ادعى اللقيطة (باللهجة الجزائرية)

أدعى اللقيطة (باللهجة الجزائرية)

سلام جبتلكم حكاية جديدة فيها بزاف معاناة #ظلم #حب# و 😑💬🔞🔞🔞
العنوان :أدعى اللقيطة

الحلقة 1:اسمي سندس عندي 25سنة  تربيت في ذل و ميزيرية لأني تربيت في الميتم قاسيت بزاااف في حياتي ،كي لحقت 18سنة خرجت من الميتم (لانو لحقت لسن الرشد) تمرمدت في شوارع لأني مكان حتى بلاصة تروح ليها ولا تلمني خدمت باش ناكل في مطاعم و محلات و غيرها كي تظلام نرقد منين جامع كنت ندعي لربي يعاوني نجبد روحي من ناس لي كانت تنظر ليا بشفقة و كاين لي يعايرني بشرفي لي حتى الآن حميتو من كل شيء لأنني نقمت على والديا لي ما نعرفهمش يدخلو في علاقات غير شرعية و يجيبو لولاد و يرموهم ما يحملوش مسؤولية أفعالهم ضميرهم ميت ،عشت بدون هوية لي كيفي تفهم . في يوم كان الفجر فيقت على صوت شخص يفيق فيا(بنتي بنتي...) كان  راجل كبير في سبعين هكذيك وجهو منور أنا نتفضت من مكاني و خفت
راجل :ماتخافيش بنتي بصح حبيت نسقسيك واش راكي ديري هنا في هذا الوقت ...؟!
تملاو عينيا بدموع أنا:جدي أنا هذي بلاصتي ماعندي وين نروح ما عندي حباب ني والدين ني حتى حد فوق كتافي .عينيا ويدان حكيتلو حكايتي كان راجل فيه الخير ،أسموو ابراهيم
ابراهيم:بنتي إذا تحبي نعاونك ،ماتفهمينيش غالط ،انا عندي مطعم نسترزق منو و فيه غرفة إذا تحبي تخدمي عندي و تباتي في الغرفة هذيك ماتخافيش عندي داري فوق المطعم ساكنة فيها أنا و مرتي نعرفك بيها إذا حبيتي باش تطمني
أنا خفت راجل ما نعرفوش خممت شويا و قولتو: عمي نقبل بصح نتعرف على مرتك ،عمي صحيت ربي يجازيك جيتني في وقت محتاجة شكون يوقف معايا يعطيك صحة ما نقدرش نعوض خيرك هذا
مسحلي على راسي وقالي:بنتي بلا مزية هذا  على وجه ربي ....
يتبع..