الحلقه السادسه
مخالب الشيطان
بقلم✍️
Mona salem
عاصم /انا كدا أتاكدت
سيف/اتأكدت من ايه؟
عاصم/ بص انت كدا مهمتك انتهت
سيف/ بقولك ايه انا مش هسكت الا لما اعرف اصل الحكايه وليه خلتني اعمل كدا ماشي
عاصم/ يووووه انت زنان قوي خلاص هقولك ثم قص عليه كل ما حدث بينه وبين شجن الي ان كلفه بهذه المهمه ليتأكد من صدق كلامها
..........................
نذهب الي شجن في اليوم التالي في الكباريه نسرين/ها طمنيني اليوم عدي علي خير
شجن /............
نسرين/يا بنتي فهميني انتي كويسه ولا حصل حاجه شكلك مش مريحني طمنيني الراجل دا عملك حاجه
وكانت شجن تتذكر ما حدث في اليوم السابق
عندما خرجت من الكباريه اجبارا عنها لكي تحمي اختها الوحيده من هذا المستنقع القذر
وكيف أجبر هذا البغيض ان يجبر اختها ان تتلقي نفس المصير المظلم الذي وقعت فيه لكي تنقذ باقي افراد اسرتها
نسرين/ ياشوشو انتي يابنتي سرحانه في ايه طمنيني حصلك حاجه امبارح
شجن /انا مش عارفه اعمل ايه علشان الزفت دا يبعد عننا انا واختي وامي ربنا يبعدنا عن شره
نسرين / طب ايه اللي حصل امبارح طمنيني بعد ماخرجتي من المخروبه دي
شجن /اطمني يا ستي اليوم عدي علي خير
نسرين/انا كنت خايفه ان الكميه مش تكفي خوفت عليكي
شجن /لا الحمد لله جت سليمه عموما انا عملت حسابي وجبت كميه علشان مش يحصل زي امبارح ويخلص مره واحده بصي خدي اتنين وانا اتنين
نسرين /طب كويس انك فكرتي كدا انا كنت مرعوبه ان يجيلي شغل برا الكباريه والعلبه خلصانه
ثم تأتي اليهم ليالي في قمه السعاده
باركولي يا بنات معتز خطبني
انا مبسوطه قوي عقبالك يا نسرين وانتي كمان يا شجن
ففرحوا بشده لصديقتهم واخذوا يتبادلون التهنئه فيما بينهم
ستوووووووب
معتز من شخصيات الروايه فانه يعمل في نفس الكباريه بودي جارد وبينه وبين ليالي قصه حب ولكن مثله مثل حال جميع الشباب يعمل لكي يستطيع ان يتزوج من الذي يحبها ولكنه طيب القلب يحب ليالي بشده ويرفض ان تستمر ليالي في العمل في هذا المكان ولكنه يحميها من بطش هذا الحدايه لان برعي حدايه يعتمد عليه في حمايه المكان ويخاف من غضبه فلا علاقه له ب ليالي ف برعي لا يرسلها مع اي زبون خارج الكباريه فهي تعمل في تقديم المشروبات فقط
.......................
بعد ان قص عاصم حكايه شجن اقترح عليه سيف ان يرسل والدتها للعلاج خارج البلاد لكي يحميها من شر هذا الرجل
عاصم /منا بفكر في كدا احنا عندنا شغل برا كمان شهرين هنوقع العقد مع الشركه الالمانيه للاجهزه الكهربائيه اكيد هحاول اسفرها تكمل علاجها هناك
..........................
مر شهر كامل علي ابطال القصه ما بين مهموم وحزين
ومن يبدأ حياه ورديه مع من يحب
ومن كسر قلبه ولم يصلح الزمن ما وصل اليه من احزان
ومن يجتهد لكي ينمي عمله ويستطيع ان يعلو في عالم المال والاعمال
ومن يزرع الشر والظلم حينما يمر طيفه في اي مكان
...........................
في صباح يوم جديد
استيقظت شجن من النوم واحضرت طعام الافطار وذهبت لغرفه اختها لتوقظها فهذا اول يوم في الامتحانات
شجن/ قومي يا كسلانه كل دا نوم يلا حضرتلك فطار ملوكي يا ريم يلا اول يوم في امتحاناتك عاوزين تقديرات عاليه دي اخر سنه ياريم
ريم / يوووو يا شجن انا نايمه متاخر كنت براجع سبيني عشر دقايق كمان
شجن/ لا قومي صحصحي كدا علشان تفطري وبعدها اعملك كبايه نسكافيه تفوقك
ريم/حاضر اديني قومت اهو
ثم بعد ان تناولوا وجبه الفطور تحدثوا في عده امور
شجن /المهم عندي انك تخلصي امتحاناتك علي خير علشان نسافر بعيد عن هنا وعن الزفت اللي اسمه برعي ده انا مش عاوزه اللي حصل دا يتكرر تاني
نفسي اغمض عيني وافتحها الاقيكي خلصتي كليتك ونسافر ونستريح من الارف ده بقي
ثم ذهبت كلا منهم حيث ذهبت ريم لاداء الامتحان
وذهبت شجن الي زياره والدتها في المشفي ففتحت باب الغرفه فكانت الصدمه عندما وجدته بداخل غرفه والدتها
شجن/ انت
عاصم/ ايه مستغربه كدا ليه
شجن /ابدا اصل اخر مكان ممكن اشوفك فيه هنا لانك مش صدقتني لما حكتلك حكايتي
عاصم/ عموما انا مش جايلك انتي انا جاي اتطمن علي الحاجه واسال الدكتور اللي متابع معاها علشان انا هاخدكم معايا كمان شهر مش ريم بردو هتخلص امتحانات قريب
شجن / ايوه بس امي علاجها غالي وكمان مش موجود علاج نهائي لحالتها الا في مستشفي في المانيا
عاصم /عموما انا حجزتلها في مشفي دكتور شنايدر وعارف انها احسن مستشفي في علاج حالتها
شجن /انا مش عارفه اودي جمايلك دي فين انا متشكره قوي علي كل اللي بتعمله معايا
بس........
أنت تقرأ
نوڤيلا مخالب الشيطان (مكتمله)
Romantikقصه واقعيه تحدث كثيرا فهي حرب بين الخير والشر الظالم والمظلوم فهل يجد الخير سبيلا في الانتصار علي الشر لا تتعجب فهذه هي الحياه القاسيه التي نعيشها روايه بقلم الكاتبه /مني سالم
