رسالة من مجهول 📝💖

الحلقة ٣٤

الحلقة ٣٤
#رسالة_من_مجهول
#بوسى_مصطفى
_____________

بعد يومان من الأحداث

في منزل منصور
سيف : يااخي خنقتني بالبتاعه دي
قولتلك مبحبهاش
هيثم : ياابني لازم تلبسها
سيف : يعني مش هتم الخطوبة غير لو لبستها؟!
اوعي بقى خليني اكمل لبس
اخد هيثم البرفين ووفرشة الشعر
سيف :"كفايه ياعم غرقتني
هيثم : هههههههههه انت كل حاجه معترض عليها
استنى اسمع
سيف : استنى ايه هو حد كلمك
هيثم : ياابني استنى بس
دا بابا اللي بينادي
اكيد بيستعجلنا
خلص بقى ألبس الشوز وحصلني على تحت
عقبال م اكمل شغل في العربية
سيف : بتعمل فيها ايه انا فاهم
هيثم : هتشوف دلوقت بس أنجز
ونزل هيثم جرى
هيثم : معلش يابابا اتأخرت عليك
ثروت : سيف منزلش معاك ليه
هيثم : بيكمل لبس
عقبال م اخلص تزيين العربية
ثروت : عقبال م اذوق انا العربيه بتاعتك
هيثم : هانت يابابا ادعيلي بس حمايا ميرجعش في كلامه
ثروت : انت معزمتوش
هيثم : لا طبعاً عزمته
وكالعادة يعني مش جايه
ثروت : هههههههههه بكره تيجي هنا متسعجلش
هيثم : كل دا ومستعجل !
دا انا خللت هههههههههه

______________________

في شقة راوية... في المطبخ
مديحه : بتعملي ايه ياراوية
راوية : بعمل اكل
مديحه : م انا عارفه بس لمين الاكل دا
انتي عازمه حد
راوية : اه عازمه البيت كله
مديحه : البيت كله يعني ايه
راوية : عازمه البيت كله يعني عازمه رجالته وحريمه.
مديحه : وايه المناسبه يعني
راوية : من غير مناسبه
عادي يعني قولت نتجمع كلنا على سفره واحده زي زمان
مديحه : وعازمه نوران  بنت عمي بقى
راوية : طبعاً واوعى تتكلمي كلمة واحدة ماشي
مديحه : ماشي ياراوية هسكت خالص
راوية : روحي افتحي الباب يلا
مديحه بضيق : حاضر
تفتح مديحه الباب
نوران : سلام عليكم
مديحه : وعليكم السلام.. ادخلي يانور
نوران : ازيك يامديحه اخبارك ايه
مديحه : الحمد لله... تمام
وتاخد مديحه باسم في حضنها
مديحه : عارف انا زعلانه منك
باسم : ليه ياطنط انا عملت حاجه تزعلك
مديحه : مبتجيش ليه ولا مش عايز تشوفني وبعدين ايه طنط دي
نوران :"احنا قولنا ايه ياحبيبي
مديحه : سبيه براحته
نوران : لأ هو بس بينسى
مديحه : هاتي منه واقعدي
نوران بتقعد : امال ام فادي فين
مديحه : جوه في المطبخ... منه عامله ايه دلوقت
نوران : الحمد لله... بقيت كويسه
مديحه : الحمد لله
__________________

في غرفة أميرة.. في التليفون📞
أميرة : هو دا اللي مزعلك يعني
زينة : كان نفسي اغير جو يااميرة
وبابا بقى مش عاوزني اروح هناك خالص
أميرة : بكره تروحي مستعجله ع ايه
زينة : سيبك مني انا وقوليلي عامله ايه
أميرة : الحمد لله
زينة : وعملتي ايه في الموضوع إياه كلمك
معلش انشغلت عنك بس ع بالي دايماً
والموضوع دا شاغلني اوي ونفسي اخلص منه زيك بالظبط
أميرة : م انا خلاص خلصت منه
زينة : تقصدي إنك....
أميرة : هو كده بالظبط
زينة : امتى وازاي
أميرة : من يومين بالظبط
وازاي فعند المأذون عادي يعني
زينة : ياحبيبتي يااميرة انتي بتعيطي
أميرة : مهما كان يازينة... الموضوع صعب اوي
زينة : ياحبيبتي حاسه بيكي
أميرة : انا انطفت فرحتي من قبل حتى م احس بيها
زينة : كلامك بيوجع قلبي اوي يااميرة
أميرة : انا آسفه اني بقولك الكلام ده
زينة : اسفه ع ايه بس يااميرة
انا هجيلك بعد شويه
هتبقى في البيت
أميرة :"اديني قاعده في البيت هروح فين يعني
زينة : طيب ماشي هجيلك
راوية بتنادي من بره : يااميرااا
أميرة : حاضر ياماما جايه
زينة : طيب سلام وروحي شوفي مامتك بقى
أميرة : ماشي سلام
قفلت أميرة التليفون وخرجت لمامتها
أميرة : نعم ياماما
راوية : تعالي يابنتي ودي الصنيه دي لخالتك ام عصام
أميرة : ازيك ياطنط
نوران : الحمد لله... ازيك يااميرة
أميرة : الحمد لله.. تمام
راوية : انزلي ب الصنيه دي يااميرة
مديحه : تنزل فين ياراوية
راوية : يلا يابنتي اعملي اللي قولتلك عليه
وبسرعه علشان تاخدي صنيه خالتك أم هدى
أميرة : حاضر ياماما
اخدت أميرة الصنيه وخرجت
مديحه : من أمتي بتنزلي بنتك في المشاوير دي ياراوية
م انتي طول عمرك بتعملي الاكل وبتوزعيه بنفسك
ولما بقولك نزلي أميرة معاكي تساعدك علشان نخلص بسرعه
تقولي لا أميرة خليها قاعدة تذاكر
راوية : علشان لازم تنزل يامديحه والنهارده بالذات
مديحه : امرك عجيب... ع العموم انتي حره
راوية : هاتي منه انيمها جوه ياام باسم
نوران : انا هدخلها مش عايزة اتعبك
راوية : تعب ايه بس
واخدت منها البنت
راوية : يااختي هي البنت مبترضعش ولا ايه
نوران : اصل لسه فطامها من اسبوع
مديحه : ياحبيبتي... بدري كده ليه
نوران : علشان الحمل
مديحه : اه.. طب مش كنتي تصبري شويه
نظرت نوران ل راوية
راوية : حد فيكو يتصل ب جلال يشوفه اتأخر ليه
______________