صباح الخير يادودي
صباح النور يامحميحو
بقولك اي متستنيش علي الغدا انهاردة
لي ياحبيبي
عشان عندي غدا عمل فتغدا برة
خلاص انا هنزل اشتري شويه طلبات واتفسح انا وسلمي
تمام بس متتاخريش سلام
الو ياسلمي فينك يابنتي بقالي ساعه مستنياكي
الو يادعاء انزلي انا تحت اهو بالعربيه
حاضر
اتاخرتي لي ياسلمي
الطريق كان زحمه والله يادعاء
خلاص تمام احنا نروح نتغدا دلوقتي وبعدين نجيب الحاجات
تمام هنتغدي فين
معرفش نروح في اي مطعم يختي احنا من امتي بنروح مطاعم نضيفه ههههههه
طيب ياستي اهو مطعم يلا ندخل
يلا اطلبي ياسلمي
ماشي ياستي انا هطلب كفته وكباب وبيتزا
اي العك دة ياسلمي
ملكيش دعوه انا اللي هاكل
خلاص ياستي بالهنا والشفاء
اي دة يادعاء مش محمد جوزك دة لا ومعاه واحدة مزه
فين ياسلمي
اهو يادعاء التربيزة اللي هناك
اي دة ينهار اسوح دة انا هطربقها علي دماغو
اهدي يادعاء الناس بتبص علينا
استني ياسلمي وايه اللي لبساه دة احسن يكون هيتجوز عليا يلهوي
اهدي يادعاء محمد بيحبك اكيد دي واحدة من العملأء بتاعة البنك انتي ناسيه انه المدير
هعمل اي دلوقتي ياسلمي محمد هيتجوز عليا
اهدي ياحبيبتي اكيد دة غدا عمل ومش هيبصلها دي حتي مش زوقه
اه صح دي حتي مسلوعه وشبه خله السنان
يخرب بيتك يادعاء انتي مسخرة هههههه
طب يلا نروح ياسلمي عشان بجد احتمال اقوم ادبحه واجيب لنفسي مصيبه
انتي ذات نفسك مصيبه يادعاء والله استهدي بالله كدة وهنلاقي حل
وصلنا يادعاء وخلي بالك من نفسك ومن جوزك
حاضر ياسلمي هنفذ اللي قولتيلي عليه سلام ياسلمي
