رسالة من مجهول 📝💖

الحلقة ٤٢

الحلقة ٤٢
#رسالة_من_مجهول
#بوسى_مصطفى
_______________

يسرا : وحضرتك تخلص عليه ليه انا امشي قبل م تعملها
ابراهيم : اتكلمي معايا ب أدب ياقليلة الادب انتي
عاليه : اسكتي يايسرا
يسرا : اسكت ايه ياماما دا مش عايز يكتب الأرض ب اسمي ولا يرجع الفلوس لجوزي
ابراهيم : قبل م تغوري من هنا هقولك حاجه
الفلوس اللي بتتكلمي عنها دي اشتريت بيها ارض قد الأرض بتاعت عمتك
اللي هي واخدها عافيه مننا بحجة إن جوزها كانت مسلف جدك فلوس
جدك اللي كانت عنده وقتها فلوس زي الرز
محمد العدوى كان مسلفه فلوس
انتي متعرفيش حاجه كنتي لسه عيله وقتها
عمتك وجوزها كانوا لازقين لجدك كده زي ضله وبعد م توفي جوز عمتك
جدك اخدها وقعدها في ملكنا مع إن ليها ملك وأهل
جوزها كانوا واكلينه عليها
راح جدك كتبلها الشقة اللي هي عايشه فيها دلوقت
وقالنا الأرض دي كمان بتاعت اختكو علشان كان مديون لجوزها
حوار كده علشان نسكت ومنتكلمش
يسرا : بس فادى قالي كلام غير دا
الأرض فعلا بتاعتهم من فلوس باباه والشقة وقتها عمتي باعت الدهب بتاعها واشتريت نصها والنص التاني دا ميراثها من جدي
ابراهيم : كداب طبعا وهو يعرف الكلام دا منين دا كان وقتها عيل صغير ميفهمش حاجه
وبعدين دلوقت عمتك حقانيه
ماهى قلبته عليكي علشان اللي عمله المغفل اخوكي في بنتها
كان نبيل داخل من بوابة البيت
ابراهيم بسخريه : اهو الأستاذ شرف اهو
كنت فين ياحبيبي
نبيل : كنت بتمشي بره شوية
ابراهيم : بحسبك كنت عند عمتك بتبارك لبنتها ع الخطوبة السعيدة
نبيل : دايماً الفرح في بيتهم يابابا
ابراهيم : طيب يااخويه واحنا هنفرح بيك امتى
نبيل سكت ومردش كانت يسرا دخلت جوه تلبس وتلبس بنتها
عاليه : رايحه فين يايسرا
يسرا : راجعه شقتي ياماما واللي يحصل يحصل
مش هستني اكتر من كده
عاليه : وهو في الشقة دلوقت
يسرا : مين فادي
عاليه : هيكون مين يعني
يسرا : معرفش ياماما..
_____________

في شقة والد مي
ا/ عرفه : شوف ياابني احنا ناس طول عمرنا سمعتنا نضيفه
والبلد كلها تشهد بكده
مش ع اخر الزمن واحده تقول على بنتي الكلام دا حتى لو كانت مين
مي : هو كلام وبس يابابا
دا في صور قذره على اكونت فيك اتعمل مخصوص علشان ينشر صوري هناك
وصور الست الوالدة مشرفه كمان
اسمع ياسيف انت لما قولتلي الحقيقة انا احترمت دا جدا
وقولت مش مهم المهم إنه إنسان كويس ومتربي وبابا شهد ب ده
لكن لما تحصلي مشاكل بسبب الست والدتك فلا بقى ياابن الناس
قبل أي قرار هاخده انا عاوزه حقي
سيف : حاضر يامي بس اهدي اكيد في حاجه غلط
مي : انت مسمعتش الرسالة اللي جاتني والكلام القذر اللي اتقال فيها
انا يتقالي كلام وقح بالشكل دا
سيف : ايوه بس الصوت دا مش صوتها
مي : طيب الاكونت اللي عليه صوري ومتركبه على صور ناس حساله معندهمش شرف دا تسميه ايه
انا انفضحت وسط زمايلي واصحابي
كانوا بيمنشنوا ليه علشان اشوف القرف دا
قولي بقى انا اعمل ايه
سيف : طيب اقفلي الاكونت بتاعك دلوقت
وانا هحاول اقفل الاكونت ده كمان
مي : والمشكلة كده بقى انحلت صح؟!
مي : قولتلك هجيبلك حقك حاضر
مي : من مين بقى
هتروح لمامتك تعملها ايه يعني
سيف : طيب ايه اللي انتي عاوزني اعمله دلوقت
مي بتبكي : عايزه حقي
سيف : حاضر
مي : ومش عايزة اكمل معاك ياسيف
ا/ عرفه : طب اهدي بس دلوقت يابنتي
مي : اهدي ازاي يابابا بعد الفضيحه دي
أوري وشي للناس دلوقت ازاي
اكونت اتعمل ب اسمي في صوري وأرقام تليفونات انا معرفهاش وستات وبنات عمري م شوفتهم وفيديوهات قذره
وطلبات تعارف بالآلاف
كأني شغاله في شبكه.....
أستغفر ﷲ العظيم
دا حتى لساني مش قادر ينطقها
يبقى انا اعمل كل دا ازاي؟!!
سيف قاعد مش عارف يقول ايه شوية واستأذن وخرج
مي : مش عايزاه يابابا
ا/ عرفه : يابنتي وهو ذنبه ايه
وبعدين انتو هتتجوزوا خلاص وهتسافري معاه بعد كام شهر
دي لعبها اتعملت علشان يفرقوا بينكم
والدة مي: انا من رأيي ياعرفه إنها تسيبها  من الموضوع ده
احنا مش ناقصين يااخويه مشاكل ودي مش اي مشاكل
دي سمعة بنتنا تسيبه بس بعد م تاخد حقها
ا/ عرفه : وحقها دا هتاخده ازاي
ع العموم انتي حره يابنتي
بس الولد ملوش ذنب في كل دا
_______________