رسالة من مجهول 📝💖

الحلقة ٥٠

الحلقة ٥٠
#رسالة_من_مجهول
#بوسى_مصطفى
_______________

في شقة فهمي
سيف : مش فاهم حضرتك
هو انت مش مصدقني انها اختي
فهمي : هو أي حد هيجيني ويقولي البنت اللي معاك دي تخصني
هروح بقى مديهاله كده ع طول
اهبل انا حضرتك ولا ايه
سيف :"خلاص ممكن نروح القسم دلوقت وتتطلع ع المحضر اللي عملته وتشوف كمان شهادة الميلاد بتاعتها
فهمي : لا مشوفش حاجه وعايز تروح تبلغ البوليس اتفضل
محدش له عندي حاجه
انا اخدت البنت دي من دار رعاية ومعايا أوراق تثبت دا
لا انا خاطفها ولا لاقيها في الشارع علشان هتخوفني باليوليس
سيف : حضرتك انا مقصدش بالبوليس اني اهددك
انا عارف انك اخدت البنت من دار رعاية
لكن دي بعد م اتسلمت للقسم عن طريق واحد من ركاب القطر لاقاها وسلمها هناك
فهمي : كل الكلام دا عرفته من مسؤلة الدار هناك
لكن ايه اللي يثبت انها اختك
وبعدين هاتلي ابوها وامها ولو قدموا الأوراق اللي تثبت كلامهم انا هديهالهم بدون نقاش ولا بوليس ولا ديوله
سيف : م انا قولت لحضرتك إن امي توفيت وبالنسبه للأب ففي شوية مشاكل كده هتتحل قريب
بس الاول اخد اختي علشان اعرف احل المشاكل دي
فهمي : بقول لحضرتك ايه
لو عايز تتفضل تجيبلي الشرطة انا اهو موجود مش هطفش من الشقة
روح هاتهم ويحققوا معايا ونشوف بقى مين أحق بالبنت انا اللي معايا أوراق سليمه ميه في الميه ولا حضرتك اللي جاي تقولي اختي من غير ورقة واحده تثبت كلامك
سيف : وشهادة الميلاد؟؟
فهمي : قولت بعضمة لسانك لما سألتك عن ابو البنت
قولت ان الاسم اللي موجود دا مش ابوها وإن ابوها الحقيقي في مشكلة بالنسباله إنه يكتب البنت ب اسمه
طب اديك البنت بصفتك ايه وانا مش متأكد إن كانت اختك ولا لأ
سيف : حضرتك شهادة الميلاد مكتوب فيها اسم والدتي
ودي شهادة ميلادي انا كمان وفيها نفس اسم الأم
فهمي : وانا ايه اللي عرفني بقى ان مفيش تزوير كمان في اسم الأم زي م اتزور اسم الأب
سيف : المستشفى اللي تولدت فيها البنت تثبت لحضرتك ده
فهمي : يبقى نشوف الموضوع دا بعدين
بس لحد م نتأكد من كلامك البنت هتفضل عندي
سيف : وايه اللي يضمنلي إن حضرتك متخدهاش وتختفي من المنطقة دي
ووقتها بقى الف عليك مصر كلها علشان الاقيك
فهمي : لا متقلقش مش هروح في اي مكان
______________

في شقة مديحه
مديحه : رايح فين ياجلال
جلال : هطلع اغير هدومي واريح شوية علشان لسه هروح المستشفى ل نبيل
مديحه : م تنام هنا ولا مينفعش
جلال : مديحه احنا اتكلمنا في الموضوع دا قبل كده كتير
ملوش لازمه بقى كل شوية اقولك
إن انتي ونوران ليكم حق عليه
ولو بيت هنا ليله لازم ابات فوق الليلة اللي بعدها
مديحه : والنظام دا بقى هنفضل ماشيين عليه كده ع طول
جلال : مش فاهمك...
لا بجد مش فاهمك يعني ايه هنفضل ماشيين عليه كده ع طول
اقولك حاجه ممكن النظام دا يتغير خالص لو موت.. اهو يبقى كويس علشان تستريحوا مني خالص
وبيفتح الباب ولسه هيخرج
مديحه🥺 : او انا اموت علشان تستريح ياجلال
قفل جلال الباب وطلع فوق من غير م يرد على كلامها
انهارت مديحه وقعدت في الأرض تبكي
بيفتح جلال باب الشقة فوق
نوران لسه هتتكلم زعق ودخل اوضته وقفل على نفسه علشان ينام
اخدت نوران ولادها ودخلت تنيمهم جوه علشان ميضايقوش جلال
قاعدة على السرير وبطبطب على محمود ومنه علشان يناموا
وع السرير التاني باسم نايم
نوران لنفسها : ياترى قولتي ايه لجلال لمديحه
خلتيه شايط بالشكل دا
انا مش عارفه هعيش انا وولادي في الجو دا ازاي
يارتني م اتجوزت.. كنت مستريحه من كل دا
جلال غير هدومه وقرب من السرير علشان ينام عمال يتقلب ومش عارف ينام
جلال : تعبان وانا حاسس اني واجعك يامديحه بس مش ب ايدي
كنت زمان لما اكون مضايق وتعبان اترمي في حضنك وانسي كل همومي
دلوقت متجوز اتنين ومش لاقي حضن اترمي فيه وانسى كل همومي زي زمان
بس نور ملهاش ذنب ياجلال
اكيد زعلانه دلوقت
بس كمان مديحه تعبانه
طب ارضى مين فيهم وانا في الظروف دي
انا انام احسن يمكن استريح
_________________