابل بتاعها اتدفع قبلها
بعد ازيك اخبارك ايه بتيجي جمله هو انت لسه مقبضتش
هتبعت الفلوس امتى؟؟
وياسلام بقى لو قولتلها في مشاكل في القبض ولا حاجه
اسمع بقى موال طويل عريض
من اني مش مكفي بيتي وطول عمري مبصرفش
بتنسي كل حاجه في ثانيه
وانا زهقت نفسي اسمع كلمة حلوة تهون عليه الشقا والغربه اللي عايش فيها دي
ماجده : خلاص قولها الكلام دا
فادي : يووووه قولت كتير
تصوري إنها مش عايزة تسيب مصر وتيجي تعيش معايا هنا
ماجده : غريبه دي كل الستات مشكلتها مع ازواجها المسافرين تقريباً بسبب انهم بعاد عن بعض
فادي : هي مستريحه هناك
ووالدتها مريحاها ع الاخر
فهتيجي هنا بقى تتحمل مسؤلية البيت وعندنا كمان طفله
فهي مش عايزه دا
ماجده : معلش اصبر هو الجواز في أوله بيبقى صعب كده
واكيد كمان مشاكل الشغل وإنك لوحدك هنا دا مأثر على حالتك النفسيه
فادي : المشكلة اني بقيت حاسس بالندم اني اتجوزتها
رغم اني متجوزتهاش بسهوله وتعبت عقبال م كونت نفسي
لكن كل دا لاقيته سراب بعد الجواز
الحب راح والموده اللي بيني وبينها بقيت عباره عن فلوس بس بتتحول كل شهر
نفسي ترجع زي زمان بس دا بقى مستحيل
ماجده : مفيش حاجه مستحيله اتكلم معاها مرة واتنين وعشره
بلاش تخسر بيتك واسرتك انت معملتهمش بالساهل
فادي : وجعت دماغك بمشاكلي بس تعرفي انا ارتحت لما فضفضتلك
قوليلي بقى انتي ايه اللي مضايقك
ماجده : زي كل الناس
الحياة عمرها مريحت حد
من يوم وفاة بابا واستقراري في البلد هنا لوحدي
وانا حاسه اني عايشه بدون هدف
ماما توفيت وانا عيله صغيرة عيشت مع بابا احلى سنين عمري
جيت هنا وانا عندي سبع سنين
اتعلمت وعيشت حياتي كلها هنا
حتى بعد وفاة بابا مقدرتش ارجع مصر
لاقيت نفسي غريبه وسط ناس معرفهمش
صحيح في خالي وعمي واولادهم
يعني عيله متكامله.. لكن لاقيت نفسي غريبه وسطيهم
وقررت ارجع هنا تاني بعد شهر واحد من وفاة والدي
خمس سنين عايشه لوحدي باكل وبشرب حتى الخروج.. بخرج بردو لوحدي
اروح الشغل لوحدي وارجع لوحدي
حياتي بقت عباره عن وحده وغربه حياة جافه مفيهاش هدف
للاسف
فادي : مفكرتيش ترتبطي
ماجده :"تقصد اتخطب واتجوز يعني؟
فادي : اكيد دا هيفرق في حياتك جدا
ماجده : اتخطبت بس للأسف زي حاجات كتير حلوه في حياتنا بتتغير
هو كمان لاقيته تغير من ناحيتي ووالدته ميعجبهاش حياتي اللي انا عيشاها
وفي النهاية شككته فيه وفي أخلاقي
فادي : مش معقول هو في حد عاقل يعرفك ويشكك في أخلاقك
ماجده :"شوفت بقى اهي افتكرت زي ناس كتير
اني طالما عايشه لوحدي يبقى مقضياها بقى خروجات ومصاحبه شباب وكل الهبل دا
ع فكرة انت اول شاب اخرج معاه بعد خطيبي طبعا اقصد اللي كان خطيبي
فادي : وانا زيك بالظبط
انتي اول إنسانه قلبي يتفتحلها واحكي معاها حاجات اهلي نفسهم ميعرفهاش
________________