وأخيرا القصة المنتضرة ❤️ الكاتبة زهور السليماني في قنبلة الموسم
غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة
قصة خدات من عقلي مدة كبيرة وخدات من وقتي ساعات لا تحصى ولا ت...
سيف : شهاد الهضرة كتقولي مم ( جبدها من عنقها خاشي يدو فشعرها ) نتي دابا ديالي وملكي ومراتي سمعتي الماضي نسايه عليك وهادا لي فكرشك ولدي، ماعمرك تقولي على راسك بحال هاكا وهادي آخر مرة تجبديلي شي حاجة عندها علاقة بداك الشماتة والا غاتكون عندي معاك هضرة أخرى سمعتي .. شافت فيه وحركات راسها باه زرب عليها وجرها لعندو نغامس فشفايفها كيجبد كل وحدة ركيتمعن فيها زاد دور يدو على ضهرها من اللور وهي مدورة يديها على عنقو .. خرج هازها لابسة البينوار وحنيكاتها حومر وهو مدور الفوطة على نصو لتحتاني حطها فوق الناموسية وتكا حداها كيقيس فحنيكاتها وهز يديها البويض باسهوم .. سيف : نتي احسن حاجة وقعاتلي فحياتي .. كحزات عندو خشات راسها فسدرو وهو حيد الفوطة من شعرها وبقا كيسرحو بيدو ومرة مرة كيشم ريحتو .. لبسات سروال واسع فالاسود مع بودي بالكول فالأبيض ودارت المونطو من الفوق طويل فالأبيض مشرط بالأسود طلقات شعرها مبوكلياه ورشات ريحتها وهزات ساكها وتسليفونها ومشات خرجات من العمارة وشدات طاكسي نيشان للكافي لي قالت ليها خديجة .. دخلات لقاتها كتسنى فواحد الطابل .. مشات عاقدة حجبانها وصلات لعندها حيدات النضاضر ديال الشمس وكلسات .. شهد : هانا الالة خديجة وضحلينا شنو قلتي البارح .. خديجة : ( شافت فيها وضحكات ) تو تو تو بقيتي فيا والله معقول تكون نيتك صافية لهاد الدرجة تعيشي مع مجرم وتخليه هو راجلك ؟ ضربات على الطبلة وخرجات فيها عينيها : راك قدك قد ماما خليني محتارماك قولي لي عندك نيشان .. خديجة : ماشي انا لي غانقول ولكن هاشنو غانوريك ( جبدات تيليفونها وخدمات واحد الڤيديو لي خرجات شهد على إثرو عينيها كان سيف واقف على الكاميوات كيهزو فالمخدرات وواحد شوية تقطع وعاود باينت واحد اللقطة لي كيطرطق فيها سيف الفردي فواحد الراجل ) راجلك احبيبتي لا اولى نقولو عائلة وطاسيلة تاجدين كاملة هاحقيقتهوم معروفين فمنطقة كتامة كنبعيو الكيف لا وماشي غير هاكاك كنصدروه لأروبا وراجلك هو الحاكي الرئيسي من مور باه لي تقتل بسباب هادشي نيت راجلي ولا خوتي الباقين ولا عمامي كولشي باقين تما كيمارسو نفس المهنة سمعتي، يعني حنا صالحين لبعضياتنا، ونتي شنو جايا وبكل تقة تزوجتي واحد منا لا وحملتي منو من الفوق وهانتي دابا عرفتي حقيقة بات ولدك كيدايرة .. اصلا الحياة توقفات عندها، اصلا الصدمة خلات الزمن يوقف عليها . واش هادا حبيببهااا حبيبها لي دابا عاد قتل واحد حدا عينيها، شدات على قلبها لي بدا كيضرب بسرعة وعينيها لي ولاو شلال بدون ملامح .. خديجة : سيري لدارنا وشوفي بيتو وزيدي تأكدي اعروستنا على خاطرك ( ناضت واقفة ) خليت ليك الخير ومن الاحسن تخوي دارنا لا نتي لا ولدك حيت ماعندنا مانديرو بيك ومن نهار جيتي ونتي دايرالينا غير المشاكيل، وسيف ماعندو استفادة بيك ونتي غير غادي تزيدي تخرجي على حياتو اللهم خرجي منها بكرامتك ههه حيت النهار لي غايفيض الكاس غادي اقتلك .. مشات وخلاتها بحال جسد دون روح ماضت كتمشا وهي بحال شي سكرانة شدات طاكسي نيشان لدار تاجدين ونزلات داخلة دخال شي مومياء .. كتمشا بلى عقل وكأنها كتقلب على الشخص لي كيقوليها راكي غير كتحلمي وهادشي ماكاينش منو .. طلعات ودخلات لبيتو، جرات المجر اللول الثاني وهي تلقا الفردي، شداتها السخفة والصدمة والوجع هزاتو فيديها كترعد .. شهد : شش ش شنو د ددر رتي ا اسس ييف .. بدات كطلع النفس وتهبطو بجهد تاتفتح عليها الباب دورات عينيها حومر تاكاتشوفو ومع عينيه نزلو دموعها .. شهد : ك كذ بتي علي ليا !!!! سيف : ( غمض عينيه عرفها عرفات ) شهد سمعني لاحت داك الفردي فوق الناموسية وبقات راجعة باللور كتحرك راسها بلا : نتا ماكاتسواااش كيفاش قدرتي تكذب عليا .. كيحاول اقرب ..ًسيف : شهد تكالماي انا ماكذبتش عليك .. شهد : كذبتييي علياااا الخااااااين مستحييل تكون بات ولدي مستحيييل نفضل نقتلو فكرشي على انه يكون ولدك .. غمض عينيه مزير على عينيه وهو يتحرك هز داك الفردي لي كانت لاحتو على ناموسية ومشا مقربليها وهي كتشوفو كيقرب والفردي فيدو وهي تخرج عينيها .. شهد : ( غوتات تاتبحبحات حنجورتها ) ماااااامااااااا عتقووووونيييييي ااااااه بااااي يقتتتتتتلننييييي ممااااماا ( دموعها شلال ) شنوو بااغي تفنييني مم بااغي تسااالي معاايااا يااك كيفماا ساليتي مع هاداااك ماهامكشش ولددك ... بقا مقرب والفردي فيدو تامابقا فاصل بيناتهوم والو والنفس ديالها كيضرب فوجها هز داك الفردي وحط الفتحة ديالو جيهت قلبو وهز يديها لي كيترعدو وهي متبعاهوم بصدمة وخوف مرييب وحطهوم على البلاصة فين كيضغطو .. سيف :: واش كتصدقي بلي أنا قتال ؟ مم شهد : ( كترعد ) نًنتا ق قتلتيه ش شفتك بعيني قتلتيه ن نتا ماش شي انسا ان. ا انا كنقد فالبشر و ونتا ك كتقتلهوم ... ( صدماتو بهضرتها وبقولها بحالي هو صفا مع نص العالم ) سيف : قولي انا قتال هممم قوووووليييهاااا قووليي بليي شاااكة غاانقدرر نقتتلك ( غوت ) قوووولييهااا .. شهد : ( بالغوات والبكا ) ااااااااه ااااه اااههه اااااه ،،،،، طراااااااخ .. لحضة صمت لحضة هدوء بعد العاصفة ...
#يتبع 💫نهاية الجزء الاول 💫
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
