رسالة من مجهول 📝💖

الحلقة ٥٥

الحلقة ٥٥
#رسالة_من_مجهول
#بوسى_مصطفى
________________

هيثم : ها قالك ايه
سيف : زي م توقعت.. رفض طبعاً
هيثم : وهتعمل ايه
سيف : هرفع عليه قضية إثبات نسب ويبقى هو اللي جابه لنفسه
مش كان خايف من الشوشرة
اهو عنده دا اللي هيشوشر عليه اكتر
هيثم : ايوه ياسيف انا معاك
بس لازم تاخد بالك
الراجل دا مش سهل وهيعمل أي حاجه علشان متنفذش اللي في دماغك
سيف :"هيقتلني يعني؟؟!
هيثم : أو ممكن يخطف ليان
سيف : دا يبقى اخر يوم في عمره
هيثم : بالراحه بس خلينا نفكر بالعقل
الراجل دا مسنود بالمنصب بتاعه
وليه معارف كتير يتمنوا يعملوله أي خدمة علشان بردو يسهلهم حاجه في شغلهم
يعني ماشيين بمبدأ نفع واستنفع
اخد وعطا يعني
يبقى لما ندخل عش الدبابير بتاعهم
نبقى عارفين احنا بنواجه ايه ومين؟؟
سيف : هيثم انا عارف كل دا
ومتاكد إن الموضوع في خطورة على حياتي ومستقبلي ويمكن اختي كمان بعيد الشر طبعا
لكن انا مضطر أواجه كل دا
مش حباً يعني في المشاكل ولا حاجه
بس زي م قولت مضطر
مش هسيب اختي كده..
هيثم بتنهيده : قدرك ولازم تواجهه
سيف : بالظبط كده
هيثم : طب أركن موضوع الراجل دا دلوقت
طالما انت مقرر هتعمل ايه
وخلينا في الموضوع التاني بتاعك
سيف : قلقان من الموضوع دا كمان
مش هيوافقوا بسهولة
وكمان لو مامتها اقتنعت بكلام أخواتها وابنها الموضوع مش هيتم
هيثم : اتفائل خير يااخي
هيوافقوا وهنفرح قريب بس ادعي وم تيأسش
_________________

في منزل إبراهيم
جلال : هروح بقى يانبيل
هتحتاج حاجه
نبيل : سلامتك ياعمي.. متشكر اوي على وقفتك جنب بابا في المحنه دي
جلال : انت بتشكرني علي وقفتي مع اخويه اللي هي اصلا فرض عليه بحق الاخوه والدم اللي بينا
نبيل : عمي متزعلش من بابا وياريت تسامحه
جلال : ياريت انت كمان تبقى عارف إننا هنفضل اخوات مهما حصل
وبكره باباك يقوم بالسلامة ويضربنا كلنا
يبتسم نبيل وميتكلمش
جلال : عايزك بس تفهم اختك النقطه دي علشان شكلها مش واخده بالها
نبيل : انا عارف إن حضرتك زعلان منها بسبب الموقف إياه
وعايز اقولك متزعلش منها يسرا تفكيرها على قدها شوية
جلال : ياريت كان دا السبب
لكن اختك فاهمه إنها بتحمي حقها اللي هو حق باباك يعني
من وجهة نظرها
بس متعرفش اننا شركاه مع بعض
ومينفعش واحد بس اللي يقرر من غير م يرجع للباقي
نبيل : هي للأسف مش عارفه دا
وفاهمه الأمور بشكل تاني
جلال : عرفت إنها مسافره قريب
توصل بالسلامة
نبيل : اه فادي بعتلها وهتسافرله
وتستقر هناك
جلال : عقبالك انت كمان لما تستقر
نبيل : ذنب أميرة بنت عمتي هيفضل متعلق في رقبتي وشكلي كده عمري م هفرح
جلال : ليه بس التشاؤم ده
إن شاء ﷲ
تفرح انت وهي قريب
ووقتها النفوس هتهدا
ومش معنى كده إنك مغلطتش بس ياريت تتعلم من الغلط ده ومتكرروش مع واحده تانية
نبيل : لا تانية ولا تالته انا خلاص قفلت على قلبي بقفل ومش عايز افتحه خالص
جلال : كلام بس بتقوله دلوقت
لكن لما قلبك يدق مش هتقدر تمنعه وهتلاقي نفسك بتفتحه للي خبطت ع بابه
نبيل : هههههههههه فلسفه عميقه دي يااستاذ جلال
جلال : عمي جلال ياولد
نبيل : هههههههه مكونوش عشر سنين دول اللي حولوك لعمي
جلال : هههههههههه يعني قد بعض مش هتقولي ياعمي
نبيل : بصراحه اه هههههههه
جلال : سلام بقى علشان عايز اناااااام
نبيل : مع السلامة ياعمي
_______________