دخلات زينب لبيتها باقا يالاه جات من برا، يالاه حطات الساك ديالها حتا كيتفتح عليها الباب دورات راسها كيبانليها سيف وزوينة هي يالاه غاتنطق بجوج خطوات سريعين شدها من الفك ديالها ودورها تازدحها من الحيط ..
سيف : أنا قتليك بعدي مني قلتهاليك ولا لا قتليك تريكتي منشوفش خليقتك فيها ولا لي غادي نحرقو فيك عمرو مايتم قلتها ولا ماقلتهاش ..
زينب : ( كتنطق بزز حيت مزيرها ) واش حمقتي ولا مالك ..
سيف : اش حرق شطايط مك فختي واش شغلك مم اش بينك وبينها تاتبعيها، قلتي سيف مغمض عينيه عليا اري ندير مابغيت ( جبدها عندو وعاود زدها تاغوتات متألمة ) نهار لي غانشوفك كتجبدي نيسرين ولا نبيل نجبد لمك بلالطك ونحطهومليك تفرجي فيهوم تفاهمنا ( بقات كتفرج فيه تاجبدها وعاود زدها للمرة الثالثة تاغوتات ) واااااش تفااااهمناااا ( حركااات راااسهاا باه وجهااا رجع حمر عاد طلقها بدا كتكحب طايحة فالارض وهو يهبط رجع هزها من البودي وشاف فيها ) ياكما سحابليك نسيتليك داك الضوسي الخانز ديالك هاني كنحمعليك فيه نهار لي غاطلعلي القردة نوري لموك الفاعل ديال الق*** بشحال ساويين ( رجع دفعها وبدا ينفض يدو ) يخليها سلعة تريكت الزبل لا نتي لا ولد ال**** ديال خوك هاداك تاني كيتسنا مني شي قتلة قريب غاياكلها .. وديريها فين تجيك ( خرج وزدح الباب من موراها خلاها كتعض فضفارها ) ..
مشا هابط فالدروج كيلبس فالجاكيط دالكوير ديالو تاطلاقات معاه بشرى ..
بشرى : ولدي فين غادي ماغاتغداش ..
سيف : من البعد الواليدة عندي شي شغل .. مشا زايد وخلاها من موراه كتشوف فضهرو ..
بشرى : ماعرفتش هادشي لي غاندير واش غايعجبك ولا لا ولكن مصلاحتك اولدي ومصلاحتنا جميع ..
نعيمة مشات هبطات عند نيسرين دخلات عليها ..
نعيمة : نيسرين اش فيك قلت لكوثر باش تجي قاتليا مريضة ..
نيسرين : ( صوتها مخنوق مهبطة ريدوات دالبيت وسادا عليها الغطا ) مريضة الميمة غير سيري مافيا لي يمشي ..
نعيمة : ( تنهدات ) ايوا لي بغيتي انا مشيت نشوف مرت خوك موضي بعدا راه با يكونو حطو الغدا ..
نيسرين : مافياش ..
دورات راسها ومشات خرجات سدات عليها وهبطات قالت للشيفور باش يديها تشوف شهد ..
ليلى : هانتي جبتوليك بيدي
شهد : هه شكرا بزاف حبيبتي بغيت نديرها اليوم مفاجئة راك عارفة اليوم بليل غايدخل عام جديد وفنفس الوقت بغيت نبدا بيه حياة جديدة ..
ليلى : ههه وايضا غاتكملي 26 ..
شهد : اففف غير سكتي والله كنت نارية ندير لانيف فشي بلاصة مي هانتي كتشوفي مامكتابش ..
ليلى : تانتي فيها خير يالاه هانا غادا حبيبتي بيزو ..
شهد : باي ..
خرجات شافت شهد مزيان فالعقد مبتاسمة : ماعرفتش سيف واش عارف بلي اليوم العيد ميلاد ديالي ولا لا ..( تنهدات كتشوف فيها وهي دخل الممرضة )
الممرضة : مدام ساليتي ؟
شهد : وي عافاك جيبي معاك داك الفوطة باش ماتطريش ترجعي تخرجي ..
الممرضة : واخا ..
جابت الفوطة وحركات شهد بشوية دخلاتها للحمام باش دوشليها ..
وصلات نعيمة هبط معاها الشيفور وصلها حتالحدا السويت ..
نعيمة : شكرا اولدي اعطيك الخير ..
دخلات لسويت وردات الباب ومشات بشوية طلات مالقاتهاش مي ..
نعيمة : ايي مانعرف فين مشات ..
زادت شوية عاد كتسمع الرشاش عرفاتها غاتكون فالحمام ابتاسمات ومشات تكلس فالكرسي لي حدا البياص، حطات العكاز وبقات دور فعينيها تاكاتبانليها واحد الورقة محطوطة فوق الكوكيتة لي حدا البياص مدات غيو يديها جراتها وبدات تقرا، تاكاتخرج شهد بالبينوار فالابيض وملوية على شعوها فوطة فالغوز شادا فيها الممرضة شافت نعيمة وهي تبتاسم ..
شهد : خالتي ههه ..
نعيمة : ( طلعات عينيها شافت فيها بدون ملامح ) واش طلبتي من حفيدي يوقع على فلوسو يعطيهومليك باش اتزوج بيك ؟
يتبع غدا - وريوني حنة يديكوم تعليقات تعليقات تعليقااااااااات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
🌺 كَــــحْـٰلة آلــعْــيــون 👀🌺( مكتملة )
Romanceوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
