اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(وننزّل من القُرآن ماهوَ شِفاءٌ ورَحمةٌ للمؤمِنين)
القُرآن رحمة ونور وهُدى من ربّ العالمين . وهو شِفاء وعِلاج للقلوب وللصدور وأيضاً للأمراض مثلاً الرُقية بالقران (المعوذات وآية الكرسي وسورة البقرة). لكن من نشوف منشورات ان تفتحون سورة البقرة تلگون (شعرايه) تنگعوها وتشربون ميها هاي كلش واگفه! لا وناس تگول هاي من علامات الظهور ، وناس گالت السيد السيستاني يگول راح يجي مرض خطير للعراق وعلاجه بهاي الشعرايه؟! السيد الله يحفظه صحته متوعكة ومسوي عمليه والناس تتقول عليه وتنشر بأسمه! الناس وين وصلت بالقرآن واحنه نفتري على كتاب الله
نقل النا شخص سافر لكندا للعلاج يگول كنت احب الكتب واثناء تجوالي بشوراع كندا شفت مكتبة كلش كبيرة ، فدخلت وسألت العامل وعرفت انو يهودي گتله اريد تجيبلي افضل واشهر الكتب عدكم . فالعامل صعد ع درج وراح لأعلى رف بالمكتبه جابلي كتابين شفتهم واحد قرآن والثاني نهج البلاغة. كتله العفو اني مسلم واعرف القران والنهج اريد من كتبكم. يكول هذا العامل اليهودي نظرلي نظرة احتقار گلي : تعرفون ليش انتوا المسلمين آخر العالم ظالين ؟ القران اهم وافضل كتاب والنهج كذلك بس انتوا راكضين وره كتب الغرب اللي الانسان كتبها ، ومتقدرون كتاب الله الثمين لذلك راح تبقون بمكانكم وبجهلكم!
زين لو يجي هذا اليهودي ويشوف شدنفتري ع كتاب الله؟ الله يساعد قلب صاحب الزمان
