رسالة من مجهول 📝💖

الحلقة ٥٢

الحلقة ٥٢
#رسالة_من_مجهول
#بوسى_مصطفى
__________________

في شقة ماجده
سالي (صديقة ماجدة) تقعد جنبها وتخطف منها التليفون
سالي :"اللي واخد عقلك ياميجو
ماجده : انتي كنتي فين
سالي : هههههههههه دخلت اخد شاور علشان افوق الجو حر اوي
فين ريموت التكييف انا كنت سايباه هنا
ماجده : م حضرتك بترميه في أي حته دوري عليه بقى
سالي واخدت الريموت تظبط درجة الحرارة
سالي : عشرين كويس في الجو دا
ماجده : اه تمام
سالي : منمتيش ليه
مش قولتي هتدخلي تنامي
ماجده : طب ادخلي نشفي شعرك ده
سالي : لأ اما اكل الأول علشان جعانه
في ايه عندك يتاكل
ماجده : يعني مش عارفه؟؟
زي كل يوم
سالي : انا معدتي وجعتني من الاكل دا
اسمعي الدايت دا تعمليه لوحدك انا ياحبيبتي هتخفي بالشكل دا
ماجده : لا م انا وقفت كل حاجه
سالي : كنت عايزة اقولك كده
اكيد فرح صح
ماجده : مين
سالي : جوزك
ماجده : لا مقولتلوش حاجه
سالي : ليه
ماجده : سبيها لظروفها
سالي : انتي غريبه بجد هروح اعملي ساندوتش اعملك نسكافيه معايا
ماجده : لا مش عايزة
سالي : مالك بقى م احنا كنا راجعين مبسوطين وزي الفل
ايه لزوم التكشيرة دي
ماجده : عندها ياسالي
سالي : مين؟؟!
ماجده : فادي.
سالي : اه.. بس هو عند مين مفهمتش؟؟
ماجده : بايت عند مراته في الشقة
سالي : طب وايه يعني ماهو دا المتوقع
امال كنتي عايزاه يبات فين
ماجده : هو من اول م نزل مصر وهو بيبات عند مامته
تفتكري اتصالحوا
سالي :"تقصدي هو ومراته يعني؟؟!
اما امرك غريب.. ايه مزعلك م انتي متوقعه دا لما نزل مصر
ماجده : بس بقالهم فترة مبيتكلموش مع بعض وهي كانت مصره على الطلاق وهو اللي كان بيحاول معاها علشان خاطر بنته
سالي :" هههههههه وهو اللي ضحك عليكي ب الكلمتين دول بقى
ماجده : لأ الكلام دا كان قدامي
سالي : حبيبتي الراجل بيحب الزيادة
ولو لاقي الست واقعه في دبديبه
مفيش مانع ينسى كل حاجه ويرجع عادي
ماجده : تقصدي إنها ممكن تكون سامحته يعني وهيرجعوا لبعض
سالي : هما اوردي راجعين لبعض
المشكلة بقى مش في كده
ماجده : امال في ايه
سالي : هي ليه بعد م كانت مصره على الطلاق رجعتله بسهوله كده
ماجده : يمكن زهقت من المحاكم والقواضي ولا المحامي قالها مفيش امل
ويمكن خافت على بنتها
سالي :"كل دي احتمالات معقوله وكويسه بالنسبالك بس ميكونش في سبب تاني غير كل دول
ماجده : ناويالي على حاجه صح؟؟!
سالي : معرفش بس عقبال م نعرف بقى
انتي عيشي حياتك طبيعي
وشوفي هو معاملته معاكي هتتغير ولا لأ
ماجده :" دايماً حاسه إنه هيسيبني ويرجعلها
لإن اللي بينه اكبر من المشاكل دي كلها
سالي : عارفه ياماجده الشباب غيرنا ياحبيبتي
بيحبوا اه
بس لما بنت تغدر بيهم او يحصل منها حاجه تضايقه ميبقاش عليها ومبيسامحش زينا
احنا بقى بنحبهم وبنموت فيهم مهما يعملوا فينا
تسمى دا ايه طيبه ولا حاجه تانيه؟؟
ماجده : دماغي اتقلبت اعمليلك حاجه تاكليها وتعالى نامي
تصبحي على خير
سالي : وانتي من اهل الخير
________________