#منقوله
رواية جعلتني _احبها
#الحلقة_الثامنة_عشر
سارة كانت تسمع في القصيدة بكل حب وانسجام ،عرفت قصد احمد من اختياره لها القصيدة بالذات،كان إفصاح واضح على حبه ليها ،في هاللحظات بالذات كانت أجمل لحظات العمر بالنسبة لسارة ❤️
أحمد وصل لآخر بيت وقعد يشوف لسارة ويقرأ كلام عيونها اللي كانت كلها حب وع وشك تعترفله وتقول انحبك!
سارة على وشك تقول لأحمد أول مرة انحبك!خشت ملاك وهي تبكي😭
بعد أحمد على سارة ورجع لوراء ومشي لملاك يشوفها
سارة من الربكة تلخبطت مشاعرها وصار قلبها يدق بسرعة لدرجة تسمع في دقات قلبها
أحمد قعد يسكت في ملاك اللي كانت تبكي بسبب صوت الرعد ،خداها احمد في حضنه وقعد يسكت فيها لين هدت
ملاك:بابا بنرقد معاك
احمد مايبيهاش تتعود يبيها تتشجع
أحمد :شن قلنا يابابا مش قلنا نبوا تكوني شجاعة ترقدي بروحك
ملاك بدلع:اي بس اليوم نبي نرقد معاك
سارة قطعت عليهم:اممممم خليها احمد اليوم😌
كان في بال سارة شي ان تبي أحمد يغلي على نار هادية وحمدت ربي ان ملاك قطعت عليهم وماقالتله انحبك اللي كان متوقعها!بس هكي جت في مصلحتها وتخليه ع نار وتشعل فيه نار الشوق.
أحمد فهم عليها ًوعطاها نظرات بمعنى تتحديني
سارة ابتسمتله بحب وقربت منه بحركة عفوية فكت يديه من على ملاك وخدتها ،ملاك شدت في سارة وضمتها
ملاك بكل حب:انحبك واجد خويلة سارة😍
سارة بابتسامة وتشوف لأحمد وشدت بقوة على كلمة انحبك ،كانت متقصده هالشي وهالحركات تبي تجننه!
سارة:وانا انحبك ياملاكي 😉
مشت سارة لدارها واحمد قعد يبتسم على حركاتها
أحمد قاعد مقعمز ويكلم روحه:شكلي بننجن من هالبنت والله
مشت سارة لدارها مع ملاك ورقدتها على السرير بينها وبين أحمد وقعدت تقرا عليها في قران لعند غفت من جديد
أحمد جي لقي الضي طافي ومافيش صوت يحساب ملاك وسارة رقدوا ،جي رقدت في مكانه ووجه ملتفت لسارة باس على ملاك وغمض عيونه.
فجأة حس بيد على يده كان يحسابها ملاك بس كانت يد أكبر،فتح عيونه باستغراب وشاف يده كانت يد سارة عليها ،رفع عيونه فوق وشبحلها ابتسمتله ابتسامة حب❤️
احمد عجباته حركته كانت تدل ع الحنان والدفا وبمعنى ان انا جنبك❤️
وبحركة منه ضم يدها بيده بدل ماكانت يد سارة فوق يده وكان معنى هالحركة ان حتى انا جنبك ومعاك ونحنا روح وحدة ،سارة ابتسمت بفرح وشدت على يده بقوة ورقدوا.
بعد أيام
أريج تحكي مع حنان
أريج :يعني لتوا مافيش اي خبر ينفع او معلومة معقولة هكي
حنان:شن ندير اهو كل اللي نقلته ليك مش عاجبك به شن ندير يعني
أريج:مانعرفش دبري اخترعي نبي حاجة تنفع تفرق بينهم
حنان:زي شن
أريج بتفكير وخبث:نبي تشوفيلي حياتهم الخاصة
حنان:كيف يعني
أريج :نفهمك ،أحمد ولد عمي كان يحب مرته واجد يعني مش متاكدة بس عندي أمل ان يكون عايش معاها هكي وخلاص
حنان بضحكة وصدمة:يعني معقولة راجل بيخلي مرته حلاله قدامه هكي شن جايبها شغالة
أريج عجبتها كلمة شغالة وجت في بالها فكرة
حنان:هي وين مشيتي
أريج:معاك معاك
حنان تغمزلها:مش باين شكله عندك خطه😉
أريج ابتسمت ابتسامة شر:هه طبعا
وشن الخطة
أريج:لو طلع اللي في بالي صح وولد عمي زي مانعرفه رح تمشي الخطة مليحة
حنان:مافهمتش شي
أريج:لوقتها حلو بس تاكديلي من وضع سارة مع أحمد وخلي الباقي عليا وعلى خوها
حنان بحيرة :كيف خوها شن دخله
أريج بخبث:خوها هو أساس الخطة ورح يفرق بينهم وهو يضحك
#يتبع
أنت تقرأ
رواية .....جعلتني احبها للكاتبة #Besaan💓
General Fictionرواية ليبية ممزوجه بالخيال و الواقع تحكي عن حب حياته الي مقدرش يحب من بعدها💔 و متوقعش انه حيجيه يوم يحب مرة تانية 💓 دخلت حياته و قلبتهله رأس ع عقب💓 #الایمیل_الاول_تصکر_و_حنزلهلکم _هنا_انشالله_نبی_دعمکم🤗
