رسالة من مجهول 📝💖

الحلقة ٥٤

الحلقة ٥٤
#رسالة_من_مجهول
#بوسى_مصطفى
__________________

في التليفون 📞
دعاء : هههههههههه لا فاتك كتير يااميرة
بقولك قبضوا على شهاب وهو بيحاول يهرب
وحنان هربت من الدار وراحت القسم قالت على كل حاجه كانت بتحصلها هي والبنات داخل الدار
وصاحبة فوقيه ضميرها صحي او بمعنى أصح اتشجعت وراحت قالت كل حاجه تعرفها عن فوقيه
وإنها فعلا كانت عندها قبل م تهرب من شهاب ويقتلها
أميرة : كل دا حصل وانا نايمه
دعاء : هههههههههه والشرطة بتحقق في الدار وزمانهم بيستجوبوا عديله دلوقت وهتلحق شريكها شهاب في السجن علشان ياخدوا جزائهم
أميرة : ياااه أخيراً خلصنا منهم
كان كابوس يادعاء
دعاء : الحمد لله
لسه قافله مع هديل دلوقت وطايره من الفرح ههههههههه
أميرة : وعرفتي كل المعلومات دي منين بقى
دعاء : يابنتي ابن خالتي ظابط في القسم انتي ناسيه ولا ايه
أميرة : اممم وبعدين
دعاء : كان هيتجنن لما بابا راح القسم علشان يبلغ اني مختفيه من الصبح فاكره اليوم إياه ده
أميرة : اممم اه فاكره
دعاء : مالك يااميرة
أميرة : شكلنا هنسمع اخبار حلوة قريب
دعاء : هو في اخبار حلوة اكتر من دي
أميرة : اكيد
دعاء : عايزة ايه يااميرة
أميرة : هههههههههه ولا حاجه.. سلام بقى علشان اقول لماما وافرحها
لانها قلقانه اوي من وقتها
دعاء : هنحتفل بالمناسبة السعيدة دي
أميرة : من ناحية الاحتفال فأحنا هنحتفل قريب... إن شاء ﷲ
دعاء : ايه دا انتي عندك أخبار حلوة غير اللي عندي
أميرة : ويمكن الاخبار الحلوة كلها عندك
ونفرح بيكي قريب
دعاء : هههههههه نسيت اقولك هديل خطوبتها الاسبوع الجاي
أميرة : هههههههههه الاخبار الحلوة كلها نازله ترف علينا
ما شاء ﷲ
دعاء : خافي بقى لنتحسد
أميرة : سلام يادودو
دعاء : سلام ياحبيبتي
تقفل أميرة وتخرج من الاوضة وهي فرحانه وبتنادي على مامتها
أميرة : ماما... ياماما اااا
توقف عند باب الاوضة
كانت راوية بتلبس الطرحه
أميرة : ماما حضرتك خارجه
راوية بحزن : ايوه يااميرة عايزة حاجه
أميرة : قبضوا على شهاب وبيحققوا معاه هو ومسؤلة الدار
راوية : طب كويس
أميرة : في حاجه ياماما
راوية بحزن : خالك إبراهيم تعبان شوية ورايحه اشوفه في المستشفى
أميرة : مستشفى ليه
هو عنده ايه؟؟
راوية : لسه رايحه اشوفه يابنتي
اوعي تنزلي من البيت لحد م نطمن إن الحكاية دي انتهت
أميرة : طب اجي معاكي ياماما
راوية : لا خليكي انا هبقي اكلمك لو اتأخرت
ولا ابقى انزلي لمرات خالك شكري ولا مديحه اقعدي مع حد منهم لحد م ارجع
أميرة : هشوف كده يمكن انام شوية
راوية : طيب الاكل على السفره
ابقى افطري ودخلي الاكل التلاجه.. سلام
أميرة : مع السلامة ياماما
تفتح أميرة باب الشقة لمامتها وتخرج راوية من الشقة تقفل أميرة الباب وتقعد تفكر
أميرة : خالي إبراهيم شكله تعبان اوي
اكلم سيف ولا بلاش
انتي بتتلككي يااميرة تكلميه ليه؟؟
وبعدين مش مفروض اصلا تكلميه طالما مفيش ارتباط بينكم
ايوه صح كده
مينفعش نتكلم دلوقت لازم اتحفظ شوية في الكلام معاه
انتي في ايه ولا في ايه دلوقت مش لما تطمني على خالك وبعدين تبقى تفكري في الموضوع ده؟؟!
____________