بعد يومين...""
فى بيت اسماء ومصطفى..."""
مصطفى.... حبيبتى انا هنزل أشوف التجهيزات مع العمال عاوزه حاجه
أتت أسماء من المطبخ...... لا ي حبيبى سلامتك انا هخلص وانزل لماما تحت
مصطفى..... ماشى يا حبيبتى مع السلامه
"أنهت أسماء عملها وتوجهت لمنزل والده مصطفى "
فريال.... اي ياختى على ما افتكرتى تنزلى كل ده نوم
أسماء.... لا والله يا ماما مكنتش نايمه كنت بروق الشقه
فريال....مش تنزلى تخلصى شغل البيت هنا الاول
أسماء.... انا اسفه بعد كده هخلص هنا الاول
فريال.... طب ادخلى ياختى على المطبخ حضرى الغدا
أسماء.... حاضر
"عند مصطفى"
مصطفى..... عاش يا رجاله تسلم اديكو
رئيس العمال...... وهو احنا هنعمل للدكتور والدكتوره اى شغل لازم يكون على اعلى مستوى
مصطفى..... تسلم يا حاج بالله عليك يا حاج عاوز الصيدليه تخلص ف اسرع وقت ممكن
رئيس العمال.....والله ي دكتور بنعمل كل اللى بنقدر عليه
مصطفى.... ربنا معاكم يارب لو احتاجتو حاجه بلغونى
رئيس العمال.... حاضر يا دكتور
"فى بيت تقى"
تقى..... هنروح عند خالتو لما تيجى من الشغل
طارق.... حاضر يا تقى اهدى بقا
تقى..... متتأخرش
طارق.... حاضر سلام
تقى... فى رعايه الله
"فى أحد الكافيهات"
"كان يجلس رأفت برفقه نفين"
رأفت.... لسه برضو مقررش يكلمنى
نفين.... لسه يا عمو والله بس انا بحاول معاه وان شاء الله كله هيبقى كويس
رأفت.... انا مش عارف أشكرك ازاى انتى ساعدتينى انى أشيل هم كبير اوى عن قلبى شكرا ي بنتى
نفين .... مفيش داعى للشكر انا كل اللى عملته علشان عمر كان محتاجك
رأفت.... ربنا يسعدكو يارب
نفين .... انا لازم امشى دلوقتى عن إذن حضرتك
رأفت.... اتفضلى يا بنتى مع السلامه
"ما ان خرجت من المطعم حتى رن هاتفها برقم عمر"
نفين.... السلام عليكم
عمر.... وعليكم السلام يا حبيبتى كنت عاوز اتكلم معاكى شويه
نفين.... سمعاك
