طبعا في الجزء السابق كتبنه نهاية القصه لكن بقت قصة حياة بعد بيهه أحداث
بعد عودتهه من الحج كانت تتوقع انه هيه تخلصت من المرض اللعين
لكن كان واضح انه معاناتهه بعدهه مستمره
بقت تتعالج من جديد ورجعت تأخذ جرعات كيمياوي وهم مفاد وياها وبعدهه رجعت تأخذ اشعاع على أمل انه تقضي على آخر خليه خبيثه وبقت سنه عايشه بتعب ومرض ورغم هذا الشي الضحكه مكانت تفارق وجهه وعلى طول تحاول ترسم البسمة حول عائلتهه
ولكن أمر الله نافذ
اليوم حياة فارقت الحياة
بتاريخ 2020/1/12
اليوم حياة تركت الدنيه وهيه بعده وجهه يضحك وكانت آخر وصيتهه انه مااريد حزن ولطم بعد وفاتي بس اقرولي قرأن وترحمولي
الله يرحمهه ويسكنهه فسيح جناته
من اعجبتهه قصة حياة ياريت تترحمولهه وتقرولهه الفاتحه
ربي يرحم امواتكم ويسكنهم فسيح جناته
