#بقلمي : #جوهرة
لا تكوني عصبية !!
لن تثيريني بتلك الكلمات البربرية
ناقشيني بهدوء و روية
******
ام نشوان سوت غدا ليوم السبعة وجانت عازمة صديقاتها وكرايبها والجيران ممخليه ممسويه الكبب
والدولمه والتمن بحشوة البرياني واللحم والمقبلات
جانت اختها ام رحاب ايدها وباها ونورة حتى ملاذ
ساعدتهن رغم مو ذاك الزود بالطبخ تعرف بس شغلات جبيرة مو هلكد ..اعترضت ماجده اتكلها
انتي عروس ميصير ورا السبعه اشتغلي بس ملاذ
مقبلت لان شافتهن مخبوصات قبل بيوم .
فكعدن بالمطبخ فرشن سفرة بالكاع فراش البيت شالته نهايه نيسان والجو يخبل حلو .
ام رحاب تلف دولمه وعينها على ملاذ الجانت مندمجه تشتغل وياهن ونظراتها اعجاب تشوفها
حلوة ونازكه يستاهل نشوان هيج بنية .
نشوان يفتر بالبيت وكل شوي داخل للمطبخ عينه على ملاذ يشوفها تشتغل خابصة روحها اشرلها
براسه من شافها رفعت عينها عليه جان تعضله
شفتها مستحية ورجعت دنكت تحشي بشجراية صغيرة بيدها.
_يمه اشوفج مشغله العروس .
ردتله وهي مدنكه عالجدر تحط وترتب ..والله ماما
ما ادري بيك هلكد مشتاقلها ..كومي حبيبتي كملنا
روحي لرجلج متشوفينه رجليه طاحن رايح راد وعينه عليج.
_هههههههههه فدوه لأمي الحلوة الفاهمه ابنها .
ملاذ استحت حيل وما رفعت راسها .
_صدك يووم احسبي حسابنا باجر غدانا ابستان فارس وانتوا اخذوا راحتكم بالبيت .
_حبيبي الاكل خير من الله بسيطه هاي اخليلكم بحافضات .
_اي احسن فارس ماقبل يكول ناخذ من المطعم.
اعترضت امه ..لا ماما شنو هالحجي عيب لعد المن
مسوينه هالاكل خيرات من الله.
التفت على ملاذ..هاااا متكومين عاد .
نورة مدنكه وتضحك جان ادغها بخاصرتها ..كومي شبيج.
كامت ميته خجل يربي شكد عيب هسة شيكولون
يريد ينام وياها .
غسلت ايديها عالسنك وفاتت .
_مشكورة يمه ههههههه
رفعت راسها وغمزتله ..ادلل يعيوني .
بالغرفه دخل وراها شافها جاي اطلع ملابس حصرها
يم الكنتور ..تالي وياج من الصبح هاملتني وهسة العصر .
منطيته ظهرها وبيدها دشداشتها والمنشفه ..نشوان
والله خجلت شنو هيج تحجي كدامهن.
حضنها وجرها عليه وخلا راسه بركبتها شمها بقوة وباسها ..
اعترضت ضايجه..اجاي تشتم كولني ريحه طبخ .
نشوان ممهتم لحجيها ويبوس بيها..جذابة ريحتج طيبه .
حاولت تدفعه متكدرله قافلها بحضنه ..
شاورها فكت عينها ورجعت عضت شفتها تدري بي
من يريد شي الا ياخذه .
...........
يلا وينج مو جاي احجي وياج ...عاط بيها من شافها
ممهتمة للروحه ام نشوان بنفسها خابرته اكدت عليه
يجيب ديما وهاي ام راس اليابس معانده .
قبل يومين حسها لانت شوي من تمرض عبودي
بس جان غلطان بعدها كالبه الخلقة وماده البوز .
يا عمي شسويلج والله كلبي مجاي ينطيني اقهرها.
تقرب عليها وجرها من ذراعها حجى بعصبيه..المرة
اتصلت وعزمت شنو معناها هاي التصرفات امشي
بدلي حتى اوديج .دخلت للغرفه واخذت عبودي
شوي وطلعله مبدل قميص سمائي وبنطرون كابوي
ازرك وحاطتله فيونكه حمرا طالع يجنن.
من شافه فارس اتخبل عليه شاله يبوس بي ..افففف
يهالريحه اخرررب عليها يبوس بي وعبدالله خربان
ضحك ..هاي ماما خلته العطر اليوم اكلك هممميه
مخلي راسه بصدر عبودي وعبودي يجر بشعره ويضحك .
رفع راسه من حس عليها صوت حذائها يطك بالارضية.
بلع ريك يربي شلون بيه راح تموتني هالمرة كلبه يدك
بقوة طالعه اجنن لابسه نفنوف صيفي اسود وبورد احمر ثلاث ارباع ورجليها بياضهن يموت وشالها احمر
ومكياج مرتب ..انسطر وداخ بيها يدري بيها متعمدة
تريد تقهرها هي متخلي مكياجها دائما بسيط بس
شايفها تتكحل دوم ..
