رسالة من مجهول 📝💖

الحلقة ٤٣

الحلقة ٤٣
#رسالة_من_مجهول
#بوسى_مصطفى
_________________

بعد يومان من الأحداث
في شقة راوية
أميرة : معرفش ياماما.. هو انا ليه لازم اضحي
يعني اروح اقوله متتجوزش ولا روح اتجوز اخت مراتك اللي توفيت
ولا ابقى انانيه لو كملت واتجوزته
راوية : لا يابنتي هو اللي يقرر ده
بس في سؤال شاغل بالي هو ليه متقدمش ليها من الأول
طالما كده كده فكرة الجواز موجوده
أميرة : ممكن يكون محرج يتكلم معاها
علشان هي صغيرة وكده ومش عايزها ترتبط بواحد كان متجوز قبل كده وتتحمل مسؤلية البنت
وعايزها تشوف حياتها
أو يمكن هو مش متخيل إنه يتجوز اخت مراته اكيد في حاجه احنا منعرفهاش
راوية : ايوه دا اللي اقصده
في حاجه احنا منعرفهاش
يبقى ياحبيبتي خليكي زي م انتي لحد اما نشوف هو هيعمل ايه
لا تروحي بقى تقوليله دي جات وقالت كذا
ولا روح اتجوزها والكلام دا
قلبه هو اللي يختار
وفي النهاية بنته هتتربي في حضنه معاكي
أميرة : مش عارفه ياماما بس حاسه اني مش هعرف اتعامل معاها
حاسه الموضوع صعب اوي
خصوصاً إنها متعلقه بخالتها
معنديش اصلا استعداد للموضوع ده
راوية : انا عارفه ياحبيبتي إن دي هتبقى يعتبر أول جوازه ليكي
والجوازه الأولى دي متتحسبش يلا اهو راح لحاله
بس هقولك حاجه افتكري انك هتاخدي ثواب كبير اوي في رعايتك لليتيمه دي
أميرة : عارفه ياماما بس مش حاسه إني أنفع للمهمه دي
وخايفه افشل يبقى حاطط دي مكان دي
مش هتقدري تراعي بنتي يبقى مع السلامة
انا اصلا متجوزك من الاول علشانها
يبقى خلاص ملكيش لازمه
هتبقى تجربه صعبه اوي
لازم اخد وقتي في التفكير كويس اوي
انا كان في دماغي إن دي بيبي عندها سنه سهل اوي احتويها واخليها تحبني
لكن لما شوفتها وهي متعلقه في خالتها
صعبت عليه وصعب عليه كمان حالي
أنا هتعامل معاها ازاي بالشكل دا
راوية : عايزة تقولي ايه يااميرة
أميرة : معرفش ياماما انا بفكر بصوت عالي
ممكن يكون عند حضرتك أي نصيحه او كلام يريحني من اللخبطه اللي انا فيها دي
راوية : سبيها على ﷲ... يابنتي
أميرة : ونعم بالله
راوية : ايوه كده.. انتي خليكي زي م قولتلك ساكته خالص وهو اللي يختار
أميرة : هدخل انام ياماما... تصبحي على خير
راوية : وانتي من اهل الخير يابنتي
وقعدت راوية تفكر في الكلام اللي قالته أميرة
اتنهدت بحزن وبعدها دخلت هي كمان تنام
________________

