رسالة من مجهول 📝💖

الحلقة ٣٥

الحلقة ٣٥
#رسالة_من_مجهول
#بوسى_مصطفى
___________

منصور : لا ياحبيبي مفيش حاجه
سيف : بس حضرتك شكلك متوتر ومتضايق
منصور : انت مش هتبطل الطبع اللي فيك ده
سيف : هههههههههه مالك بس يااستاذ منصور
منصور :"سيف انا عايزك تتجوز
سيف :" هههههههه حاضر هتجوز
منصور : بسرعه
سيف :"هههههههه يعني اخطفها وع أقرب مأذون نكتب الكتاب
مش فاهم
وبعدين انا لسه معملتش البيت اللي هنعيش فيه
منصور : وماله البيت هنا ياابني ولا هتسيبني اعيش لوحدي
سيف :" ياحبيبي تعيش لوحدك ايه بس
م انا معاك في نفس المنطقة اهو مش بعيد يعني
منصور : ياابني انا لما عملت البيت دا
قولت هجوزك فيه
يعني اعيش في البيت دا كله لوحدي
سيف : ايه رأيك نبيع البيت ده
وتيجي تعيش معايا هناك
منصور :" لأ
سيف : ليه بس
منصور : م سيبش بيتي واروح أضيق ع ابني ومراته
سيف : هههههههههه انت هتنورنا ياابو سيف
منصور :" طب ريحني واتجوز هنا وبعدين ع مهلك بقى في البيت والمزرعه اللي بتعملها دي
سيف : عمي ثروت قالي إنه عايز يدخل شريك في المزرعه
منصور : انت حر... فكر وقرر
سيف :" هو انا لو وافقت بس علشان محتاج فلوس
منصور : براحتك ياابني
سيف : بابا انا هسافر سنه واحده بس
مش عايز اعيش هناك اكتر من كده
منصور : ياريت م تسافرش وتقعد معايا هنا
سيف : والفلوس اللي محتاجها هجيبها منين بس يااستاذ منصور
ماهو لو توافق تبيع البيت دا وتدخل شريك معايا
يبقى كده تمام اوي مش هسافر
منصور : ولما ابيعه بقى انا وانت هنعيش فين عقبال م تبني البيت بتاعك
سيف : هنعيش هناك احلى عيشه ياابو سيف
نعمل بيت من الخوص ونعيش فيه انا وانت وناخد مرتبتين ننام عليهم
وحتة مطبخ محندق كده
يااااه دا  مجرد التخيل بس خلاني عايز اروح اعمل البيت ده
منصور : انت ياابني جرالك ايه بس
الغربة جننتك
سيف : هههههههههههههههه
منصور : سيبني بقى اخرج
سيف : هتروح فين دلوقت الوقت متأخر
منصور : وانت مالك يااخي
سيف : هههههههههه مالك بس يااستاذ منصور
ايه اللي مزعلك
منصور : هفضل تعبان طول م انت مش عايز تريحني
______________

تاني يوم بعد الظهر
نوران قاعده في شقة والدتها لابسه أسود ومديحه وراوية قاعدين جنبها
راوية : شدي حيلك ياباسم
البقاء لله... ياحبيبتي
مديحه : قومي نامي يانور انتي قاعده على الحال دا من الصبح
راوية : دي من بالليل وهي على الحال دا
قومي ريحي جسمك وعينك اللي منشفتش دي
نوران : كان قلبي حاسس إن امي فيها حاجه
كلمتني بالليل وقالتلي تعالي بكره طالما معرفتيش تيجي النهارده
ولا اجيلك انا
قولتلها لأ خليكي ياماما مستريحه.. اكمنها تعبانه وبتنزل السلم بالعافيه
مديحه : ﷲ يرحمها
واحده من الجيران : البقاء لله... ياحبيبتي شدي حيلك
تسلم وتخرج من الشقة
جات جاره تانيه سلمت ونزلت هي كمان
وباقي مجموعه من الستات قاعدين
واميرة في المطبخ بتعمل قهوة
تحت بيظبطوا المكان اللي هيتعمل فيه العزاء
جلال ورائد بعد م الدفن
رائد : متشكر يااستاذ ياجلال على اللي عملته في غيابي
جلال : دا واجبي.. طنط في مقام امي
رائد : متشكر
إبراهيم : جلال هروح مشوار كده وهبقي اجي بعد العصر
هز جلال دماغه وسلم إبراهيم ع رائد وتركه ومشى
شكري : هي راوية اختك لسه فوق
جلال : اه.. فوق
شكري : طيب
جلال : كنت عاوز منها حاجه
شكري : لأ مش وقته بقى
جلال : في ايه ياشكري قلقتني
شكري : م انت محلتش حاجه
بالعكس بدل م تروح تحل الموضوع مع إبراهيم اتخانقت معاه وخليته يعند اكتر
جلال : مش قولت مش وقته
يبقى ملوش لازمه الكلام دا
لما نروح بيتنا نبقى نتكلم
شكري : مش مطمن
جلال : كلنا هنستريح
شكري : مش بقولك مش مطمن انا مش عارف دماغك دي جواها ايه
جلال يوقف لمجموعه من الرجاله جايين يعزوا
_____________