الاذن تعشق قبل العين احياناً

البارت ٦

ام صلاح : يمه اخذج ليث وين بياضج
ماريا؛ اصفر وجهي ومعرفت شحجي وكتلهه عد ليث
ام حسين: اخاف هو ماخذچ من جنتي يم اهلج
ماريا؛ خاله شهال حجي اني متربيه وطالعه من بيت محترم مستحيل اسوي هالشي.
ام حسين؛ يعني اني شكلت هو رجلج وبعدين جان يجيج وانتي وحدج بالبيت وامج مره مريضه
ماريا؛ ماعرف شكلج والله اني اعرف نفسي شنو ورجلي واهلي يعرفوني ماكو داعي ابرر اني اترخص

وصعدت فوك حطيت جنه بفراشهه نايمه
نضت لغرفه وعطرتهه طفيت الاضويه شغلت التلفزيون دورت بكل شبر بالغرفه على شي ايخص مرته الاولى ماكو حضرت ملابس اله ودخلت اسبح نضفت لحمام حطيت مناشف جديده طلعت لبست ثوب خفيف نشفت شعري ورفعته شلون مجان وتمدد
ليث(فتت لغرفتي ريحتهه اتخبل اول مفتحت لباب كفختني فتت لفرفه منضفه مرتبه ماري نايمه عل جربابه وجنه ب جرابايتهه درت وجهي حطتلي ملابس عل ميز فتت لحمام محضر وحاطه مناشف وريحه الحمام اتخبل صفنت على وضعي من اول يوم مدللتني الله يخليهه الي سبحت وطلعت انام يمهه اريدهه ميت عليها)
ليث(طلعت من لحمام اجيت اخذ عطر وكع وكعدت )
ماريا؛(كمت على حيلي )منو
ليث: اني ليث شبيج حبيبي
ماريا: شوكت اجيت محسيت عليج
ليث وهو يتقرب عليهه :هسه اجيت واريدج
ماريا بارتباك :شبيك اليوم
ليث حط ايده على خصرها وجرهه لحضنه : شبيه يعني مرتي واريدهه عيب لو حرام
ماريا :لا مو قصدي بس
قاطعهه ابوسهه

ليث ؛ابوس البخت الي خلاچ تخابرين محمد بهذاك اليوم وذبت بااصوت
ماريا :😪😪😴
ليث: نمتي
ليث ؛ نوم العوافي

ماريا ؛ثاني يوم كعدت من صبح فتحت عيني وشفت نفسي بين ايديين ليث
وجنى تنوح خربت الموقف اريد اكوم ميقبل خانكني ب ايده بلكوه جريت نفسي وكمت وساعه احاول اسكتهه ماكو بدلتلهه عطرتهه انطيتها ممه كلش قافله اخر شى حطيتهه عل جربايه ورحت اغسل لهايه رجعت لكيتها نايمه على صدره ويضحكون
ماريا ؛ 😳😱 لا لا تشاقون صدك صارلي ساعه احاول وياهه وبس شافتك سكتت حرام عليكم 😞😔😔
ليث: ههه هاي من يومهها هيچ لو شيسوون متسكت غير بحضني
ماريا : غير ريحه امها بيك
ليث : زين اني نمت بحضنچ لبارحه يعني ريحتچ بيه
ماريا : والله مينكدرلک لا انت ولا بنتك
ندكت لباب رحت افتح
ام حسين : يلا عيني عروستنه شوكت تنزلين
ماريا : هسه يکلبي بس ابدل وانزل

نزلت وبلشت بالريوك اني والبنات وبلشو بالريوك واني وكفت عالجاي عمي صاحلي
ابو صلاح: ماريا تعالي تريكي
صلاح: حتى اكسر رجلهه
ليث: ليش
صلاح: اتريد الخدم الفصليات تكعد على سفرتنه اني حذرته من قبل واذا كعدت متشوف خير
ابو صلاح: انت شتحجي هاي مرت اخوك متستحي ماريا تعالي اكعدي وحده منجن تكوم مكانهه الحاضر يعلم الغايب الي يجيب سيره اهلله او يكول
م فصليه حسابه عندي ولقد احذر من انذر

ماريا: الوجوه تكلبت ليث واني كوه احط لكمه بحلكي من الخوف سمت جنى تبجي وكمت عليهه حتى اخلص من نضراتهم لحد مسمعتهم كامو رجت اشتغل وصاحني ليث صعدت عليه وكب بوجي
ليث: هذا شحاجي وياج فهميني شبي
ماريا: ولا شى هو لبارحه اصبح كالي لا تكعدين على سفرتنه وبس واصلاً حقه إني وين وانتو وين إني هنا فصليه
ليث ؛ شوكت تنسين هالكلمه كافي كافي أنتي هنا مرتي مو فصليه وإذا حجه هيج شئ مره ثانيه إني اتفاهم ويه
ماريا ؛عافني وطلع من لبيت نزلت كملت شغل صار وقت الغده صبيت و كعدنه كولنا ناكل هالمره وره لغده جاي وبعدين كل واحد ليروح لغرفته خلصت صعدت نصفت غرفتي سبحت وسبحت جنى حضرت الحمام ل ليث وحضرت ملابسه وصعد سبح ونام واني ضليت كاعده بالصاله مال غرفتي ل مغرب انزل اسوي عشه هيج مرت حياتي
اليوم جان ليث طالع دخلت عليه داليا
داليا؛ هاي ملابس غيث يرادلها غسل وكوي هو حماج أنت سويهن
ماريا؛ صار حبي

كما غسلتهم وكعدت اكوه اجه
غيث كال إجيت أخذ ملابسي كالو هنا
ماريا:ايي دا اكويهم
غيث؛ لا خويه إني راح آخذهم مكوه
ماريا؛إني ماعندي شئ إني اكويهم شبيك خويه إني مو غريبه إني اسويهم آخذ هاي خلتهم ولباقي إني أرجيبه

خلصت اخذتهن لغرفته خابرتي ليث كال حضري ملابس جنى واغراضها اتروح لبيت جدها

ليث؛ ۿۿہآ كَلَبّـيّ ۦٰ خلصتي
ماريا؛ خلصت عيوني بس ليش تاخذها
ليث؛ أهلها يردوها يا عيني استحي اكولهم ما أجيبها هم هم حقهم من ريحه بتهم
ماريا : ماشي حبي هذا أغراضها ودير بالك عليها
ليث؛ لا لبسي أنتي حتى نطلع
ماريا: ماشي كَلَبّـيّ ۦٰ هسه اخلص

طلعنه أخذنا جنى لبيت جدها رادو ندخل بس مقبل ليث بعدين طلعنه نتونس
(هاي اول مره نطلع وحدنه 🤦🏻‍♀️😌) اخذني لمول اشتريت أشياء محتاجتها و رحنه تعشينا و بعدين ضلينه نفتر بسياره ب ١١ رجعنه جبنه حلويات انطبتهم الداليا وصعدت ميته تعب نمت بعدين حسيت علي ليث اجه سويت نفسي نايمه لان صدك اريد اشبع نوم جنى مجانت مخليتنا انام هههه