في منزل منصور
كان سيف في الغرفة بتاعته بيجهز شنطة السفر ومفروض مسافر بعد بكره
بعد م قدم ميعاد الحجز اللي كان مفروض بعد شهر وكان واخد الاجازة دي من الاول علشان يكمل شقته ويتجوز في بيت والده لكن اللي حصل غير كل شيء
دخل عليه والده وهو بيقفل الشنطة
منصور : بتعمل ايه ياسيف
سيف : بقفل الشنطه يابابا
منصور : ايوه م انا شايف بس ليه
انت صحيح قدمت ميعاد السفر
سيف : مسافر بعد بكره
منصور : نعم!
كده من غير م اعرف
سيف : م انا كنت هقول لحضرتك
منصور : امتى بقى؟؟
وانت ع سلم الطياره وبتشاورلي.. ولا لما توصل هناك؟؟!
سيبت خطيبتك ليه ياسيف؟؟
سيف : مش انا اللي سيبتها يابابا. هي اللي سابتني
منصور : ليه بردو؟؟
ولا يكونش الموضوع له علاقة بالبنت إياها؟؟!
سيف : لو سمحت يابابا ياريت متجبش سيرتها ولا تتكلم عنها
هي معملتش حاجه ولا ليها علاقة بالموضوع اصلا
منصور : ليه مش كنت انت وخطيبتك كويسين قبل م الهانم تشرف هنا؟؟!
سيف : ويعني انا لما افركش مع مي هروح اتجوز أميرة مثلا
منصور : وليه لأ مش أطلقت بقى وبقيت فاضيه
سيف وهو مندهش : هي مين دي اللي أطلقت
منصور :"ايه.. عايز تفهمني انك متعرفش؟؟
دا انت من يومها وحالك كله مقلوب
ولا هيثم ابن عمك مقالكش
سيف : انا معرفش حاجه حاجه عن الموضوع ده
بس بردو دا ايه علاقته بموضوعنا
منصور :" اسمع ياسيف لو مروحتش تصالح خطيبتك وتراضيها وتعجل في موضوع الجواز دا
لا انت ابني ولا اعرفك
وابقى روح اتجوز اللي تعجبك بقى بس لما تعايرك هي وأهلها بمامتك متجيش تشتكي
سيف : بابا الموضوع غير كده خالص
ومينفعش اروح اتحايل على واحده واقولها لازم نتجوز
منصور : امال ينفع تتحايل ع بتاعت الشرقيه صح.
سيف : بابا انا لا هتجوز دي ولا دي فكك مني بقى علشان انا ع أخرى
منصور يخبطه خبطه خفيفه ع وجهه
سيف شعر بالإهانة وعينه دمعت
منصور : لما تتكلم مع ابوك تتكلم ب احترام
الظاهر معرفتش اربيك
سيف وهو ايده ع وجهه : حضرتك ربتني وهي م ربتنيش
حضرتك عايز تدفعني التمن وهي عايزاني انسى اللي عملته
حضرتك طول الوقت بتفكرني بالجميل اللي عملته معايا وقد ايه ضحيت علشان تحافظ عليه وهي طول الوقت عماله تعملي مشاكل في حياتي
والناس عماله تحاسبني على ذنب انا مرتكبتوش
طب محدش بيحاسب حضرتك ليه إنك اتخترتلي أم زي دي
شوف يابابا انا بشكر حضرتك إنك حافظت عليه بدل م اترمي في الشوارع ولا اترمي في دار رعاية اتعذب هناك واعيش من غير اب وأم
فشكراً جدا لحضرتك
منصور : يله افهم انا خايف عليك
وعايزك تبقى احسن واحد في الدنيا
لكن بدماغك دي هتفضل زي م انت كده مش هتقدم خطوه
سيف : ومطلوب مني ايه
اعاند الظروف يعني واقول انا أقوى من كل دا
ولا اخرج للناس واقولهم انا امي فعلا كانت شغاله رقاصه بس انا نضيف وكويس حد فيكم يجوزني بنته
علشان مش لاقي بنت ناس تقبل بيه بسببها
منصور : وايه علاقة مامتك بخطيبتك ولا هو اي عك وخلاص
سيف : حضرتك معاك التليفون كلمها واسألها
ايه علاقتك ب مي اللي كانت خطيبة ابنك
ليه عايزة تتدخلي في حياته وتبوظيها
اكيد رقمها مع حضرتك كلمها واسألها... بعد اذنك
منصور مسك ايد سيف : رايح فين
سيف : هغور في داهيه.. ادعي اني مرجعش ولا تشوفني مرة تانية
منصور بيبكي :"ليه كده ياابني
سيف : علشان كلكم تستريحو ا مني
علشان الناس كلها تستريح من سيف اللي مضايق الدنيا كلها
ونزل سيف وهو بيجري على السلم
كان منصور بينادي عليه لكن كمل طريقة ونزل تحت
بيتلفت يمين شمال مش عارف يروح فين
_______________