رسالة من مجهول 📝💖

الحلقة ٤٥

الحلقة ٤٥
#رسالة_من_مجهول
#بوسى_مصطفى
_________________

في التليفون 📞
زينة : دا بني آدم قليل الذوق
وانتي سكتيله يااميرة
أميرة : لأ بس مشفتش غليلي يازينة
زينة : ابعدي عن الراجل ده
اقولك سيبي الشغل خالص في الدار دي
اميرة : وانا بقى كل اما تحصلي مشكلة مع حد اسيب الشغل علشان خاطره
دا انا كده مش هشتغل خالص
في اي مكان
زينة : هو كلامه مش مريح يااميرة
اسمعي مني بس ابعدي عن الشر وغنيله يااختي
أميرة : لا يازينة الضعيف هو اللي بيقول كده
وانا لا ضعيفه ولا جبانه علشان اخاف منه
زينة : براحتك بس بردو خدي بالك.. محتاجه حاجه
أميرة : لا سلامتك... خدي بالك من نفسك
زينة : وانتي كمان خلي بالك من نفسك.. سلام
أميرة : مع السلامة
______________

في التليفون 📞
منصور : سيف ياابني انت روحت فين
كان سيف واضع ايده ع بوقه وبيبكي بعد م سمع خبر وفاة مامته
منصور : طب رد عليه وطمني إنك كويس
سيف بصوت مخنوق بالبكاء : حرمتني منها وهي عايشه
منصور : معلش ياابني هي في دار الحق دلوقت
متعذبهاش بكلامك ده
سيف : صعبانه عليه وصعبان عليه نفسي كمان
منصور : ملوش لزوم الكلام دا ياسيف
اللي فات مات ياابني
المهم تحاول انك تيجي ع بكره ولا بعده تاخد عزا مامتك
سيف : ولو منفعش
منصور : هينفع لو انت عايز ده
سيف : اكدب ع حضرتك واقولك اني عايز اجي
كان ممكن اكون ملهوف فعلاً اني انزل لو حضرتك قولتلي إنها تعبانه وفي المستشفى
كان ممكن انزل علشان اشوفها لآخر مرة في حياتي
اللي انا اصلا مشوفتهاش فيها غير مرات قليلة يتعدوا ع الصوابع
منصور : وبعدين معاك بقى... انسى اللي فات ياابني خلاص
سيف : العزا امتى
منصور : معرفش جوز بنت خالة مامتك هو اللي كلمني وقالي إنها كانت موصيه
حد مننا يبقى موجود لو حصلها حاجه
سيف : حد مين يعني
منصور : انا أو انت ياابني
سيف : حاضر يابابا هشوف اموري هتمشي ازاي وهبقي اديك خبر
منصور : ماشي ياابني ع العموم لو اتأخرت انا كده كده هعمل عزا هنا
سيف : تمام يابابا... أنا هشوف واكلم حضرتك
منصور : مع السلامة ياابني
______________

