رسالة من مجهول 📝💖

الحلقة ٥٣

الحلقة ٥٣
#رسالة_من_مجهول
#بوسى_مصطفى
_________________

في التليفون 📞
أميرة : ايوه يازينة في حاجه
زينة : انتي كويسه يااميرة
أميرة : لأ
زينة : ايه مالك فادي اخوكي عمل معاكي مشكلة ولا ايه
أميرة : فادي !
وفادي هيعمل معايا مشكلة ليه مش فاهمه
زينة : انا قولت إنه اخد باله ان سيف بيتواصل معاكي ولا حاجه
علشان كده عمله بلوك
أميرة : مين قالك الكلام دا
زينة : بصراحه سيف اللي لسه مكلم هيثم وقاله إن اتعمله بلوك
وهو قلقان يكون حد من عندكم يعني اتخانق معاكي ولا حاجه
أميرة : لأ محصلش حاجه من دي
زينة : طب ليه عملتي ل سيف بلوك علي الواتساب هو ضايقك في حاجه
أميرة : لأ بس مش حابه الموضوع ده
زينة : هو قال لهيثم إنه هيتقدم لما يرجع من السفر بس يحل المشاكل اللي عنده
أميرة : زينة معلش انا دماغي مقلوبه ومش فايقه للموضوع دا خالص
زينة : مالك يااميرة
أميرة : واحده زميلتي غايبه عن البيت من الصبح وأهلها ميعرفوش عنها حاجه
زينة : ياخبر!
هي دي واحده من البنات اللي كانوا شغالين معاكي في الدار
أميرة : ايوه
زينة : طب مبلغوش البوليس ليه
أميرة : بلغوا
ثواني يازينة علشان هديل بتتصل
زينة : دي زميلتك بردو
أميرة : ايوه... هشوف بس عندها اخبار جديد ولا ايه
زينة : طيب ابقى كلميني وطمنيني سلام
أميرة : مع السلامة
تقفل وتتصل ب هديل📞
هديل : ايوه يااميرة لاقوا دعاء
أميرة : لاقوها فين
هديل : اتنين كانوا راكبين عربيه حاولوا يخطفوها بس هي قدرت تهرب منهم
أميرة : انتي بتقولي ايه
هديل : هي في القسم دلوقت انا رايحالها على هناك
أميرة : طيب انا كمان هلبس واخد ماما ونروح نشوف ايه الحكاية
هديل : ماشي... سلام
________

في منزل إبراهيم
عاليه : مش هتاكل ياابراهيم
ابراهيم : مليش نفس
عاليه : مش هتروح مع نبيل للدكتور
إبراهيم : مش لما يصحى
عاليه : مالك ياابراهيم
إبراهيم : اخواتي عايزين حقهم
عاليه : اديهولهم ياابراهيم
احنا مش عايزين الفلوس دي
كفايه اللي حصل ل ابننا
إبراهيم : هو اللي حصل ل ابنك دا سببه ايه
مش غبائه بردو
حد يدخل وسط النار بالشكل ده
عاليه : والنار مين اللي كان مولعها ياابراهيم
ابراهيم : تقصدي ايه ياعاليه
عاليه : اقصد إنك تدي كل واحد حقه وتبعدنا عن المشاكل دي
نعالج ابننا علشان نفرح بيه وينسي اللي فات دا كله
مش لو كان اتجوز البنت اللي بيحبها كان زمانه مرتاح ومبسوط دلوقت
نبيل جوه سامع كلام مامته قاعد ع السرير حزين وهو ناظر للمرايا
إبراهيم : غبائه هو اللي وصلنا للي احنا فيه دلوقت
كان مالها بنت عمته.. ماهي بنت زي أي بنت
عاليه : بس هو محبهاش يااخويه
انت تقدر تاكل أكله مش ع هواك
هتبلعها اه بس هتتعب معدتك
مابالك بقى إن دا جواز يعني واحده قايم نايم شايفها قدامه
ازاي بقى يعيش معاها وهو مبيحبهاش
انت نفسك لما جيت تتجوزني عملت ايه وقتها مع ابوك
إبراهيم : كنت مغفل
عاليه : نعم!
ع العموم شكراً ياابن الناس
إبراهيم : انتي جايه تفتحي مواضيع قديمه ليه دلوقت
اللي حصل وقتها حصل وانتهى خلاص
خلينا في خيبة ابنك
عاليه : كلامك ده هو اللي تاعب نفسية الواد
إبراهيم : خليكي انتي بس في الخطط اللي عماله تعمليها لبنتك علشان تطفش ضرتها
عاليه : وانت زعلان ليه
مش بتدافع عن بيتها اللي خرابة البيوت دي جات ولطشت جوزها منها
إبراهيم : مفيش راجل بيتلطش ياعاليه
كله بيروح بمزاجه
عاليه : في دي عندك حق
إبراهيم : عقبال م اتلطش أنا كمان ع الاقل الواحد يجدد بقى
عاليه : م تلطش ياابراهيم حد حايشك
إبراهيم : مشاكل عيالك واخواتي هما اللي مخليني مش عارفه أفضى حتى لنفسي
عاليه : هروح اشوف نبيل صحي كده ولا ايه
علشان يلبس ويروح للدكتور
عقبال م تغير هدومك انت كمان
دخلت عاليه ل نبيل
عاليه : انت صحيت ياابني
نبيل : في حاجه ياماما
عاليه : مش هتقوم تغير هدومك علشان تروح للدكتور باباك دخل يلبس علشان يروح معاك
نبيل : لأ انا هروح لوحدي
عاليه : ليه ياابني
طب اقولك هروح انا معاك
نبيل : مش عايز اتعب حد معايا ياماما
عاليه : تعب ايه بس ياابني
انت بقيت حساس قوي يانبيل
نبيل : هو بابا مش ناوي يدي عمامي حقهم ياماما
عاليه : ملكش دعوة بالموضوع دا يانبيل
نبيل : ليه مليش دعوة
عاليه : متدخلش في حاجه زي دي
هما اخوات مع بعض ملناش دعوة
قوم بقى غير هدومك
نبيل : هي يسرا رجعت عن اللي في دماغها وناويه تكمل مع فادي
عاليه : امال تسيب واحده تانيه تاخده منها
نبيل : خليها تخلي بالها من نفسها وتبعد عن المشاكل
عاليه : ياابني المشاكل هي اللي جايه لحد عندها
ادعيلها بس تخلص من البلوه اللي جابها ابن عمتك ليها
نبيل : مش مطمن
عاليه : ألبس بقى وانا هروح ألبس انا كمان واجي معاكوا
____________