رسالة من مجهول 📝💖

الحلقة ٣٧

الحلقة ٣٧
#رسالة_من_مجهول
#بوسى_مصطفى
____________________

في شقة شكري
نعمه : ايه يابنتي انتي لسه صاحيه
مش جايلك نوم ولا ايه
رفيف : وانا بعمل حاجه في حياتي غير اني اكل وانام ياماما
نعمه : هههههههههه يااختي بكره يجي اللي يطير النوم من عينك
نامي واشبعي نوم دلوقت علشان هتتمنيه بعدين
رفيف : طلعت عند أميرة بنت عمتي قعدت معاها شويه حسيت انها زعلانه
نعمه : زعلانه من ايه يابنتي
ولا قصدك ع الموضوع إياه
رفيف : اكيد زعلانه من كلام بابا ياماما
دي قالتلي معلش يارفيف انا تعبانه وهنام مع إنها هي اللي خلتني ابات هنا علشان نسهر ندردش مع بعض
كلام بابا ليها وجعها ياماما
نعمه : ياحبيبتي هو خايف عليها
رفيف : من ايه
يعني هي الأول مكانتش بتخرج
وكانت ساكنه كمان في المدينة تبع الجامعه بتاعها وكانت بتغيب عن البيت بالايام والاسابيع كمان
نعمه : معلش الوضع تغير دلوقت
رفيف : ايه اللي تغير ياماما
ماهى أميرة هي أميرة ولا بقيت واحده تانية علشان اتجوزت
نعمه : اديكي قولتي اهو
رفيف : قولت ايه انا مش فاهمه
يعني انا لما اتجوزت كمان مينفعش اخرج ولا اسافر أي مكان
نعمه : ياحبيبتي لأ مش كده
بس هو فين جوزها ده
رفيف : مش ذنبها ياماما انها كانت متجوزه حته عيل كلمة توديه وكلمة تجيبه
دا مفروض كلنا نتبري منه ومن اللي عمله فيها
مش نجيب اللوم عليها وكمان عايزينها تتحبس في البيت
نعمه : انا داخله انام وياريت تنامي انتي كمان علشان جسمك يستريح
تصبحي على خير
وخرجت نعمه من الغرفة وقعدت رفيف تفكر في كلام مامتها وحال أميرة
_________________

في الصباح... في شقة جلال
جلال : طب اهدي بس واشربي الشاي بتاعك ولا تيجي تفطري معانا
راوية : بالهنا والشفا انا مش جايه اشرب شاي ياجلال
جلال : هههههههههه م انا عارف إنك جايه نتخانقني معايا
راوية : من غير خناق انا هاخد حقي
جلال : ومحدش هياكل حقك ياراوية
بس خلينا نحسبها بالعقل كده
وبلاش العصبيه والصوت العالي اللي بيضيع الحق ده
راوية : انا كنت ساكته ياجلال
بس لما عرفت نيته بقى اتكلمت
ومش هسكت تاني انا بقولك اهوه
جلال بيطبطب عليها : طيب بس اهدي
وكل حاجه هتتحل... بإذن ﷲ
راوية : اخوك مش عايز يديني حقي ياجلال
جلال : مش بمزاجه ياراوية ومحدش هيسكت على دا
بس انا عايزة هاديه كده زي زمان
تاخدي حقك من غير م حد يغلطك
راوية : هدوء ايه بعد اللي عمله ابراهيم وابنه
عملتلهم ايه علشان يعملوا فيه وفي بنتي كده
جلال : بكره يجيلها اللي احسن منه
راوية : انا مبتكلمش على كده
انتي فاهمني غلط
جلال : عارف تقصدي ايه
بس بلاش الطريقة اللي داخله بيها دي
اركني موضوع أميرة ونبيل دا ع جنب
علشان ميقولش دي مضايقه والكلام دا
خدي حقك واحده واحده
راوية : ازاي يعني
مديحه : القهوة ياجلال
جلال : حطيها عندك يامديحه
راوية : معلش يامديحه جيت قلقت نومكوا
جلال : نوم ايه انا صاحي من الفجر اصلا
سيبك بس من مجيتك بدري دي هههههههه يعني يمكن تكون مديحه وحشتك ولا حاجه
مديحه : وانا مستغناش عنها ابدا
راوية : ولا انا يامديحه وانتي عارفه
جلال : هديتي دلوقت
مديحه : يااختي اهدي وفرفشي
عارفه الست ام عصام مكلماني امبارح وموصياني اقولك إن ابن ابن عمها شاف أميرة من فترة كده
ومن ساعتها وهو هيموت ويكلمها علشان يعرف هي مرتبطه ولا لأ
راوية : يااختي انتي كمان هي ناقصه
مديحه : هههههههههه دا الواد طيار وحاجه كده
ما شاء ﷲ... تشرح القلب
شوفته قبل كده م هو ابن عمها دا يبقى الدكتور محسن  اللي كان مترشح لمجلس دكتور الباطنه اللي روحت انا وانتي ليه فاكره
ومرتحتيش إلا ع علاجه
جلال : طب ممكن نتكلم جد شويه
مديحه : م انا بتكلم جد اهو هو انا بهزر
الواد عندي كده في حدود تسعه وعشرين لسه مقفلش التلاتين يعني
وعنده ايه بقى شقة في البرج اللي ابوه عامله الست بتقول قصر كده ما هي راحت هناك
وعنده عربيه معرفش موديلها ايه بس اكيد حاجه فخمه يعني
ووظيفه وبدله وحاجه اخر حلاوة ههههههههههه
بتقول كمان ستات العيله كلهم عايزين يجوزوا لبناتهم وهو بقى مش عايز يتجوز من العيله خالص
شايف نفسه شويه
راوية : لا ياحبيبتي وانا اجوز بنتي لواحد يشوف نفسه عليها ليه
مديحه : اصل الواد حلو بصراحه
جلال بغضب : مديحه!
مديحه : يااخويه مش قصدي
هو في حد في حلاوتك بردو انا اقصد يعني إنه حلو مش وحش علشان كده واثق في نفسه يعني
راوية : نصيبي هيجيلها يامديحه
انا مش عايزة أوجع دماغها ب حكاية العرسان دي
خليها تفوق بس الاول لنفسها
بدل م توقع في واحد يتعبها هي مش ناقصه
جلال : عين العقل خليها شويه علشان تفكر هي عايزة ايه
العرسان مش هتطير واميرة بأخلاقها وجمالها تتجوز اللي احسن من الطيار اللي بتقولي عليه ده
راوية : امبارح خرجت مع صاحبتها قالتلي ياماما عايزة اشم شوية هوا هنزل المنصورة انا وصاحبتي نروح الجامعه وبعدين نشتري شويه حاجات ونيجي ع طول
قولت اسيبها تروح يمكن تفك عن نفسها شويه
بس لاقيتها راجعه زعلانه ومش عايزة تقولي مالها
مديحه : تلاقيها بس جايه تعبانه من السفر الجو كان حر اوي امبارح
اما اقوم اكمل اكل طالما انتي مش عايزة تاكلي
وقامت مديحه قعدة ع السفره تاكل
وكمل جلال كلامه مع راوية
جلال : شوفي انتي هتعملي اللي هقولك عليه دلوقت ولا حد هيقدر يكلمك
وانا هبقي معاكي في الموضوع
وإن كان على المحلات انا من زمان عايز اخد المحل بتاعي وانفصل عن إبراهيم وشكري وكل واحد يشوف حاله بقى
راوية : شكري كمان واقف في صف ابراهيم
________________