في الأرض
إبراهيم : أرض ايه اللي جاي تستلمها من المستأجر ياشكري
شكري : أرضى ياابراهيم
ابراهيم : شكلك شارب حاجه ياشكري
أرضك اللي بتتكلم عنها دي انت بعتهالي وقبضت التمن
ولا هو كان لعب عيال يااخويه
شكري : تقصد العقد ده
إبراهيم نظر للعقد  : هو انت عامل نسخة تانية من عقد البيع وانا معرفش ياشكري
شكري : لا انا مسلمك العقد القديم والعقد الجديد ياابراهيم
واللي معايا دا عقد البيع
إبراهيم : جيبته منين ياشكري
شكري : جيبته من مطرح م جيبته ياابراهيم ملكش فيه
ابراهيم بغضب : يعني ايه مليش فيه
تسرقني وكمان يتيجح... هات العقد ده
شكري : عقد ايه اللي تاخده.. العقد اهو ياابراهيم
شكري بيقطع العقد وإبراهيم بيحاول ياخده منه
نزل في الأرض بيلملم الورق
ابراهيم : طب هات فلوسي ياحرامي
جلال قرب منهم : ميصحش تقول ل اخوك كلمة زي دي ياابراهيم
ابراهيم : وانت مالك انت كمان ايه اللي حشرك م بينا
جلال : الأرض شكري هيستلمها من المستأجر ياابراهيم
ابراهيم : يبقى بيحلم.. يهوب بس خطوه من هنا وانا ادفنه مكانه
جلال : الأرض مش من حقك وانت عارف كده كويس
ابراهيم : اخوك واخد مليون وتلتوميت ألف في الأرض دي
شكري : اتفضل الربعوميت ألف بتعوك مش عاوزهم
ابراهيم : لا ياحبيبي فلوسي كاملة اخدها دلوقت تستلم الأرض معكش وأنا متأكدة من ده
يبقى الأرض حلال عليه من غير حتى عقد
جلال : من أمتي الحرام بقى حلال ياابراهيم
إبراهيم : وانت بقى كانوا عينوك المفتي بتاعنا يااستاذ جلال
جلال : لأ بس الفلوس اللي اشتريت بيها الأرض دي مش فلوسك
دي فلوس ابن اختك وانت اخدتهم ع اساس تشتريله حاجه بعيد عن الأرض خالص وهو رجع في كلامه وقالك عايز الفلوس ياخالي
قولت إن الفلوس دي مكان ارض راوية اللي انت بردو حاطط ايدك عليها
ولولا إننا اخوات ياابراهيم كان زمانك في السجن دلوقت
ابراهيم : محدش هيدخله غيرك ياجلال ووسعوا بقى من هنا
شكري : بلاش نفرج الناس علينا ياابراهيم فلوسك عندك اهيه والتسعوميت ألف رجعوا ل فادي
وانا رجعتلي الأرض بتاعتي يبقى كده خالصين
إبراهيم : خالصين ايه ياحرامي انت وهو
انا الكلام دا مياكلش معايا
فلوسي قصاد الأرض
معاكش يبقى ميلزمكش ياحبيبي
شكري : الأرض هاخدها ياابراهيم بالذوق بالعافيه هاخدها
جلال : وراوية كمان هتاخد أرضها ياابراهيم
والمحلات هتتقسم م بينا وكل اللي ليه حق هياخده
ابراهيم : بتحلموا.. انتو متعرفوش ابراهيم ممكن يعمل ايه
جلال : هتعمل ايه يعني ياابراهيم
وضع اليد دا ميدكش الحق انك تمتلك الأرض والمحلات
احنا زمان صحيح امناك وقولنا انت تدير كل حاجه بحكم إنك كنت شغال مع ابويه واكتر واحد تفهم في الشغل
وقولنا دا اخونا وهو اللي هيخاف على ملكنا
لكن الظاهر إن اللي حصل العكس
ابراهيم : ماشي ياجلال عايز المحلات اتفضل خدها زي ماهي
لكن البضاعة هتتباع علشان نسدد ديونا
وبالنسبه للارض فخد حقك وملكش دعوة بقى بالباقي
شكري : شكلك نمت ومسمعتش احنا قولنا ايه من شويه
ابراهيم : لا انا مصحصح وعارف انا بقول ايه كويس اوي ياشكري
شكري : يبقى مصمم ندخل في مشاكل مع بعض ياابراهيم
ابراهيم : المشاكل دي انت اللي عملتها
لما رجعت فلوس الأرض ل ابن اختك
الفلوس دي راح اتجوز بيها على بنتي وزمانه بيصرفها ع البت اللي اتجوزها
شكري : مليش فيه ياابراهيم حتى لو ولع فيها دي فلوسه وهو حر
لما تبقى فلوسك وقتها ابقى اتكلم معايا وقول ارضى مش ارضى
إنما متعمليش مشاكل وتروح تشتري الأرض بفلوس أبن اختك
ابراهيم : عملت خاطر ل راوية يعني
خلاص ياحبيبي اشرب بقى
جلال : شوف ياابراهيم طالما الذوق مش نافع
احنا بقى مش قدامنا غير حل واحد
إبراهيم : المركز عندك اهوه روح اشتكي انت وهو
ولا محتاجيني معاكوا
شكري : لا ياابراهيم احنا مش صغيرين
بس افتكر إنك أنت اللي وصلتنا للحل ده
إبراهيم : اعملوا اللي تعملوا محدش هيخرجني من الأرض
وتركهم ومشى
شكري : وبعدين ياجلال
جلال : جمد قلبك ومتقلقش اللي بيقوله دا كلام بس مش اكتر
هو عارف إن مبقاش ليه حق في الأرض خلاص
بس واخدها عافيه فاهم إننا علشان اخوات هنسكت بقى
بس لو انت سيبت حقك ياشكري انا مش هسيب حقك اختك
شكري : يعني هتعمل ايه
جلال : مش هو بيبلطج علينا انا بقى هوريه العين الحمرا من هنا ورايح
________-______