رسالة من مجهول 📝💖

الحلقة ٤٠

الحلقة ٤٠
#رسالة_من_مجهول
#بوسى_مصطفى
_________________

في شقة جلال
مديحه قامت من النوم خرجت بسرعه مع إنها كانت تعبانه بس خرجت تشوف جلال نزل الشغل ولا
لاقيت نوران قاعده على السفرة بتشرب بنتها اللبن
مديحه : صباح الخير
نوران ببتسامة : صباح النور... اغسلي وشك وتعالى علشان تفطري ولا اجيبلك الاكل جوه في الاوضه
مديحه : لأ هاكل هنا
هو جلال نزل
نوران : اه فطر ونزل من نص ساعة كده
مديحه : وانتي كنتي صاحيه
نوران : هههههههههه طبعا امال مين اللي عمل الفطار
مديحه : وبتضحكي ع ايه دلوقت
نوران :"عادي يعني يامديحه هو عيب اني اضحك
مديحه :" طب م صحتنيش ليه من بدري
نوران : انا قولت اسيبك مستريحه وخصوصاً يعني إن محمد كان نايم
هدخل اغيرله
مديحه : لا سبيه انا اللي هغيرله
نوران : خلاص براحتك
هدخل اجهز الغدا.. تاكلي بطاطس ولا بسله
مديحه : اي حاجه
نوران : هسلق فرخه ليكي وهعمل لينا بطاطس بالفراخ في الفرن هبقي احطلك جنب الفراخ حتتين بطاطس كده من نفسك
الواحد بيزهق من المسلوق
مديحه : ماشي... هي راوية مطلعتش
نوران : لأ بس اتصلت تطمن عليكي وقالت هتبقي تطلع تشوفك بس لما تخلص الغدا
وكانت عايزة تطلع اكل انا قولتلها هطبخ اكل لينا ومتتعبش نفسها
مديحه : طيب.. روحي شوفي محمد لما ادخل اخد دوش كده علشان افوق شويه
نوران : حمام الهنا بس ابقى تقيلي ع نفسك ومتخرجيش من الحمام غير وانت لافه فوطه ع شعرك علشان البرد
مديحه ببتسامة : خايفه عليه
نوران : اكيد طبعاً مش بنت عمي
مديحه : عارفه يا نور انا بحبك بس اما بشوفك مع جلال ببقى عايزة اخنقك
نوران : هههههههههه قلبك ابيض يابنت عمي انا داخله اشوف محمد وخلصي انتي بقى بسرعه علشان شكله كده جعان
تعالي يامنه نشوف اخوكي
كانت منه ماشيه وبتتسند ع الكراسي
مديحه :"بنتك هتمشي اهيه
نوران : ياريت اصل انا مبقتش قادرة اشيل خلاص
مديحه : بكره البطيخه توقع
وتستريحي
نوران : هههههههههه
ادعيلي اقوم بالسلامة للعيال
مديحه : بس ساعتها مش هجيلك كفاية عليه محمد
نوران : جلال هيبقى معايا ودا كفايه
مديحه : نوران!
نوران : هههههههههه يااختي بضحك معاكي هو يعني هيبقى فاضي معندوش شغل
ادخلي يلا وانا هدخل اشوف الواد
________________

في دار الرعاية
أميرة : اتكلمي ياحبيبتي متخافيش
محدش معانا هنا.. مفيش غيري انا وانتي
خايفه من ايه
تسنيم : مش خايفه من حاجه يااستاذة
انا قولت لحضرتك اني وقعت في المياة وكويس إن رجلي متكسرتش لإن الوقعه كانت جامده
أميرة : متأكده إن دا كل اللي حصل
تسنيم : هو دا كل اللي حصل بجد
الباب بيتفتح تدخل دعاء وهديل
أميرة : خلاص ياحبيبتي روحي انتي ل داده فوقيه علشان ميعاد الغدا بتاعكم
تسنيم :"حاضر بعد اذنك
وخرجت تسنيم من المكتب
هديل : ايه يااميرة كنت بتستجوبي تسنيم ولا ايه
أميرة : بستجوبها
غمزت دعاء لهديل علشان متتكلمش
دعاء : هديل قصدها تسأل يعني تسنيم عندها مشكلة ولا حاجه
اصل يعني هتيجي المكتب عندك ليه
أميرة : وحتى لو كده تفتكروا ينفع اقولكم
هديل : ماشي ياعم... أسرار المرضى طبعاً مبتخرجش بره
أميرة : مرضى!
هديل :  متوقفليش ع الواحده بقى يااميرة
أميرة : انا هروح بقى سلام
دعاء :"ايه دا هتروحي من دلوقت
أميرة : اصل انا استأذنت مدام عديله اروح قبل ميعادي بساعة علشان لسه هرجع البيت اغير وانزل اشتري شوية حاجات
هديل : عريس جديد دا ولا ايه
أميرة : لأ واتبطي بقى
دعاء : هههههههههه اتبطي ياهديل
هديل : اتبطينا يااختي
أميرة : طيب سلام بقى... ع فكرة انا اجازة كمان بكره
هديل : لا بقى الموضوع دا فيه إنه
أميرة : فرح واحدة صاحبتي بكره
دعاء : ياندله من غير م تعزمينا
أميرة : كلكوا معزومين بكره ايه رأيكم
هديل : هنا في الزقازيق
أميرة : لأ في دمياط
دعاء : يانهار ابيض وانتي هتروحي يااميرة دمياط
أميرة : هقنع ماما الليلادي ادعولي بقى توافق سلام
وخرجت أميرة من المكتب قابلت شهاب في وشها
شهاب ببتسامة : ايه يااستاذة ع فين
البلد دي احسن من غيرها
أميرة : استأذنت من مدام عديله بعد اذنك
وتركته أميرة وخرجت من البوابه
____________