رسالة من مجهول 📝💖

الحلقة ٣٩

الحلقة ٣٩
#رسالة_من_مجهول
#بوسى_مصطفى
________________

سيف : إن شاء ﷲ.. نازل يوم الخميس الجاي
مي : بجد!... لا مش مصدقه
سيف : هههههههههه لأ صدقي
مي : الساعة كام بالظبط
سيف ينظر في التذكرة
الساعة ٨ مساءً
مي :"دا هيبقى يوم فرح هيثم ابن عمك
سيف : م انا عامله مفاجأة
مي : احلى مفاجأة
سيف : ها قولتي ايه
مي : خلاص بقى هو لازم يعني تأكد على الكلمة
سيف : هههههههههه عارفك بتتكسفي... خلاص مش هضغط عليكي
بس دي مفاجأة يعني محدش يعرفها... اوكيه
مي : ولا حتى باباك
سيف : ولا حتى بابايا... انا بقولك اهو
مي : حاضر يافندم محدش هيعرف خالص خالص
سيف : اه ياخوفي تعرفي البلد كلها هههههههههه
مي : لا سرك في بير
سيف : اما نشوف ع العموم انا عامل المفاجأة دي لهيثم
علشان ادخل عليه اجننه
مي : تيجي بالسلامة..
سيف : خدي كارت منه ليه
مي : ياسلام ماهو كده هيعرف
سيف : اتصرفي ماهو انا لازم ادخل اباركله بس من غير م يعرف اني جاي
مي : وليه متعرفوش إنك جاي
سيف : لا خليها مفاجأة
مي : حاضر هتصرف... سلام بقى علشان انا واقفه في الصيدلية
سيف : اوكيه... هكلمك بالليل سلام
مي : مع السلامة
________________

بعد الظهر...
في التليفون 📞
اميرة : يووووه يابنتي قولتلك جايه حاضر اعمل ايه يعني
اشوف طيارة علشان اوصلك بسرعة
زينة : انتي بقالك اسبوع بتقولي هتيجي واديكي قاعدة عندك
مأنتخه ولا ع بالك
أميرة : انتي واحده بقى فاضيه ومش لايقه حاجه تعمليها وهتوجعي دماغي ع الفاضي
قوليلي عندكوا كحك
زينة : ماما هتعمله بكره
أميرة : خلاص اجيلك بكره
زينة : كرشك اللي هيجيبك يعني
أميرة : فشر ياحبيبتي.. كرش ايه ياام كرش انتي
زينة : بقى انا ليه كرش ماشي يااميرة
أميرة : هههههههه انتي اللي بدأتي
اسمعي طنط مديحه لسه جايه من المستشفى هطلع اطمن عليها وبعدين هجيلك
زينة : هي عملتها؟!
أميرة : هههههههههه اه امبارح بالليل
زينة : عريس ولا عروسة
أميرة : مش هتبطلي اللبط بتاعك ده
زينة : هههههههههه ليه يعني
هو سر
أميرة : عريس ياستي ارتحتي
زينة : يلا بقى مفيش نصيب
أميرة : هههههههههه كنتي هتتجوزيه ولا ايه
زينة : اجوزه بنتي بقى
أميرة : انتي خلفتي بنت
زينة : متحترمي نفسك يااميرة
هو انا كنت اتجوزت علشان اخلف يااختي
أميرة :"هههههههه مش انتي يامجنونه اللي بتقولي هتجوزيه بنتك
زينة : بنتي اللي لسه هتيجي بعد م اتجوز طبعا
أميرة : ماشي ياعروسة انا آسفه
زينة : اقفلي بقى علشان دماغي صدعت من رغيك ده
أميرة : هههههههههه انا برضو
زينة : هتوحشيني يااميرة
أميرة : هههههههههه طب استني لما تغوري من الزقازيق الأول
زينة : الملافظ سعد يااختي
أميرة : بهزر طبعاً... وانتي كمان هتوحشيني
بس هتقابل طبعاً لما تيجي لمامتك
زينة : طبعاً... لازم نتقابل كل مرة اجي فيها الزقازيق
أميرة : سلام بقى واوعى تنزلي علشان هجيلك بعد شوية
زينة : قاعدة يااختي بس متتأخريش علشان بنام بدري
أميرة : هتنامى الساعة اتنين الضهر هههههههههه
زينة : ماهو انتي عقبال م تخلصي مشواريك هنبقى الفجر
أميرة : هههههههههه سلام
_________________