رسالة من مجهول 📝💖

الحلقة ٥٦

الحلقة ٥٦
#رسالة_من_مجهول
#بوسى_مصطفى
_______________

يقوم منصور من بفزع : ايه ياابني في ايه
سيف : انا آسف يابابا اني بصحي حضرتك بالطريقة دي
فين ليان؟؟
منصور : مرات هيثم ابن عمك جات اخدتها
اتنهد سيف ب ارتياح وبعدها سأل : ليه؟؟
منصور : كتر خيرها شافتني محتاس بيها قالتلي هاتي ياعمي
قولت لما ترجع من بره تروح تجيبها
ايه اللي اخرك لحد دلوقت
سيف : روحت ملقتش المحامي وفين وفين لما جه
مينفعش صح اروح اجيبها دلوقت
منصور : لا طبعاً تروح فين
زمانهم ناموا.. سيبها الليلة عندهم وابقى روح هاتها الصبح
اتنهد سيف بقوة
منصور : مالك ياابني
سيف : اهل أميرة وافقوا يابابا وعايزين نحدد ميعاد علشان نزورهم ونتفق
منصور :"طيب م دي خطوة كويسه
ايه اللي مضايقك بقى
سيف :" قلقان من حكاية شوقي دي
منصور : تقصد إنهم يعرفوا يعني إن عندك اخت وابوها رافض ينسبها ليه
سيف : اكيد حاجه زي دي لو اتعرفت
هتخليهم يفكروا ألف مرة قبل م يوافقوا إني ارتبط ببنتهم
منصور : ومين اللي هيقولهم
سيف : هو دا ميبقاش غش يابابا
لو خبيت عنهم حاجه زي دي
منصور : وليه ياحبيبي الشوشرة دي
هو انت مخبي عليهم عيب فيك مثلا
دي حاجه انت ملكش ذنب فيها
وبعدين اديك ماشي في إجراءات القضية
وانا متفائل.. إنك هتكسبها
سيف : أميرة عارفه القصة كلها
منصور : تمام اوي.. طالما هي عارفه وموافقه يبقى خلاص
متقلقش من اي حاجه
منصور ببتسامة :  افرح بقى ياعريس
سيف : يااااه متعرفش يابابا انا مشتاق للكلمة دي قد ايه
منصور : ايوه ياعم محدش قدك
سيف : هههههههه طب م تعملها يااستاذ منصور علشان نباركلك
منصور : كنت عملتها زمان لكن دلوقت خلاص بقى هههههههه
يدوب ألحق اشيل عيالك
سيف : حبيبي... ربنا يعطيك الصحه وطولة العمر.. يابابا
منصور : وافرح بيك وبولادك ياسيف
وقتها بس هنسي كل الحزن اللي مر علينا
سيف : ع فكرة حضرتك عمرك م حسستني إنك اب وبس ليه
طول عمرك صاحبي وأخويه وقومت بدور كمان مش دورك
منصور : بتقولي ليه الكلام دا دلوقت
سيف : علشان لما بشوف ليان اختي وبفكر قد ايه باباها ممكن يعمل اي حاجه علشان بس متقربش ليه ولا ل اسمه
افتكر حضرتك وتضحيتك علشان وانك كرست حياتك كلها ليه
كان ممكن تتجوز وتكون أسرة وابقى انا وامي مجرد ذكرى في حياتك بتفتكرها كل م الشوق يجيبك وتحن للماضي
انا بجد فخور اوي بحضرتك وحزين اوي اوي علي اختي
منصور يطبطب على كتفه : متزعلش ياسيف بكره الحقيقة تبان وهيعترف بيها غضب عنه
سيف : اهي الغصب دي هي اللي مضايقاني
حد يكره يكون عنده بنوته جميله زي ليان
منصور : اه ياابني في ناس بتكره دا
لما تكون مكتفيه ب أولادها ومش عايزة يبقى ليها علاقة بحاجه المجتمع بيرفضها والدين قبل كل شيء
سيف : طب ليه بيتجوزوا بالطريقة دي من الاول طالما خايفين من الناس كده
مش الأولى يخافوا من ربنا
منصور : ياابني الشيطان بيصور للانسان كل حاجه تغضب ربنا انها حاجه جميلة وممتعه وفيها ايه لما نخرج بره الدايرة الصحيحه وندخل في طريق معوج اهو اديني بعمل حاجه مختلفه عن النظام المتبع وكمان بتبسط
الحساب والعقاب دا وقتها مبنحسش بيه وبيجي الندم بعد الذنب مش قبله
ومش كل الناس كمان بتندم ع الغلط اللي عملته في ناس قلوبهم عاميه مش شايفه الحق
سيف :"بس دا كبر يابابا
اني اكون عارف ومتأكد اني غلطت ولسه مستمر أو بطلت اللي كنت بعمله لكن مش ندمان بالعكس بشوفها كانت حاجه جميلة اوي
منصور : النفس اماره بالسوء
وهي اكبر عدو للإنسان
سيف : فعلاً.. ربنا يهدينا جميعاً
منصور : اللهم امين
الصبح بقى تروح كده على محل شيك تشتري طقم شيك بردو علشان المقابله دي هتكون مهمه اوي
سيف : طب ايه رأيك تيجي معايا واهو تختار حاجه على ذوقك كده  ليه وليك طبعاً
منصور : هههههههه طب ليه وفهمناها
اما ليك ازاي يعني
سيف : مش حضرتك زمان كنت بتشترياي كل حاجه على ذوقك
منصور : اديك قولت زمان
لكن دلوقت خلاص كبرت بقى وهتتجوز هههههههه
سيف : حضرتك فرحانلي اكتر مني
منصور : علشان انا بحبك اكتر منك تنكر
سيف وهو بيصافح والده بحب : لا طبعاً مقدرش انكر
____________