نزل عبودي الراح يركض وجلب برجل امه حيال يدري بيها طلعه .
تقرب عليها وانفاسه ضربت خدها ..اقهريني اقهريني
جر حصرة وذبها وبقت عينه بعينها خازرته وعيونها
بالكحل وساع بارزات موتته وهو مو الي يفوت فرصته ابد سحبها ايده على ركبتها من ورا ولثم شفتها لثمة قهر لثمة محروم والله فرجها عليه
اختنكت تطلب الهوا معافها الا حسها بادلته يلا هدها
فاكه عيونها وشفتها الفوك مورمه.
عافها وفات للحمام لان بعد ميتحمل دخل سبح
وهي راحت للغرفه تعدل روحها وترتب مكياجها لان الحمرة انمسحت ولطختها .
متنكر تأثيره عليها خاصه هالفترة وبعد ماحملت منه
روحها لايبه عليه بس لازم تحطله حد حتى لايفكر
يجاوز عليها مستقبلا الحياه صعبه شمدريها شضامتلها مرات تنقهر عليه من تشوفه يلوب عليها
تدري بي يكدر ياخذ حقه الشرعي منها بالقوة وسواها قبل كم يوم ومن شافها بجت عباله اذاها والطفل بي شي لعد مغصبها ..تعرف الجاي تسوي
غلط وحرام عليها هيج تعاقبه بس شلون بيها من تذكر كلامه تموت قهر وهو يعيرها بالفلوس الاخذتهن عمتها جانت مقرره شي حتى تردله حجايته وتريح نفسها هم وهسه جي وكتها .
شافته دخل والمنشفه لافها على خصره خجلت من نفسها لان هي السبب حارمته منها .
طلعتله ملابس بنطرون كابوي وتي شيرت اسود وبي علامه بالابيض .
لمحته يلبس وعينه عليها كمل وتعطر ولبس ساعته
وحبسه كلبها دك سريع متكدر تبعد عينها عنه.
انتبهت لروحها هواي ساحله نفسها عليه عود مسويه
روحها زعلانه ويا .
فتحت خانه قافلتها بيها ذهبها وطلعت علبه سواراتها
القديمه ومحابس اثنين وكلاده اتذكرت عمتها من تكلها بيعيهن خل نجيب سبلت رفعت تك خد بسخريه على وضعها جانت مصرة متبيعهن وهسة
تتمنى فارس يقبل بدل الفلوس الدفعها العمتها تريد
تحس روحها حرة ممشتريها .
تقربت عليه وانطته العلبه قديفه حمرا .
رفع تك حاجب بدون ميسأل.
_هاي ذهبي لاتخاف مو انت الشتريته ..اعتقد اذا تبيعه يوصل ثلاث ملايين يبقى مليون ادبره بعدين.
فارس خلاها تكمل وعيونه فكهن عليها بعصبيه
زمخ بيها..ولج شلون تتجرأين وبعين صلفه هيج
تحجين وياي شفتيني ميت عالفلس .
_ماحجيت شي غلط انت عيرتني بفلوسك وذهبي
هذا بدالهم.
جر العلبه مشايفها فتحها شاف سوارات سته نوع ثكيل يعرف بالذهب مو غشيم يوصلن اكثر وياهن كم قطعه سدها بقوة وشمرها بالكاع ورفع اصبعه يهدد
_اكسر راسج اذا عدتيها موبحالهن اني والحجيته
اعتذرت عنه كافي عاد صارلج اسبوعين كالبه الخلقه
كفرت حجيت لو عاجبج وضعنا هذا لا عبالج مرتاح
ولج متندم بكد شعر راسي لان قهرتج بهاي الحجاية
بس انتي عناد ويباس راس كااافي ديما ترى صبري كاعد ينفذ وياج .
ديما حست بي واصله عنده وخاصه هسة من شاف
الذهب .
فزت من نتر ..مو بعينج اني شنو هالاسلوب المريض
تردين ترجعين الفلوس تعامليني غريب عنج
ولج اني سندج اني الراح احافظ عليج وعلى ابنج
عافها وطلع .
عضت شفتها بقهر لان الحجاه صحيح منو بحالها منو المدللها محست بالراحه والدلال بس ويا
منو الها غير فارس .
شوي وسمعت صوته صاح عليها .
شالت العلبه وضمتها واخذت جنطتها وطلعت.
أنت تقرأ
الرجل الأخر
ChickLitالنقيب نشوان عادل سليمان ..من مدينه الجمال ورائحه زهرة قداح البرتقال ديالى 🌼جريء ولديه روح المقاتل الشجاع .. لايتوانى عن فعل اي شيء في سبيل تحقيق هدفه كرجل امن اتخذ على عاتقه حماية وطنه.تفرض عليه امرأة فاتنه راقية هل يقبل بها وهو كل ما يهمه نداء ال...
