ارواح لاجئة (مكتملة)

الجزء الخامس والثلاثون

ارواح لاجئه
بقلم // الفهدة السوداء
البارت الخامس والثلاثون

راح لبيته
جان يباوع على صورة النا
معلقه بداخل غرفتي
حسيته ضاج
مو ضاج
وانما فولت اعصابه من الصورة
غلست عنه ما ركزت بالموضوع
شأسوي هذا الماضي مالتي
مو كل موقف لازم يبرر
وينحجي بي
رحت للمطبخ لميت الغراض
وديتهن لغرفة النوم
فتحت جنطتي مال سفر
رتبت الملابس الجديده بيهن
حاولت اعزل ملابس لبيت بجنطه ثانيه
اخذت بس الاحتاجه
استغرقت ساعه تقريبآ
لميت كلشي
بقت ملابس الجهال
تركتهن وكعدت على الجربايه
نزلت دموعي
خوف
اني وين ماخذة جهالي
لبيت مو بيتهم
وحياة غريبه عنهم
بعيد عن بيت جدهم
ياترى راح يرتاحون الولد هناك
عيسى حيل نحس
ما اتخيل راح يرتاح هناك
ضاقت نفسي
واختنكت بدموعي
اتمنى هسه اتصل بعمو يوسف واكوله ماريد اتزوج
اريد ابقى ابيتي وبيت اولادي
بس اخاف
من ردة فعل مارسيل
كمت لملمت ملابسهم
وغراضهم
واني احاجي الهدوم
وين راح اخذجن وابهذل الولد

اخر خطوة سديت الجنط
ووديتهن للهول
اليوم اثنين
الخميس عرسي
اختفى كل الحماس الي بداخلي
حل محله خوف و رهبه من انتقال لحياة جديده
ياريت لو عندي احد اشكيله
ويخفف عني
حته صديقه ماعندي تسمعني
وخواتي ما اريد اخوفهن عليه واقلقهن
وعمو يوسف ما راح يفهمني
ولا راح يفهم شنو شعور الام
كمت بدلت ملابسي ورحت لأهلي

ماريان :: مساء الخير

عيسى :: هلااااو مااامه

ماريان :: هلاوو حبيبي
وين اخوك

عيسى :: يم خاله ريتا يلعبون

ماريان :: لعد وانت ليش ماتلعب وياهم

عيسى :: جنت انتضرج بالمطبخ
كلت تأخرتي

رحت يمه وبوسته وشبكته حيل
ماريان :: حبيبي
بعد ما اتأخر عليكم ابد ابد

عيسى :: شبيج مامه
ليش تبجين

ماريان :: مابيه بس انقهرت عليك
لان تأخرت
بعد ما اخليك تنتضرني ابد

اجوان :: هااا شلونج
كملتي جهازج لو بعدج

ماريان :: لا كملت كلشي بعد بس ملابسه
كال هو يطلع يشتريهن

اجوان :: خوش
الله يسهل الكم
صدك الخميس ان شاء الله

ماريان :: اي ان شاء الله

اجوان :: لعد باجر روحي صالون ماراح تلحكين

ماريان :: شعندي شعريبس الجذور ارتبهن والباقي كلشي جاهز
ابد مالي خلك لروحي

اجوان :: دروحي لج راح احجزلج حمام مغربي
روحي استمتعي واسترخي باجر

ماريان :: لا عيني جهالي وين اخليهم مو كافي اليوم عيسى باقي ينتظرني بالمطبخ خطيه