رسالة من مجهول 📝💖

الحلقة ٥١

الحلقة ٥١
#رسالة_من_مجهول
#بوسى_مصطفى
_________________

في شقة مديحه
مديحه : ادخلي يانور
نوران : معلش يامديحه كنت جايه ل جلال هو جوه
مديحه : لأ.. بس اكيد لسه مجاش من الشغل يعني
نوران : اصل بتصل بيه مبيردش
ومنه اللوز تعباها اوي وحرارتها عاليه قولت يجي معايا للدكتور
مديحه : كلميه تاني يمكن يرد عليكي
نوران : بتصل مبيردش
لما يجي ابقى قوليله اني روحت بيها للدكتور
مديحه : طب استني اجي معاكي
نوران : لأ علشان بس ابنك معاكي
هسيب الولاد عند أم فادي
مديحه : ومتسيبهمش معايا انا ليه
نوران : علشان بس متتعبيش منهم
مديحه : لا يااختي مش هتعب ولا حاجه
سبيهم معايا
ابتسمت نوران وخرجت من الشقة وطلعت جرى تجيب الولاد
__________________

في قسم الشرطة.. في مكتب الضابط
الضابط : اتفضلوا اقعدوا
جلال يقعد وقصاده أميرة اللي كانت خايفة
الضابط : قولتولي بقى جريمة قتل ايه
جلال نظر ل أميرة علشان تتكلم
أميرة بتردد وصوت متقطع : حضرتك دي بنت كانت شغاله عندنا في دار الرعاية ال في...
( وقالت عنوان الدار)
الضابط : اه عارفها... وانتي بقى عرفتي منين انها اتقتلت
أميرة : فجأة اختفت وبعدين كلمتني في التليفون وقالتلي إنها عايزانى في موضوع مهم
الضابط : يعني انتي كنتي على تواصل معاها قبل م تتقتل
أميرة : ايوه هي كانت قصدتي في مبلغ كده وانا روحت ادهوملها
الضابط : وليه انتي بالذات يعني مش فاهم
نظرت أميرة لجلال وهي بتبتلع ريقها بخوف
جلال : اتكلمي يااميرة وقولي كل اللي تعرفيه.. متخافيش
الضابط : ايوااا اهو انا عايز اعرف بقى كل حاجه
أميرة : هقول لحضرتك بس توعدني إنك تحمي البنات زمايلي والبنات اللي في الدار كمان
الضابط : انتي هنا في قسم شرطة يعني اكيد انتي وكل المنطقة هنا في حمايتنا
وكلنا في رعاية ربنا قبل كل شيء
جلال : ونعم بالله
الضابط : اتفضلي يااستاذة قولي كل اللي تعرفيه
وبدأت أميرة تحكي كل حاجه
من أول م الموقف اللي شافت فيه البنت وهي خارجه من مكتب شهاب وكانت خايفه لحد م بدأت تشك فيه وعرفت عنه بلاوي كتير والبنت اللي توفيت في الدار
وموقف الدكتور وقصة فوقيه معاها والكلام اللي قالته عن شهاب والصور اللي اتبعتتلها واخر موقف لما راحت تقابل فوقيه وشهاب شافها ومن بعدها اختفت فوقيه والصورة اللي تبتتعلها وفوقيه مقتوله والمسجات اللي فيها تهديد ليها وللبنات
امر الضابط بضبط وإحضار عديله وشهاب واستجاوبهم
وكمان هديل و دعاء
وبدأ التحقيق في القضية

خرج جلال واميرة من القسم
جلال : أميرة انتي خلاص مينفعش تشتغلي في المكان ده
أميرة : لا خلاص مش هروح هناك تاني
جلال : ياريت تقولي لزمايلك كمان
أميرة : اكيد مش هيروحوا هما كمان
جلال : طيب ثواني اشوف مين اللي بيتصل لاني كنت عامله سايلنت
الو.. وعليكم السلام
ايه فين؟؟؟
طيب جايلك على هناك متمشيش.. سلام
أميرة : في حاجه ياخالو
جلال : منه تعبانه شويه ومامتها اخدتها للدكتور هوصلك وبعدين هروحلهم على هناك... اركبي
أميرة : لا روح انت ليهم وانا هروح لوحدي
جلال : مينفعش تمشي لوحدك... اركبي يلا
___________________