رسالة من مجهول 📝💖

الحلقة ٤١

الحلقة ٤١
#رسالة_من_مجهول
#بوسى_مصطفى
________________
مديحه : عارفه معدتك قالبه عليكي ليه
من الاكل يااختي
اه منك انتي عملتي الاكل دا امتى
مش قولتي هتعملي صنية بطاطس بالفراخ في الفرن بس
نوران : بقولك ايه يامديحه
انا تعبانه مش حمل مناهده يااختي
مديحه : راوية اتأخرت مش كده
نوران : هي قالت هتيجي الليلة؟
مديحه : طبعاً... راوية عمرها م تبات بره بيتها ابدا
نوران : طب م تتصلي تاني بجلال كده شوفيه فين
مديحه : اتهدي يانور
نوران : يابنتي بقولك تعبانه
انتي ايه قلبك حجر
مديحه : استنى شويه لما تستوي
نوران : استوى ايه انتي كمان
انا تعبانه اوي مش قادرة
مديحه :"طيب هكلمه تاني استنى جرس اهو
_________________

في منزل إبراهيم
يسرا : بس انا خايفه اوي ياماما
عاليه : تخافي من ايه م انتي هتبقى في شقتك تروحي متنازله عن الأرض لجوزك
اقولك كلميه وقوليله انا هقعد هنا كام وهعمل اللي قولتلك عليه بالظبط
هتسايسي امورك مع ابوكي ولما يكتب الأرض ب اسمك تاخدي بعضك وتروحي شقتك ومعاكي عقد الأرض وتروحي متنازله لجوزك وقتها وقوليله انا مليش غيرك انت وبنتي
يسرا : يعني اكلمه دلوقت اقوله الكلام دا
ولا استنى لما بابا يكتب الأرض وارجع شقتي
عاليه : لا كلميه دلوقت احسن ل يسافر وبعدين منعرفش مين اللي عمال يملا دماغه
الموضوع مش موضوع فلوس هو جاي مشحون جاهز
يسرا : تقصدي عمتي قالتله حاجه
عاليه : يمكن... محدش يعرف ماهي زعلانه علشان بنتها
يسرا : تقوم تخرب عليه انا
عاليه : اسمعي انتي متشمتيش حد فيكي لا أميرة ولا امها حاجي على بيتك كفاية اللي حصل ل اخوكي من تحت راس افكار ابوكي
يسرا :"قلبوا عليه صح ياماما
تلاقيها مسكته اول م جه
وقعدت تقوله هاتلي حقي ولازم تطلقها زي م طلقني
ايوه هي مبتحبيش انا عارفه
عاليه : علشان كده عايزاكي ترجعي بيتك هما فرحانين فيكي دلوقت فخليهم يتكتموا بقى
يسرا : انا هعمل كده علشان مشمتش عمتي واميرة فيه
عاليه : يااختي يعني مش بتحبيه
يسرا : ماما
عاليه : طب عيني في عينك كده
يسرا : اكيد بحبه وخايفه على بنتي مش عايزاها تتربى بعيد عن ابوها
عاليه : يبقى كلميه يلا مستنيه ايه
________

في الطريق
فادي : هي أميرة نامت ياماما
أميرة : لا يافادي انا صاحيه
فادي : هههههههه يبقى ماما اللي نامت
راوية : لا ياابني انا صاحيه
فادي : مبتنموش ليه
راوية : عايزنا ننام ونسيبك لوحدك علشان تنام انت كمان
ادينا صاحيين علشان تفضل مصحصح ومركز في الطريق
فادي : اتبسطوا بقى هناك
راوية : أميرة شكلها متبسطتش
فادي : مش دي البلد اللي منها الواد إياه
محدش رد
فادي : هي أميرة نامت
راوية : شكلها نامت...
شوف التليفون دا دماغي وجعتني من صوته
فادي ينظر للشاشة يلاقي اسم يسرا
يقفل الفون ويتركه جنبه
راوية : مردتش ليه ياابني
فادي : حد مش مهم
هركن على جنب هنا وانزل اجيب الأدوية دي من الصيدلية
راوية : متنزلش المنطقة دي شكلها مقطوعه
نشتري من الصيدلية اللي عندنا ولو ملقنهاش فاتحه يبقى الصبح بقى
لكن متركنش هنا..