طفله ضيعها القدر

البارت الخامس

يالـصوره مـاتحچين وي اليــحاچيـچ
هم انتي مثل اهواي مامش رحم بيچ

.......................

صبر الليالي يطول وتركض الايام
ظيم وقهر وآهات وعايش بالاوهام

.........................

طايـح ثلث ترباع مــن حيلـي بالگاع
خاف أگعــد وماگوم لو صار ألوداع

..........................

البيت أضلم من نستنة اخباركُم
والدمعة تچفي شما سمعت اشعاركُم

............................

امي النفس والروح والضحكة هيه
اتنازع من الموت وكل همهه بيه

.............................

نور :اباوع ع امي الجفن مغطيها اوووف امي هاي النايمه كدامي ليش متكعدلي احجي وي نفسي واتراجع عنها لبعيد كلبي مات بهذيج اللحضه وصار حجر

الدفان: يلا ندفنها ساعدوني

........................

نور : ههههههه يالدفان اوكف هاي امي شنو بكيفك تدفن اوووكف انتظر بس اصبرلي بلكي تكعد متتاخر هيج بنومتها مستحيل يمه كومي كومي اذا متكونين بعد ما تكدرين ترجعين يلا يمه والله بعد ما اشلع كلبج يلا اني مو حبيبتج يلااااااا ادفنوتي بمكانها اني اموت بمكانها وهيه ترجع اي اي اني بمكانها

......................

ابو ابراهيم : من طلعنه من المغيسل انتبهت ع نور مو ع بعضها جانت تبجي ع امها بس ما اعرف ضلت بس تباوع ومتحجي صعدنه التابوت وطلعنه للمكبره تلكانه شيخ كرايبنه والدفان نزلنه التابوت تلونا القرأن عليها والدفان ضل يقرا وكمل كال يلا ندفن هنا حسيت الدنيا صدك قاسيه رغم العشته والشفته بحيااتي بس ام بيتي واولادي هيج يدفنوها كدامي اريدها تكعدلي تكوم لنور ولنظوري يردوها تكعدلهم كومي النه ما نكدر بدونج شلون بينه من دونج نضيع شلون راح اهتم بيهم من دونج كومي بداعتنه بداعت احبابج كومي رجعي ويانه شكول لزينب اكلها دفنته ورجعت خالي اخخخخ ياربي ليش هيج تعبت والله مو كد هالاتخبار يا ريي

......................

ابراهيم : رجعت من الدوام وصلت بليل كلت بس اذب غراضي ع اهلي واروح لبيت جدي للفاتحه والطريق افكر بابوي شلون بيه خطيه مهما سوا وياه جدي يبقى ابو ويحبه وصلت لمنطقتنه كلها تكلي اابقيه بحياتك واني اكلهم وارد عادي حياتك ااباقيه لمن اوصل للفرع مالنه اشوفه هوووسه ومتروس ترس ناس من غير الي ع الشارع لحد الان ممستوعب عباالي فاتحة جدي يمنه ما اشوف اله صديقي حضني وضل يبجي ترحم لامي اني ضليت اصيح وابجي مهما كبرنه من توصل لامي او ابوي نكون ازغار ركضت ع البيت لكيته كله نسوان وهووسه اريد واحد من اهلي لكيت خالتي حضنتني وضلت تبجي اريد نور اريد اشوفها اريد اطمن عليها دزيت عليها كالو راحت للنجف وي الدفانه دزيت ع اختي زينب كالو متخربطه اوووف هاي بدايتها هيج من هسه ضعنه شلون بينه بعدين طلعت الناس تسلم وتترحم اوووف ما لحكت عليها ما ودعتها بعد كم ساعه اجوي الدفانه شفت ابوي مكسور حضنته وكمت ابجي بس ما طولت وياه لان شفته يريد يبتعد حسيت بكسرته عيني ع السياره اريد نور نزلت نور شافتني ركضت عليه وكالت راحت يخوي راحت واتاشر ع اديها دفنتها واجيت حضنتها وضليت ابجي وابجي وهي ابد ماسكتت اباوع ع ابوي شرد ما كدر يتحمل يشوفنه هيج اجه صديقي كلي هذه انته الجبير هيج ولك راح تموت اختك من البجي
................

نور: دفنوها الجانت تارسه البيت بوكفتها اوووف ابوع خلو بالحفره وخلو الطابوك وبدو يخلون التراب فقدت هنا ما دريت بروحي شسويت ذبيت روحي وراها بس وخروني خلص اباوع امي حوا التراب ولكم هاي امي يا خلق الله خلصو الدفنه وكالو يله نتوكل كلها صعدت بقيت بس اني وابوي ونظوري ابوي ما اعرف شيحاجيها
اخذت تراب من كبرها وضميته عندي صعدنه بالسياره
بالطريق نزلو ع مطعم كالو نعشي الجايين للدفنه جانت الناس تبجي كم وحده من عماتي وخالتي ميقبلن ياكلن بس اباوع الناس الجانت تبجي وهيج نزلو ياكلوون ويسولفون نسوا بسرعه ضليت بس اباوع وفوكاها يصيحوني اكل وياهم كعدت ع الدرج مال المطعم وضليت ابجي لو حدي شويه وشفت كاعد بالشارع صاحني
.......................

بابا: نور تعاي بابا يمي

نور : جايه😔

بابا : تعاي اكعدي يمي

نور: 💔💔😔اجيت ها

بابا : ليش متاكلين

نور :🥺اكل بابا اكل تريدني امشي نوكلها وناكل يلا

بابا : لا باباتي لاتسوين هيج هيج تتعذب وتضوجيها

نور : اي بابا اني اريد هيج بلكيي تضوج مني وترجع تكتلني لان شلعت كلبها

بابا: تعاي خلي احجي وياج

نور : لحد يحاجيني بعد لو امي لو روحو كلكم ما اريدكم راحت الجانت ملكت ضحكتي وفرحتي

بابا : نور حرام هيج تسوين

نور:🚶‍♀️🚶‍♀️😔

بابا :تعاي نور

نور :😑
.........................

نور : جنت احجي وي بابا وشفت نضوري كاعد بعيد كلش عن المطعم بالتراب لوحده 😥 رحتله هوه هم خطيه هم زغير ومثلي ما بيده حيله رحتله كعدت يمه

نور:ها نظوري

نظوري:😥ها

نور:شبيك

نظوري :كولي الشنو المابيه

نور:😔😔

نظوري: شلون راح نعيش حياتنه بدون امي

نور: .............

نظوري :احنه حقراء

نور:............

نظوري: عفناها ورجعنه والله حقراء احنه لو هيه بمكانه جان حتى ما رجتو بدونه

نور: والله صح لو هيه جان ماعافتنه والله اوووف كون نموت احنه ولا هيه

نظوري : نعوفهم ونرجع لامي

نور :يلا امشي

نظوري: كومي

نور:يلا

...........................

بابا : من حجيت وي نور كارهتنه كل احنه وكارها نفسه اباوع عليها كاعده يم نظوري اشو اشوفهم كامو عبالي جايين علينه اشو ذولي يردون يرجعون رحت ركضت عليهم

...
نور، ،، كمنه مشينه ومنحس الا ابوي اجه ركض علينه وحضنه ويبجي  اني بهذيج اللحضه حسيت بانكسار بابا زاد قهري قهر المهم رجعنه ري بابا كعدنه بالسياره

،،،،،،

بعد مسافه من الطريق صارت الدنيا ليل وصلنا لبغداد وللبيت

هلاو متابعيني اعتذر لان غبت بس جانت عند نور ضرف انشاءالله اكملكم القصه