🌺 كَــــحْـٰلة آلــعْــيــون 👀🌺( مكتملة )

الجزء:109

نادية : ونوض انا نمشي ..
نيسرين : تانا بحالك ..
شهد : اويلي غانبقا بوحدي ..
نيسرين : ياك قلتي سيف جاي ..
شهد : ايوا اه ايوا بقاو تايجي عافاك اماما باتي معايا ..
نادية : لا ابنتي اويلي ولكان راجلك مايبغيش صافي نتي مزيانة هاحنا شفناك دابا ..
شهد : ( بقات كتعض فشفايفها ) ايوا لي بغيتي خودي راحتك ..
سلمو عليها ومشاو خرجو بقات غير غير هي فوسط البيت بقات كتشوف فيه وناضت بشوية مشات لكوافوز هزات وحدة من روايحو كتشمها مبتاسمة تاسمعات تيليفونها كيصوني ومشات ليه هزاتو ماعرفاتش النمرة وهي تجاوب ..
شهد : آلو ...
خديجة : اهلا بعروستنا ..
شهد : شكون ؟
خديجة : وايلي زعما ماعرفتينيش، اوا الالة انا عمت راجلك لالاك خديجة تاجدين ..
شهد : سمحيلي ولكن ماكنعرفكش واصلا مابيناتنا حتاشي صلة باش تاصلي بيا ..
خديجة : لا بيناتنا احبيبة وبيناتنا بزاف كيبانليا باقا مقلوبة عليك القفة ..
شهد : عافاك الى كنتي معيطة باش تستافزي من الاحسن نقطع ..
خديجة : اصلا انا ماعرفتش سيف كيفاش كيبغيك ومتزوجك وهو ماقايلش ليك حتا اعم سر فحياتو ولي عارفاه عائلتو كاملة وحتا خطيبتو لي شتتي الشمل بيناتهوم ..
شهد : شنو باغا توصلي بهضرك ..
خديجة : هادشي ماكيتقالش فالتيليفون غدا طلاقايني فكافي *** وغادي تعرفي كولشي هادشي الى بغيتي تعرفي حقيقة راجلك واب ولدك ... تييت تييت تييت
سرطات ريقها وشافت فالتيليفون وبقات كطلع النفس بخوف شكاتعني ليها هاد الهضرة وشناهو السر لي غادي ايخبيه عليها سيف ولي كولشي عارفو وحتا من مرام .. كلسات فوق الناموسية شادا فقلبها مارضاتش تقوليها شتتي الشمل .. هي عارفة بلي جات من نور مرام وبصح ماكانش كيخسها تبغي واحد خاطب ولكن فنفس الوقت هي عارفاه ماكيبغيهاش وهي جات غير سبب .. ولكن الاهم من هادشي كامل شنو الحاجة لي مخبيها سيف عليها ..
بقات كتفكر وتفكر وتفكر وافكار اديوها لافكار تاشوية سمعات الباب ديال الدار كيتفتح ... ناضت بشوية خرجات من البيت وهي تشوفو مدخل فيدو جوج دالكراطن دالبيتزا وفيدو عاوتاني واحد الميكا دالعواصر ولي صلاد شاف فيها وبتاسم ليها وهو جاي لعندها ..
سيف : حبيبة كيبقيتي مزيان .. ( وصل لعندها باسها من حنكها وعنقها وهي تجر عنقها مبورشة وحركاتلو غير راسها بالاجاب ) اجي تعشاي راه جبتليك ماتاكلي ..
مشا تقدم وهي تبعاتو بشوية من اللور دخل للكويزين وحط داكشي فوق طابل فتح دوك البيتزات وجبد الكيسان حطهوم وهو كيضحك معاها وهي مشات كلسات فالكرسي وبقات كتشوف فيه وساهية فيه وفالضحكة ديالو شافتو كيحيد المونطو وحطو فوق كرسي وكلس مقابل معاها كب ليها العصير ودور ليها البيتزا باش تاكل ... هي كتاكل وكتفكر وتشوف فعينو، قلبها كيضرب وكيضرب بسميتو لدرجة مشاعر حساتهوم معاه عمرها حساتهوم مع خالد هو فشكل هو داك الامل لي تنبع من جديد هو داك الحب لي جا فآحر المطاف هو الاب ديال الجنين لي من شحال وهي حالمة بيه، هو راجلها وهو رجع كولشي فحياتها، ماتقدرش تحيلو بعيد عليها ولا مع شي وحدة من غيرها تموت ماتقدرش ابدا هاد المرة قلبها غايخرج من بلاصتو حيت تعرض لبزاف ديال الازمات ..
سالاو ومشات للبيت دارت شافتو كيبدل حوايجو وهي تهضر ..
شهد : عاوني ندوش ؟
سيف : غادخلي دوشي دابا ( حركاتلو راسها ) واخا احبيبة يالاه ..
دخلو لدوش وهي باقا فحالة سهات حيدات حوايجها بقات غير بدو بياس وهو كذلك بقا غير بشورط دار عندها وهي كتشوف فيه من المرايا دورات شعرها من على عنقها وهو يمد يدو كيحيد حملات السدر تالاحهوم فالارض وتحركات هي طفات رشاش فالبانيو لي كان عمر ودخلات فيه وجا هو دخل موراها وتكاها على سدرو مخشية بين رجليه .. يد مدورها على كرشها ويد كيحركها على كتافها ..حطات يديها على يدو لي فوق كرشها ونطقات ..
شهد : ( بهدوء ) سيف أنا بصح بغيتك ..
سيف : عارف ...
شهد : أنا حسيت معاك لي ماحسيتوش مع خالد ..( حسات بيدو تزيات على كتافها )
سيف : نساي لي فات نتي معايا دابا ..
ناضت شوية ودارت تاطلاقاو عينيهوم وهز يدو دارها جيهت شفايفها ..وهو كيشوف فيعينيها مغرغرين ..
شهد : ولكن مابغيتكش تخليني وتسمح فيا كيفما دار هو ..
سيف : ( حنا عندها عضها من شفايفها تاغمضات عينيها مألمة ) ماتقاارنينيش بيه سمعتي، وكلما نسيتيه من بالك كلما غانمشيو مزيان ..
شهد : ( حلات عينيها حومر وكاملين كيدمعو هزات يديها وحطاتهوم على عنقو العاري ) كنتيق فيك كتر من راسي كنتيق فيك اسيف وعارفك صابر عليا، حيت انا مرأة مطلقة ..