O Mahal Ko...

O ano itong nadarama ko.

Hindi ko alam kung saan tutungo.

Puso ko'y kumakabog.

Kamalayan ko'y parang sasabog.

Nakakapanindig-balahibo.

Emosyong nakakapanibago.

;

Ika'y aking hinanap,

Presensya mo'y sinasagap.

Walang ibang gusto,

Kung hindi ikaw lang mahal ko.

Nakakabaliw,

Ako'y sa iyo'y nababaliw.

;

At nang ika'y aking makita,

Puso ko'y tuwang-tuwa.

Ang pag-aalala ay napawi,

Sa iyo ako'y nagwagi.

Agad akong naghubad ng damit,

Ang tagumpay ay aking nakamit.

;

At ako'y dahan-dahang pumatong,

Ika'y aking inupuan, ako'y kumandong.

O kay sarap ng nararamdaman,

Habang nakasakay sa 'yong katawan.

Tagaktak ang pawis sa 'king mukha,

Emosyon ko'y lumulubha.

;

Ang ungol ay pilit na kinukubli,

Kagat-labing niyayakap ang sariling binti.

Balahibo'y tumitindig,

Puso ko'y malakas na pumipintig.

Lumalakas ang ungol sa silid,

Tumitilamsik animo'y tubig.

;

Kahit anong posisyon ay aking sinubukan,

Upang itong pangangailangan ay mapunan.

Napakasarap ng bawat pag-ulos ng laman,

Ang kiliti at higpit ay nakakapanghina ng lubusan.

Kung saan-saan ako napapakapit,

Kamay kong nanginginig, ramdam ko na ang nalalapit.

;

At sa rurok ng kaluwalhatian,

Ako'y hinihingal at pawisan.

Ako'y tuluyang nanghina,

Ako ay nalanta.

Nagpapasalamat sa sarap na nadarama,

Nagagalak dahil ika'y aking nakasama.

;

Ako'y nagpunas at naglinis,

Habang ang ngiti ko sa labi'y sobrang tamis.

Maraming salamat sa pagtugon,

Ng aking hinahangad na atensyon.

Sana'y pagbigyan mo ulit ako...

O mahal ko...

.

.

.

.

.

.

.

.

.

.

Mahal kong inidoro...