رسالة من مجهول 📝💖

الحلقة ٣٦

الحلقة ٣٦
#رسالة_من_مجهول
#بوسى_مصطفى
في المحل
ابراهيم : لو قولتلك إن حقك اخدتيه ياراوية تقولي ايه
راوية : هقول مفيش عقود ببيع نصيبي في المحلات والأرض بتاعت ابويه ياابراهيم
يبقى حقي وصلني امتى
ولا قبصته وانا نايمه
جرا ايه ياابراهيم مش تقول كلام يدخل العقل
ولا انت كنت عايز ابنك يفضل مكمل في التمثليه اللي عملها ع بنتي وعليه انا قبلها لحد م وافقت وجوزتها ليه
ابراهيم : محدش مثل ع بنتك يا راوية كله كان بمزاجها
راوية : كان بمزاجها لانها كانت فاكره نفسها هتتجوز راجل
ابراهيم : ميصحش اللي بتقوليه دا ياراوية
راوية : شوف ياابراهيم انا كنت عامله حساب للدم اللي بينا
وقولت يابت دا اخوكي متخسرهوش مهما كان بردو
بس لا ياابراهيم تيجي عليه انا معنديش مانع تاكل حقي هبلعه واشرب وراه مياة واقول اخويه وماله لو محتاج عنيه ليه
لكن اللي يجي ع حق حد من ولادي دا بقى اللى مش ممكن اسكت عنه
لو فيها موتى مش هسيب حق حد من عيالي لا ياخده ولا يجور عليه
ابراهيم : فين حق ولادك دا ياراوية
ولادك تربوا وتعلموا واتجوزوا من فلوس ابويه وشقا عمره وتعبي انا كمان معاه السنين اللي فاتت
راوية : هو انا لما اخد نصيبي من أملاك ابويه يبقى دا حقك ياابراهيم
انت بتقول ايه
ابراهيم : بقول اللي كان لازم تسمعيه من زمان ياراوية
ابوكي قالنا سيبولها الشقة تربى ولادها فيها.. دول يتامى ياابني واللي هتعمله النهارده هتلاقيه في ولادك
انا واخواتك قولنا ماشي وماله ماهي اختنا ودا لحمنا بردو مش هنرميه في الشارع
راوية : تشكر ياابن امي وابويه
كلامك دا وجعني اكتر من حرقة قلبي على موت جوزى
محمد ياابراهيم فاكره
ابراهيم : ياست فاكره ومش ناسيه وعارف كويس انه كان إنسان طيب ومحترم وجدع وشهم وخير مع كل اللي حواليه ولو تقصدي يعني وقفته معايا في جوازتي لما ابويه رفض يديني مليم واحد علشان مرضتش اعيش معاكوا وقولت يبقى ليه بيت لوحدي
وساعتها ابويه قالي مفيش واحد بيروح يسكن في بلد مراته
جه جوزك وقالي اللي انت عايزة وقبل الحادثة كنت مسدس ليه كل اللي عليه
ودا بقى حاجه تانية ياراوية متعكيش كل حاجه في بعضها
علشان تطلعيني ظالم وواكل حقوقك انتي وولادك
راوية : انا فكرت بيه علشان اللي ظلمتها دي تبقي بنته ياابراهيم
اللي ملحقتش تشوف ابوها اللي كانت بتعبرك ابوها
ابراهيم : وليه كانت بتعتبرني ابوها مش علشان اللي كنت بعمله ليها وهي صغيرة
راوية : وعملت ايه لما كبرت ياابراهيم
اول حاجه فكرت فيها إنك تجوز المحروس ابنك ل بنتي
ابراهيم : ودا عيب ياراوية
راوية : مش عيب لما تبقى نيته تستر على بنتي وتجوزها لواحد يصونها ويحافظ عليها مش تبقى تجارة وصفقه وسبوبه ياابراهيم
م علينا علشان انا ضغطي بيعلي من الموضوع دا
وعارفه وواثقه... بإذن ﷲ
إن بنتي هتاخدي اللي يستحقها وتستحقه
فأنا جايه ليك علشان حقي
وحقي مش ايراد المحلات ولا فلوس إيجار الأرض لأ حقي اني وقت م اعوز افصل نفسي عندكم محدش يعارضني ولا يوقف في طريقي
ابراهيم بسخريه : عايزة تاخدي الأرض والمحلات ولا ايه ياراوية
راوية : هاخد نصيبي بس وحلال عليكم الباقي
ابراهيم : هههههههههه دا كان حلم حلمتيه امبارح وانتي نايمه ولا ايه
راوية : مش حلم ياابراهيم ابويه قالي وقالكم المحلات تفضل زي ماهي وقولنا ماشي
بس دا لما كنا مع بعض ايد واحده لكن لما يدخل الطمع بينا
وتوصل إن حد ياكل حق التاني يبقى الأولى كل واحد ياخد حقه ويبعد ياابراهيم
ابراهيم : مفيش بيع ولا شرا ياراوية
هو الوضع كده وإن كان عاجبك
راوية : متخلنيش اعمل اللي عمر م اتخيلت اني اعمله ياابراهيم
ابراهيم : عندك الشرطة أحبسيني ياراوية لو تقدري
راوية : لأ مش هحبسك ياابراهيم
بس حقي هاخده بطريقة تانيه... سلام
ابراهيم : مع السلامة
راوية قربت من إبراهيم : إلا بالحق ياابراهيم
م اخدتش فلوسي يااخويه
وفتحت درج المكتب وخرجت فلوس
راوية : م انت معاك فلوس اهو امال ايه بقى
يمد ايده عايز يخطف الفلوس
راوية وهي بتبعد عنه ولسه ماسكه الفلوس في ايدها وبتعدها
هاخد حقي والباقي علشانك
ووضعت باقي المبلغ على المكتب واخدت فلوسها
ابراهيم : اللي بتعمليه دا ياراوية ميصحش
راوية : كنت بستنى الأول تمد ايدك وتديني حقي
وبما إنك مش عايز تديني حقي يبقى أمد ايدي واخده.. سلام ياابراهيم
قعد ابراهيم ع الكرسي وهو مضايق من اللي قالته وعملته راوية
[__________