رسالة من مجهول 📝💖

الحلقة ٤٨

الحلقة ٤٨
#رسالة_من_مجهول
#بوسى_مصطفى
_________________

في شقة هيثم
سيف : انت أكيد بتهزر
هيثم : لا مبهزرش انا بتكلم جد
سيف : يعني عايزني اروحله اقوله ياعمو تعالي ندور ع اختي اللي انت اصلا مش معترف إنها بنتك!
انت شارب حاجه؟!
هيثم : ياابني يمكن قلبه يحن
اهي محاوله ياسيف لا صابت لا خابت
انت مش هتخسر حاجه يعني
سيف : اه وبعدين لما نلاقيها يمكن يقتلها
هيثم : انت مجنون يقتل ايه ياابني
سيف : ياحبيبي بنته دي هي اللي هتعرف الناس إنه كان متجوز امي في السر
إذا كان هو عمل كل دا علشان يبعد عنها
عايزة بقى يلاقيها ويعترف بيها كده بسهولة
لاني اصلا هرفع عليه قضية إثبات نسب مش هسيبه
هيثم : يبقى ناوي تدخل في مشاكل أنت مش قدها ياسيف
الراجل دا إيده طايله وممكن يأذيك
سيف : ما هو انا علشان اعمل كده لازم يكون معايا أوراق تثبت إنه اتجوز امي
هيثم : العقد مش اتكتب عند محامي زي م عرفت من الراجل اللي كان في القسم وقت القضية إياها
سيف : خايف يتكلم ومكتمين على الموضوع هنا
ومستحيل حد منهم يديني صورة المحضر االي اتعمل
البيه دافع وصارف كويس
هيثم : انا مش عارفه الناس اللي بتبيع ضميرها دي عايشه ازاي يااخي؟!
سيف : عادي جداً بياكلوا ويشربوا ومستمتعين بحياتهم
بس كل دا هيبقى عليهم حسره يوم القيامة
هيثم : ربنا يعافينا
سيف : يا رب
انا هروح انام بقى علشان تعبان اوي
هيثم : ماشي... تصبح على خير
سيف : وانت من اهل الخير
وخرج سيف من شقة هيثم
زينة خارجه من جوه
زينة : لسه بردو ملقاش اخته
هيثم : لا ملقهاش
زينة : هو مش كلمك في أي حاجه تانية غير الموضوع ده
هيثم : حاجه زي ايه
زينة : أصله قابل أميرة النهاردة في دار الرعاية اللي شغاله فيها
هيثم : أميرة مين
زينة : أميرة صاحبتي
هيثم : اه ودا ايه علاقته بالموضوع مش فاهم
زينة : افتكرت إنه قالك يعني
هيثم : وانتي بقى شاغله نفسك بالموضوع دا ليه؟!
زينة : مش صاحبتي ياحبيبي
هيثم : احنا في ايه ولا في ايه يازينة دلوقت
زينة : ما انا فاهمه بس فكرت قالك حاجه يعني
هيثم :"انا داخل انام تصبحي على خير
_____________

في شقة راوية.. في غرفة أميرة
كانت أميرة واقفه قدام المرايا مبتسمه وهي بتفكر في سيف
أميرة : معقول يااميرة لسه بتحبيه
وايه سر حبك ليه مع إنك يعني معرفتهوش غير من فترة قريبة حتى متقابلتوش كتير ولا اتكلمتوا مع بعض
ايه سر حبك ليه وإنك دايماً بتفكري فيه
يمكن علشان حاسه إنه بيحبني بجد
طب وجه منين الحب دا
عادي يعني في ناس ممكن تدخل قلبك ل أول مرة وفي ناس قدامك كل يوم لكن ميدخلوش قلبك ولا تحسي بيهم
بس معقول لسه بيحبني بعد م اتجوزت
وايه اللي يأكدلك ان القريبين منه ممكن يوافقوا إنه يرتبط بيكي بعد اللي حصل
ارتباط! .. هو انتي شايفه ان دا ممكن يحصل
ولا مصدقتي لاقتيه
أميرة انتي محبتيش نبيل اعترفي
ايوه فعلاً انا محبتوش بس افتكرته إنه بيحبني قولت دا كفايه
ايه الدوشة اللي بره دي؟؟
(كان وقتها راوية فاتحه باب الشقة وبتتكلم مع جلال اللي كان نازل جرى ع السلم ومديحه بتنادي عليه علشان تحدف ليه مفاتيح العربية)
راوية : في ايه ياجلال
نازل رايح فين في ساعة زي دي
ولادك كويسين؟؟
جلال : واحد من اللي شغالين في المحلات كلمني وقالي ان المخازن مولعه
راوية بخوف : طب انزل بسرعه شوف في ايه بس خلي بالك من نفسك وابقى كلمني طمني
جلال : حاضر.. سلام
كان شكري واقف تحت مستنيه علشان يخرجوا مع بعض
أميرة : هو في ايه ياماما
راوية : مصيبه
أميرة :  مصيبة ايه ياماما؟!
__________________