رسالة من مجهول 📝💖

الحلقة ٤٧

الحلقة ٤٧
#رسالة_من_مجهول
#بوسى_مصطفى
_____________

بعد كام يوم من الأحداث
هيثم : طب انت رايح فين دلوقت
سيف : هروح اشوف ايه الحكاية بالظبط
ازاي الراجل دا بقول إنه رد ماما وإن البيبي تبقى بنته
وهو انفصل عن ماما واتجوزت واحد تاني
هيثم : انت متأكد من اللي بتقوله دا
سيف : بابا اللي قالي الكلام دا
اكيد بابا مش هيكدب عليه يعني
هيثم : ايوه فين هو جوز مامتك دا
وليه اللي اسمه حمدي دا عمل كده
ويدبس نفسه في بنت مش بنته ليه
سيف : التفسير الوحيد للحوار دا
إن حضرته كان طمعان ياخد حاجه من الفلوس اللي سابتها ماما
هيثم : طب ما مامتك اصلا كتبت كل حاجه ليك هو كسبان ايه دلوقت
سيف : معرفش ياهيثم بس أنا مستحيل اسيب راجل غريب يربي اختي
هيثم ببتسامة : اختك!
أول مرة تنطقها
سيف : علشان حاسس إن دا الوقت اللي مفروض اخدها في حضني واطمنها اني هفضل جنبها
هيثم : بتتكلم  كإنها حد كبير
سيف : معرفش ليه حسيت فجأة إني مسؤل عنها كإنها بنتي
هيثم : هههههههههه بنتك ايه بس ياسيف
اتجوز بقى علشان تجيبلنا نونو يلعب معاها
هههههههههههههههههه
سيف : بتهزر
هيثم : زي م انت بتهزر كده
سيف :"سلام بقى علشان متأخرش
هيثم : لو معنديش شغل كنت روحت معاك
سيف : عارف ياحبيبي.. سلام
_____________

في شقة راوية
في التليفون📞
فادي : خلاص يااميرة انا آسف لو كان كلامي ضايقك
أميرة بتبكي 😢
فادي :" محدش هيغصبك على حاجه يابنتي
انتي حره تقبلي ترفضي براحتك
أميرة :" مش عارفه يافادي انا تايهه
وكل أما أرفض عريس خالي شكري يقولي انتي عايزة تفضلي قاعدة كده؟؟!
فادي :"متتجوزيش علشان ترضى حد
لازم تكوني مقتنعه بالشخص اللي هترتبطي بيه
أميرة : زهقت من الموضوع مش عايزة حد يتقدملي خالص
فادي '"الواد دا عقدك ولا ايه؟؟!
أميرة : واد مين؟؟
فادي : نبيل أخت الهانم مراتي
أميرة :"انا عايز انسى الموضوع ده يافادي
قولي عامل ايه انت ويسرا صالحتها؟؟
فادي : انا كمان عايز انساها
أميرة' : اهو دا اللي مستحيل يحصل
فادي صالحها وراضيها علشان خاطر بنتك
فادي : الهانم رافعه عليه قضية بتقول اني مبصرفش عليها ولا ع البنت
أميرة : انت مبتبعتلهاش مصروفها؟؟!
فادي : أنا سايب ليها مبلغ كبير وقولتلها دا مصروفك لحد اما انزل
أميرة : طب ايه المشكلة بقى
فادي : ماهي عايزة تعملي أي قضية وخلاص
والمحامي بتاعها بيكلمني بيقولي مفيش حواله وصلت ليها من خمس شهور
وانا فعلاً مبعتش حوالات لإن معاها فلوس اصلا
وبتلعب بها ع الحته دي
أميرة : معلش كلمها وراضيها اكيد زعلانه علشان اللي عملته يافادي
فادي : أميرة انا معلطتش انا اتجوزت
أميرة : ما انت عارف يافادي الموضوع دا بيبقى صعب اوي ع الست
فادي : اعملها ايه يعني؟؟!
ماهى اللي رهقتني وكرهتني اعيش معاها
أميرة : معلش علشان خاطر حنين
فادي : بتشوفيها
أميرة : مشوفتهاش من وقت م سافرت
فادي : ولا انا
حتى كانت بتنزل صورها ع الفيس عملتلي بلوك
أميرة : معلش بكره تروق وتتصالحوا
فادي : انا نازل الأسبوع الجاي اشوف آخرها ايه َعايزة تطلق معنديش مانع
هتكمل يبقى دي هيبقى فيها كلام تاني
أميرة : كل حاجه هتتحل... بإذن ﷲ
فادي : نفسي استريح بقى
قوليلي بقى اقول ايه ل مصطفي
أميرة : قوله كل شيء قسمه ونصيب
______________