لماذا تخليت عني؟!

الجزء الاول

تبدي القصة كالعادة بتعريف ابطال القصة وخلي نسميهم ابطال وصحيح هم هواية بس ميخالف هم اشخاص متكتمل القصة بدونهم .. القصة جريئة وصاحبة مبدأ وتحجي عن واقع حالنا بالعراق وشلون صار الحب رمزيات ومجرد كلام ورومانسيات بفلس متنباع .
بطلة قصتنا اسمها ابرار .. خل نجي نتعرف على ابرار .. جان عمرها ١٥ سنة لما بدت قصتها وية بطلنا ألي اسمه حمزة وجان اكبر منها بسنتين يعني عمره ١٧ سنة .
اهل ابرار متكونين من ابوها وامها وخواتها الاثنين (فاطمة .. مروة) واخوها احمد
عائلة حمزة متكونه من امه وابوه كذلك واخته الوحيدة رونق واخوانه الثلاثة (حيدر .. محمد .. وعلي)
والباقين حتتعرفون عليهم من خلال القصة .. ابرار بنية عادية وحالها حال البنات ألي بعمرها تحب الملابس والطلعات والمكياج وتتعارك ويه امها حتى تخلي واكيد امها متقبل ههههه المهم والفيكات وتحب الاغاني وتحب تروح البيت صديقاتها ويظلون يركصون ويغنون وما انسه انو ياكلون ههههه اهم فقرة وعادي يدرسون والبنية شاطرة ونهائياً قصة الولد مالها علاقة بيها مع العلم عدها صديقات يحبون هيج سوالف .
جانت بالمتوسطة وتقريبا صف الثالث متوسط وبصف مدرستهم اكو مدرسة ولد مال اعدادية وطبعا عادي كل ميطلعون يلكون كومة ولد واكفين .. بس هي مجانت تهتم وجانت شايلة خشمها على الكل بس جان اكو ولد مو طبيعي ابدا وياها .. وبس يباوع عليها وجاب السنة كلها يوكفلها ومن تروح يلا يروح وحتى صديقاتها لاحظو انو هذا الولد بس يباوع عليها "طبعا منو هالولد اكيد حمزة" المهم ظل هو على حاله وهي هم ألى ان خلصت السنة وامتحنت ابرار ونجحت وبتفوق واكيد اهلها فرحوا وسولها حفلة علمود يتونسون وعزموا صديقاتها.
بعد هيج داومت بمدرسة اعدادي وجانت مدرسة ثانية مو مثل مدرستها مال المتوسطة وشوية ابعد عن البيت من مدرستها القديمة ..
داومت شهر واحد هي وصديقاتها ووراها رجعت تشوف هذا الولد .. هي تفاجئت وانصدمت .. يعني معناها متابع اخبارها .. "اكو شي غلط" تسأل ابرار وبنفسها تعجب واحساس غريب اتجاه هذاك الشخص .. راحت ايام وجتي ايام وبالاخييييييير قرر الولد يحجي وياها واجه وهي جانت طالعة من المدرسة ودتروح لبيتهم .. صاح بأسمها "ابرار .. ابرار" طبعا ابرار انصدمت بس ملتفت أله وكملت طريقها "ابرااااااار" هي وكفت ومدارت وجها من صاحها للمرة الرابعة "دقيقة ابرار اريد احجي وياج" اندارت واول كلمة كالتها "منين تعرف اسمي؟؟؟؟" وبوجها صدمة وخوف واكيد البنية كلبها راد يوكف .. كللها مو هذا المهم انتي لازم تسمعيني .
نهاية الجزء الاول
تعليقاتكم ^_^