أقْـنعَـة بَـشرِيــة

•• الفصل الرابع ••

شاهدة : مكتعلمش ' طلقاتو ' كل مرة نفس الحركة
غيث : ' كيجبد فذراعو ' ناري الي شاف يديك رقاق هكاك ميقولش عندك هاد الجهد كولو
شاهدة : و نتاا الي عندك منفوخين منافعينك بوالو
غيث : ' عنقها بيد وحدة ' غا مبغيتش نزير مع ختي.. ' باسها فخدها ' صاڤا ؟
شاهدة : امم.. امتى جيتي ؟
غيث : هاد الصباح
شاهدة : فين شدتيها هاد المرة
غيث : شهر هذا باش مشيت ياك.. دزت أنا و الدراري لليابان و من بعد تفرقت معاهم و مشيت لسنغافورة و لڤيتنام.. و دابة جيت من ماليزيا لهنا
شاهدة : درتي جولة آسوية.. بصحتك
غيث : داز شهر مخير.. كل مرة فبلاد فشكل ماكلة فشحل.. و المهم التيتيز منوع و فشكاااال هههه
شاهدة : استعملتي الحماية بعدا لاتخلي فكل دولة نسخة مصغرة عليك
غيث : ههههه ماشي غير انا بعدا.. گاع تريكة صخر مكتحشم ههههه
شاهدة : نازل
غيث : ايه نازل.. سمعت بلي حتى هود جا
شاهدة : آه
غيث : يالاه نهبطو.. شحال هذا متجمعنا بحال هاكة

هبطو بجوج غيث معنق شاهدة و هو كيضحك معها.. من طبعو ضحوكي و ضارب الدنيا بركلة.. هو الإبن الوسط بعد هود.. مختالف عليه كليا تقول نقيضو تماما..
وسيم الملامح و جسمو رياضي.. معروف عليه لعوب بين المجموعات الي كيتسكع معاهم و مع ذلك البنات كينجاذبو لشكلو و شخصيتو المرحة.. عشقو التصوير و درس الإخراج السينمائي.. منين تخرج من الجامعة رجع كيسافر بزاف و يمارس هواية التصوير..
عايش فعالمو الخاص و كيدير الي بغى.. بدون ميتعدى خطوط الحرية الي ممنوحة ليه من باه.. عارف حدود المرح و شنو الي غير مسموح..

كيف هبطو لآخر الدرج شاف غيث فالطبلة الي جالس فيها كل من صخر و غدير و نجلاء و قال بنبرة مرحة..
غيث : و ها ولدكم العزيز جااا.. واخة مستقبلتونيش بالحليب و التمر و لكن هااانية
صخر : ' الي جالس على رأس الطبلة شير ليه ' نتا آجي لهنا
غيث : ' جمع الضحكة و جر شاهدة دارها قدامو ' و الله الواليد اما درت شي حاجة.. مرة وحدة الي حرقت الضو لحمر ف "كيوتو" صافي اما انا ديما محتارم القوانين
صخر : طلق من ختك و آجي نهضر معاك
غيث : ايه هي لولة

قرب و هو كيشوف فغدير بمعنى عتقي.. حاولات تكتم ضحكتها و شافت فيه بصرامة.. وصل لعند صخر و هو يجرو عندو من حوايجو و قال..
صخر : قلتي غادي تجلس سيمانة صدقتي فشهر.. منين جاوك لفلوووس هااا
غيث : ' شد ليه فيدو ' بلاتي الواليد غير طلق من التريكو غادي تكمشو و أنا باقي خارج
صخر : هضررر منين جاوك لفلوس ؟
غيث : و الله العظيم الى خدمت فيهم.. و منين كنتحنسر كنديپاني من هنا و من هنا.. عرفتي داكشي ديال المغامرات و تعتامد على راسك
صخر : ' طلق منو ' دابة نشوف
غيث : ' جلس حداه ' واش انا عمرني كذبت عليك
نجلاء : ديما
غيث : ' دار شاف فيها ' ياك السليعفانة.. باش عرفتي كنكذب
نجلاء : ساهلة.. كتبقا تخرج فعينيك
غيث : وايلي.. صافي حتى هادي ديوها معاكم تليق بلاصة داك جهاز كشف الكذب.. و اللهيلا قالت ليك لبرهوشة كتخرج فعينيك.. هاهي لبقات فمك
صخر : ' خبطو على گرفادتو ' آش دخل مهااا
غيث : ' كيحك فالدقة ' غير زلقات و الله.. ' شاف فغدير ' مها غزااالة كتحمق ' شاف خيال يد صخر جاية ليه و هو يراوغها ' راه الواليدة هاديك واش مامنحقيش نتعنب عليها هههه
غدير : صخر تفرق عليه.. ' شافت فشاهدة واقفة كتشوف فيهم ' اجي ابنتي تجلسي باش يحطو لعشا