رسالة من مجهول 📝💖

الحلقة ٤٦

الحلقة ٤٦
#رسالة_من_مجهول
#بوسى_مصطفى
___________

في شقة سونيا
حمدي : بقى كده ياسعاد تكتبي كل حاجه ب اسم المحروس ابنك دا مكانش بيطيق يبص في وشك حتى !

خميس : ياحبيبي كانت عامله حسابها وخافت حد مننا يحط إيده ع الورث
ست حويطه طول عمرها
حمدي :"تفتكر الواد هياخد حاجة من الفلوس دي
خميس :" انت شوفت وشه اتغير ازاي اول سمع كلام المحامي
حمدي : ايوه مكانش طايق نفسه
تحس كده كإن حد سلمه شنطة مخدرات ولا حاجه
خميس : انا كنت اسمع من حماتي إن منصور اللي هو جوز سعاد الاولاني كان باعد ابنه عنها
ومش عايزة يبقى ليه علاقة بيها ولا حتى ياخد منها قرش واحد
حمدي : ايوه م انا عارف
لما كان بيجي البيت هنا مكانش بيشرب بوق المياة حتى
تفتكر مش هيقبل إنه ياخد حاجه من الفلوس ولا الأملاك دي
خميس : بصراحه الموضوع مغري واكيد الفلوس هيزغلل عينه
يعني لما فجأة كده تلاقي نفسك مليونير يااااه يارتني كنت انا يااخي
حمدي : وبعدين بقى.. والبت اللي انا ادبست فيها دي
ارجعها ل اخوها ولا اعمل ايه
خميس : ترجعهاله تقوله ايه
اتفضل اختك مش عايزاها
حمدي : دي ايه الورطه دي
هو انا كنت ناقص
خميس : سيبها معاك يمكن يحن ع اخته ويديها حاجه من الهبره اللي هيتاخدها دي
حمدي : تفتكر هيبقى أصيل ويدي اخته حاجه
خميس : انا بقول يمكن
حمدي : او يمكن تحصل أمها
خميس : قلبك أسود اوي يااخي
حمدي : ماهي لو مجاش من وراها مصلحه متلزمنيش هعمل بيها ايه دي
خميس : انا ماشي رايح اطمن على حماتي
حمدي : بقى قليلة الأصل متكتبش حاجه لخالتها اللي ربيتها
خميس : اديك قولت قليلة الأصل
ولا يمكن كتبتلها حاجه قبل كده
اصل حماتي كانت معاها كده زي ضلها
البت نرجس بنتي اكيد عارفه حاجه
حمدي : طب ألحق بقى اعرف منها كل حاجه
وخليني انا بقى في المقلب اللي شربته
خميس : تعيش وتاخد غيرها ياميدو
بس شوف محامي يعرف دا قانوني ولا ايه
حمدي : هشوف بس ابقى طمني ع البت شوفها لسه عايشة ولا حصلت أمها
_________________

في دمياط
منصور : طب اقعد استريح ياابني
سيف : بابا انا مش هاخد مليم من الفلوس دي
منصور : محدش قالك تاخد حاجه ياسيف
بس استريح الأول وقولي عملت ايه هناك
سيف : روحت ع الشقة قعدت هناك شوية ورجعنا ع المستشفى علشان نشوف البنت الصغيره وبعدها روحنا للمحامي
منصور : البنت الصغيرة اللي هي اختك
سيف : اختي !
منصور : هي مش اختك ولا ايه
سيف : بابا انا حاليا مش مدرك ل أي شيء حواليه
حاجات كده بتحصلي فجأة معرفش اذا كان دا حاجه حلوة ولا وحشه
منصور : كله خير ياابني
سيف : المهم انا مش هاخد اي حاجه من الميراث ده
منصور : مش كنت عايز تكمل المزرعة اللي بتحلم بيها
سيف : من الفلوس دي!
هكلمها من الفلوس دي بردو يابابا؟!
منصور ببتسامة : عارف إنك مش هتقدر
وعارف أنا مربيك ع ايه
سيف :"انا عمري م دخل جوفي قرش حرام
اقوم اخد الفلوس دي
اضحك ع نفسي يعني وبعدين اتكوي بكل قرش اخدته
انا هكمل المشروع من فلوسي انا من عرقي وجهدي
منصور ببتسامة : وهتعمل ايه في الوصية دي
هترجعها ل اختك
سيف : ولا هي كمان هتاخد حاجه من الفلوس دي
منصور : خايف عليها
سيف : مقدرش أنكر اني اول م شوفتها
حسيت اني عايز اخدها في حضني واطمنها واطمن بيها م احنا مصيرنا هيبقى واحد
بس أنا لاقيت اب يحبني
لكن هي معرفش اللي اسمه حمدي دا هيعمل معاها ايه
ولا هيربيها ازاي
منصور : حمدي مين
سيف : حمدي اللي كان جوز ماما يابابا
منصور : وهو ايه علاقته بالبنت
سيف : مش ابوها.. جرا ايه يااستاذ منصور شكلك لسه متغدتش اطلبك أكل بقى
منصور : أبو مين ياابني
سيف : أبو مين يعني ايه
في ايه يابابا حضرتك مش مركز ولا ايه
مش ماما كانت متجوزه حمدي دا
منصور : ايوه وطلقها
سيف بدهشه : امتى ده
منصور : قبل م تتجوز أبو بنتها
سيف :"يعني ماما اتطلقت من حمدي دا واتجوزت تاني
يعني دا مش أبو البنت
منصور : لا طبعا مش أبوها
سيف : ازاي يعني؟؟
وفين ابوها وحمدي دا صفته ايه طالما طلق ماما؟؟
انا مش فاهم حاجه
منصور : ولا أنا
اقولك تعالي ناكل الأول علشان انا واقع من الجوع وبعدين نبقى نشوف الحكاية دي
______________