وأخيرا القصة المنتضرة ❤️ الكاتبة زهور السليماني في قنبلة الموسم
غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة
قصة خدات من عقلي مدة كبيرة وخدات من وقتي ساعات لا تحصى ولا ت...
بدا صبعها يتحرك بشوية وشوية عينيها، كتشوف الصورة ماواضحاش قدامها ودنيا كدور .. وشوية شوية بدات كتوضحليها الدنيا .. باش ابانليها واحد الدكتور والفرملية ونادية وخوها يونس واقف بعيد .. الدكتور : مادام تاجدين على سلامتك .. شهد : ( باقا دايخة ) سيف ( شوية حطات يديها على كرشها ) ولدي .. نادية دورات راسها كتبكي .. الدكتور : ( مبتاسمليها وهو كيقيس الضغط ديالها ) كولشي بيخير البيبي مزيان والزوج ديالك مزيان .. شهد : شنو وقع ( دارت كتشوف فنادية ) م ماما شنو وقع .. الدكتور : ( وهو كيهضر معاها بهدوء ) كتعقلي على راسك .. شهد : ( بسرعة شافت فيه بحزن بحالي تفكرات شي حاجة وداو عينيها كيعمرو بالدموع ) سيييف ماما سييف ( جات تحاول تنوض وهي تقصح فجنبها ) ااااي .. شدها الدكتوور ونادية بزربة .. نادية : رصاااي ابنتي بااقاا فااتحة .. شهد : سيييييفففف قوولوولي شنوو وقاااعلوو انااا ضرررربتو ضربتووو بيدي اهئ اهئ اهئ ( بقات نادية كتسد ليها فمها وهي تجرها لسدرها ) ... نادية : العااار ابنتييي سكتييييي سكتييي ... شهد : بغيييت نشوووف سيييف اهئ سيييف .. الدكتور : سربيي اريي البراااا ... شهد : ( كتتتغوتتتتت ) سااااااااايف وااااش مااااات قووليلييي ولاااا خلييونيي نموووت علااااااش علااااااش .. يونس : ( جرهاا من كتااافها كييوگددهااا وهو يغوت زعزعها ) مااااماااتش باااااقييي حييي سمعتييي باااقي يحي .. شهد : ( شافت فيه بعويناتها الكبار ولي عامرين دموع وقالت بصوت مهرس وجد جد محزن ) وولدي هااا .. نادية رجعات اللور كتبكي .. يونس : ( ماقدرش احبس الدمعة من عينيه ) تاهو مزيان اختي تاهو ( جرها لسدرو وهي طلق العناء لدمووعها وفنفس الوقت الدكتور كيدخلها المهدئ مع السيروم ) تاهو مزيان اختي تاهو ( بقا كيرطب على شعرها ) كولشي مزيان كولشي .. حسها تهدنات شاف لقاها بدات كتسد فعينيها عاونو الطبيب تارجع تكاها وفتح ليها على الجرح لقا الفاصمة عمرات دم حيت تحركات عاود نضف ليها الجرح وغطاه وخرجهوم كاملين من الغرفة .. الدكتور : عافاكوم حاولو تهدنو معاها راكوم الوضع ديالها داك الحادثة جات بحال صدمة بالنسبة ليها غير هادشي غايإثر شوية على الجنين وصافي .. حركلو يونس راسو .. ومشا دخل هو عند نادية لي باقا عند راسها .. يونس : الواليدة أنا غادي، المغرب دابا راه وصيت الفرملية المهيم راك عارفة .. نادية : صافي اولدي غير سير .. مشا يونس للغرفة ديال سيف طل عليه لقا كاينة بشرى ونيسرين كيهضرو معاه وهو يتنهد ورجع مشا بحالو .. نادية : ( بقات كطبطب على راسها وتسرح ليها فشعرها ) احح ابنتي وشنو درتي فحياتك تاتعذبي هاكا شنو .. سمحيليناا ابنتي على هادشي لي غانديروليك سمحيلينا وكنتمنى تسمحي لراجلك هادشي كامل على ودك وعلى ود ولدك ... ( باستها فيديها ) .. مشات نادية خرجات مشات لكافيتيريا وهي طلاقا تما مع نيسرين وبشرى الاخيرة غير شافتها ناضت مشات بحالها تنهدات نادية وبقات كتشوف فنيسرين دارتليها غير بعينيها الله اصبرنا وناضت تاهية مشات بقات غير هي فداك الطراس خدات كاس دالقهوا سخون كتشربو وكتشووف فالمرضى غاديين جايين ..
حلات عينيها بعد ساعات بقات كدور عينيها ثاني شافت مها ناعسة كيف العادة بقات فيها هي لي مسكينة كتعذب .. حاولات تحرك بشوية وهي كتقسح جيهت جنبها تاگلسات وهي دخل الممرضة شافتها هاكاك يالاه جات تهضر وهي تسكتها شهد وهضرات بشوية .. شهد : عافاك ديني عند راجلي ( طاحت دمعة من عينيها ) عافاك اختي ... مشات بيها الممرضة بالكرسي المتحرك وهي كتألم وشادا فجنبها ودايرة الكاب على كتافها ماكاتنوض من موصيبة تاكاطيح فوحدة اخرى بقات غادية تاخرجات بيها للجردة تاكاتشوف سيف واقف تما بواحد السروال دالكيط وكابيتشو ويدو مجموعة لعند سدرو بالفاصم لي كتهز اليد .. ابتاسمات وفنفس الوقت متألمة مين شافتو هاكاك وهي السبب .. شهد : ( دارت شافت فالممرضة باش تمشي وتحركات اعندو وهي تشد فيدو الاخرى ) سيف .. دار سيف متفاجأ مين شافها وشاف فيديها : شكاديري هنا ؟ شهد : ( جمعات حجبانها مصدومة من السؤال ) جيت نشوفك توحشتك وانا ... ( يالاه غاتكمل وهو يحيد يدو من يديها ورخاها ) سيف : شهد رجعي لبيتك .. شهد : ( كتشوف فعينو بجوج ) سيف مالك ا ان ( شدات فيدو ) انا عارفة غلطت اووو .. عاود طلق من يديها ورجع اللور .. سيف : شهد غادي نطلقو ...
يتبع غدا -- بغيييييت اكبببرررر عددد ديال التعااااليييق ورييوني حنت يدييكوم توقعااااتكم حيت إلى ملقيتش تعاليق فيهم توقعاتكم بلاااا متقولو ليااا كملي تبارك الله دبااا رااه كثر من 20k متابعة لقصة خصوصا كنتكلم معااا جنود خفاء بلااا متخباااب غي باااانو متنساوش تصوتو لقصة بضغط على نجمة 🌟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
