🌺 كَــــحْـٰلة آلــعْــيــون 👀🌺( مكتملة )

الجزء:111 (ٱلْـــمَـــوسِـــم الــثّــــانــِـي)

        

شي غادي شي جاي وكولشي واقف، وحسن كالس فالكرسي كيفكر اش غايدير مع البوليس وقدية القرطاس، وبشرى صافي كتموت، ونيشرين بزز كتصبرها، ومن جهة تاني تعائلة شهد هاكاك .. مين دخلو للعملية باقي ماخرجو، تاشوية تفتح البلوك ديال سيف ... وهوما يخرجو الأطباء ناضو بسرعة كولشي طلاقاوليهوم ..
الدكتور : الحمد لله قدرنا نخرجو الرصاصة من بلاصتها،وحالتو دابا مزيانة دابا غايخرج وغايتنقل للإنعاش تانشوفو حالتو ...
كولشي طلع التنهيدة من غير عائلة شهد لي باقي قلوبهوم فوق المجامر، شوية تمو مخرجين سيف من البلوك مغطي فليزار بيض وفاصمة كبيرة على قلبو والكسجين داخل من فمو مع السيروم معلق .. بشرى تلاحت عليه كتشد فيدو تابداو ابعدوها الممورضات وزادو جارينو اما نعيمة صافي غير مهبطة وجها وكتبكي، غير سالات بشرى وهي دور عند نادية عينيها حومر ومشات تاولات مقابلة معاها شافتها نيسرين بسرعة مشات كتجري لعندها
بشرى : عمرني شفت ولدي فهاد الحالة حتا اليوم عمرنييييي ( جراتها نيسرين ) ..
نيسرين : ماما عافاك ..
نادية : انا فاهمة حالتك حتا انا راه بنتي كاتعاني فصمت ..
يونس : الواليدة ...
بشرى : بغيتليييهاا الهنى وتبعد من ولديي ياش بغييتو عندوووو ..
يونس : خالتي نعلي الشيطان ..
نيسرين : ( كتبكي ) ماماااا ..
نبيل : الواليدة صااافي
بشرى : ( بدات تغوت وتعلي فيديها ) دعوة بيكوم لله دعوة بيكوم لله ..
جروها نبيل ونيسرين ونادية بقا يونس كيواسيها ودينا مرات كريم ..
حسن جاتو مكالمة من حاتم ناض تم نيت جاوب ..
حاتم : سي حسن ماكاين باش عندك ..
حسن : شكرا اسي حاتم ..
حاتم : ايوا راه وصلني الخبار والبوليس عندكوم فالدار الفردي لقاو فيه البصمات ديال ولدك ومرات ولدك، ايوا هاد المرة راه واخا يفلت ولدك مرت ولدك ماغاتفلتش ..
حسن : ( مغدد ) اششش بغيتي تقصصصد اسي حاتم ..
حاتم : ايوا هادي نتيجة لي كيخلف على وعدو كون حفيدك تزوج بنتي ماكانش اوقعلو لي وقع ولكن راك صاحبي وعشرة قديمة داكشي باش نعاود نقتارحها عليك ونتا فكر ..
حسن : شرحليا شباغي توصل ..
حاتم : كنضن ماباغيش حفيدك اتزاد فالحبس، ايوا قول لسي تاجدين اجمع راسو وحنا غانتسناوه ...قطع
حسن : ولد الحرام ( جا نبيل من اللور ) ..
نبيل : جدي ياك لاباس ..
رجع حسن وكلس فوق واحد الكرسي داير يدو على راسو ..
حسن : هاعلاش كنقول لخوك دير بكلمتي ماشي حيت انا مكنحملوش ولكن عارف اشنو غايوقع ..
نبيل : ( اول مرة جدو غايهضر معاه هاكا ) جدي قوليا شنو وقع ..
حسن : خوك الى ماتزوجش ببنت سي حاتم غادي ادخلو مرت خوك للحبس لقاو البصمات ديالها فالفردي ...
نبيل : اوا شنو غاوقع دابا ..
حسن : غايتزوجها شعندو مايدير ...
نبيل : نتا عارفو ماغايبغيش ..
حسن : ( ضرب بعكازو ) اوا شنو بغيتي تدخل للحبس هااا دااكشي لي بقاالي جايب مرأة مطلقة ومحملها عاد شوف فوقاش ويزيدها دخل للحبس وتولد الولد تم بغييتو ديرو وجهي فالترااب هاا بغيتوني مانخلي فين نرد وجهي بين خوتي وطاسيلتي وبين النااس غااييتزوجهااا وغاانساالييو هااد المشاااكيل مين مابغااش مرة اللولة يقوولها ماشي تادرنا مع السيد راه عبر علينا وهاهو كيرجع لينا الصرف ...
نبيل : انا نتزوجها اجدي ...

توقعاتكم