بعد 7 شهور ...*
يوم فرح امنيه وخالد وأسماء ومصطفى ..."
تقى ورقيه وكل واحده بطنها قدامها 4 متر 😂.."
تقى.... يعنى حبكت تتجوزو دلوقتى ماتستنو اما اولد
امنيه بضحك .... ليه يا قلبى مانتى كوره زى القمر اهو
تقى.... بس يا زفته
نفين .... الحمد لله الذى عفانا مما ابتلى به غيرنا
تقى.... كلها سنه وتتجوزى وأشمت فيكى انتى كمان
أسماء.... جماعه مش ملاحظين حاجه
امنيه .... حاجه ايه
اسماء... تقى بقالها نص ساعه مكلتش
تقى... اه تصدقى انا جعانه .. ايه ده استنى انتى بتتريقى عليا صح
اسماء بتمثيل.... انا ي بنتى
"ضحك الجميع ... واستمروا بتجهيز انفسهن"
عند الشباب ....""
مروان .... والله وهتدخل القفص يا درش
مصطفى .... الا قولى اخباره اى
مروان.... هو اى
مصطفى... القفص
مروان... بيسلم عليك
خالد .... بطلو بقا انا مش لاقى الجرافات
مصطفى.... انا مش مصدق ان يوم م اعمل فرحى اعمله معاك واحنا كنا اكتر اتنين مبنطقش بعض
خالد.... فاكر اما انت عرفت انى جبت اعلى منك ف ثانويه
مصطفى.... دنا كنت هولع فيك ايام الله لا يعيدها يا جدع
مروان .... الجرافات ي عمنا
خالد .... اه صحيح دورو معايا
طارق ... واحنا مالنا ي لمبى
خالد.... يا عم اخلص عاوز اروح لمراتى
"فى المساء"
ذهب الجميع لقاعه الافراح ...."
خالد وهو يميل على أذن امنيه..... انا عمرى ما شفت عروسه بالجمال ده ف حياتى
امنيه.... احم احم هو انا اى حد ولا اى
خالد .... اى حد ايه هو فى حد يجيبنى كده على ملا وشى ويلفننى وراه كل اللف ده وتقولى اى حد
امنيه .... طب بس بقا علشان بؤحرج
خالد.... بؤحرج !!! الرقه يا عروسه الرقه
امنيه .... عند البقال
خالد.... حتى يوم فرحنا فصيله
امنيه.... ايون😌
خالد.... عوض عليا عوض الصابرين يا رب
"عند مصطفى واسماء"
مصطفى.... ماتقومى نمشى
اسماء .... نمشى فين حضرتك
مصطفى.... ماحنا قاعدين مبنعملش حاجه حضرتك
