The Celestial Catalyst: Rise Of The Mana Adept (Tagalog)

Prologue (Revised)

10,000 years ago, lahat ng may buhay sa mundo ay dumaan sa malawakang evolution dahil sa misteryosong enerhiya o mas kilala sa tawag na 'Mana' na bumalot sa Earth. Ang mahiwagang pangyayaring ito ay nagsimula nung mahulog rito ang isang dambuhalang bulalakaw na bumago sa sangkatauhan.

Sa taong 2022, kung saan umuusbong ang populasyon ng mga tao, tila bang tinadhana, muli nanamang nahaharap ang buong sangkatauhan sa paglilitis. Tulad sa nangyari sa panahon ng mga dinosaur, isang nanamang higanteng bolang apoy na galing kalawakan ang nagbabantang lipulin ang lahat na madadaanan nito. Tinatayang kasing laki ito ng Mount Everest na paniguradong walang ititirang humihinga sa mundong ibabaw.

Sa katunayan, anim na buwan bago bumagsak ang bulalakaw, sinubukan na itong bombahin ng pinagsamang lakas ng america, china, germany at japan. Subalit puro fail ang kanilang mga attempt.

Ang bulalakaw na ito ay diretsong tumama sa gitnang Europa, sa lakas ng impact nito ay nabura sa kasaysayan ang ilang bansa sa loob lamang ng ilang minuto. Nagdulot ito ng malakas na lindol na yumanig sa buong mundo, bumuo ito ng mga tsunami na hanggang langit ang taas na tila bang galit na galit dumaragasa sa lahat ng direksyon na tanging sa mga Holywood Movies lang natin makikita.

Halos lahat ng bansa ay hindi nakaligtas, nilampaso ng tubig dagat ang lahat ng madadaanan nito at tanging iilan lamang ang masuwerteng tao, halaman, puno at hayop ang napanatili ang buhay nito.

Dahil sa malawakang paglilinis sa mundo, maraming bansa ang nawala at iilan lamang ang bahagyang nakaligtas. Pag may nawala, mayroon ring bagong lalabas, dahil sa bulalakaw, gumawa ito ng mga bagong pulo at continent.

Kasunod rito ay ang biglaang pagkawala ng technology, sa di malamang dahilan, lahat ng machinery, power plants, appliances at kahit anong bagay na gawa o pinapatakbo ng teknolohiya ay ayaw ng gumana. Ang tawag sa kalamidad na ito ng mga eksperto ay ang 'Great Mana Disaster'.

Binalot rin ng matinding kadiliman ang buong mundo dahil sa mga usok na tumakip rito na tumagal ng isang daang taon. Dahil sa 'Great Mana Disaster', pumasok sa bagong Era ang Planet Earth. Ang dating Earth na umuusbong ang teknolohiya, ngayon ay bumalik na sa primitive age. Subalit, dahil narin sa masusing siyasat ng mga scientists, natuklasan rin ng mga humankind kung pano sulusyonan ang malaking problemang ito, napag-alaman nila kung paano muling ibalik ang Technology sa pamamagitan ng paggamit ng Mana Crystal bilang alternatibong solusyon para mapagana muli ang makinarya. Ngunit hindi ito naging madali sa una dahil ang Mana Crystal na magsisilbing makina sa pag-unlad ng sibilisasyon ay tanging makukuha lamang sa loob ng katawan ng mga demonic animals o mas kilala sa tawag na Demonic Beast.

Dahil sa Mana na lumaganap sa bawat sulok ng mundo, lahat ng mga hayop at halaman na na-exposed nito ay dumaan sa malawakang ebolusyon! Nag-evolved ito bilang mga Demonic Beast at Miraculous Herb. Nagsilabasan rin ang mga bagong uri ng species ng mga hayop o Demonic Beast na halos lahat ay may kanya-kanyang mga abilities katulad ng sa mga fantasy movies. Ang mga Demonic Beast na ito ay talagang pang out of this world ang mga anyo, pati ang kanilang intelektuwal ay halos di nalalayo sa mga tao at ang iba pa nga ay nakakapag salita at nakaka intindi ng mga lengwahe. Majority sa mga ito at ay napaka-aggressive sa mga tao, hanggang umabot sa punto na tayong mga Humans ay hindi na TOP sa food chain. Kaya't naging pahirapan ang pagkalap ng mga Mana Crystal!

Sa kasamaang palad, hindi lahat ng nabubuhay sa mundo ang maswerteng binayaan ng evolution. Tulad ng natitirang 900 millions na surviving Humans, hindi lahat nabigyan ng Mana galing sa bulalakaw. Tanging kalahati lamang ng bilang ng tao nakatangap at pinalad na mag evolve!

Ang mga Humans na nag evolved ay nagkaroon ng mga kapangyarihan at naging mga 'key player' sa kani-kanilang bansa dahil tanging sila lamang ay may kakayahan na lumaban sa banta ng mga Demonic Beast na nag wre-wreck havoc sa mundo.