خربشة قصة

القصه الاولى

كنت راجعه من الجامعه بدري ...اليوم داك المحاضره اتلغت 😪

اصلا كنت فترانه وفيني صداع ما فكاني من الصباح 😓 طوالي شلت شنطتي عشان امشي البيت   ...🏃

كنت ماشه ومكشره ومتين اصل البيت عشان اشرب الجبنه ،يمكن تفك لي الصداع دا ...😩

ركبت الحافله ...ما كان فيها مقاعد 😫
وفي رجال واقفين شماعه ولا في بت واقفه معاي عشان تتقلني في الوقفه ...😰

دخلوني جوا وفضلت واقفه مديه ضهري للركاب وماسكه بيدي في الشباك ..😪
.فجأه اسمع ليك حمحمه 😳..احم احم اقعدي هنا ... 😳
ما عاينت ليه حتى ولا شفت وشو وانا منتظره متين اقعد عشان اشوف منو دا  صاحب الصوت الملان الفخم اللمن تسمعو تحب ترجع تاني تسمع ليه ..😍🙈.
ما قعدت سمح ..رفعت راسي وبقيت اعاين ليه ...🙊
ما شاء الله عليه ...ياخ كفكفه كم القميص براها تلبش ...🙈🙉
جسمو رياضي والدقن مهزب وهاادي حتى في وقفتو ...😍😍

فضلت من لحظه لتانيه بعاين عليه 🙊
...لحدي ما نزل. 😭
ما فضل لي الا اقبل واعاين لمشيتو 😢😢
....بس احترمت نفسي وبطرف عيوني تابعتو ...😶👀

لمن نسيت الصداع 🙉
واول من نزل رجع تاني ...😂😂

يااخ دا شنو دا ...بعد مسافه المره الجنبي عايزه تنزل ،قالت لي ادخلي محلي علي الشباك عشان انزل .. 😊

وانا بزح حسيت بحاجه تحتي  ...هبشتها لقيتها تلفون ربيكه صغير ..😮 ..
ما يكون حق الولد داااك 😨...اااي هو 😱
..لانو دا محلو .😨
.قبل المره ما تنزل قلت ليها التلفون دا حقك ...
التفتت قالت لي لا ...
لكن حق الولد القام ليك 😲
. لاني شفتو بيتكلم بيه 😵
.ونزلت.
ما عرفت اعمل شنو ...😷

لقيت رقم اتصل في تلفون الولد ...طوالي رديت عشان يعرف التلفون موجود ..📞
قال :الو ..
اول اتربشت بالصوت 😅
..هو ذاتو حق قبيل بس احلى صوتو في التلفون .. 🙈

الو عادها تاني .
قلت ليه ...التلفون دا لقيتو في العربيه ...😊

قال لي ايواا الحمد لله قايلو وقع مني في الطريق ...😊
قلت ليه : لا هسي معاي ...😍

قال لي : طيب اجيك وين عشان اشيلو ..😟
قلت ليه حاليا انا في العربيه ..ممكن انا بجي بديك ليه اذا كنت في السوق 😐
..
قال لي ما عايز اتعبك 😥
..انا بجيك ..بس انتي انزلي ومحل موجوده بجي بشيلو منك ..😊

وقفت العربيه ونزلت وفعلا بوصف نزل ..😃
لمحتو من بعيد بقميصو المسطر بالابيض والبنطلون الاسود مع الجزمه يخليك تريل عديل ...🙈🙈😶

وقف قصادي ...ومد يدو للسلام.
..سلمت ليه وسلمتو التلفون ...😊

شكرني وقال : تسلمي والله كان فيه ارقام مهمه ..شكرا وابتسم لي.😊

والله بسمتو دي ما خلتني اسمع باقي كلامو ....🙊🙊

وقفنا منتظرين المواصلات ومن فتره للتانيه يدخل خشمو في الكلام معاي وانا ارد 😍
..ما قدرت اتكلم يااخ
..مع  اني في العاده  بربرب لمن الزول يسكت ويخليني اتكلم براي 😅😅😂
..لكن هو جذبتي وعجبتني شخصيتو 😍
..لكن ما في عربيه جايه ..والمطره بدت تنقط ...😱😨