رسالة من مجهول 📝💖

الحلقة ٥٧

الحلقة ٥٧
#رسالة_من_مجهول
#بوسى_مصطفى
__________________

قرب سيف اكتر نظرت ليه أميرة بخجل
سيف : اصل الطبق دا بعيد عليه
ابتسمت أميرة لبخجل
سيف : تسلم ايد مامتك.. ياترى بقى عملت معاها حاجه
أميرة : هههههههههه انا خايبه اوي في المطبخ
سيف : هعملك
أميرة : انت بتعرف تطبخ ياسيف
سيف :"هههههههه على قدي كده
الظروف هي اللي خلتني اتعلم الطبخ
شغل بابا وكمان الغربه علمتني اعمل شوية أصناف كده
أميرة : تعرف انك طمنتني
سيف : هههههههههه كنتي خايفه ولا ايه
أميرة : اه كنت قلقانه
يمسد سيف علي ايدها برقه
أميرة تسحب ايدها بسرعه
سيف :" ضايقتك؟؟
أميرة : لأ بس... يعني... بلاش
سيف ببتسامة : اوكيه براحتك
أميرة : ثواني ياسيف اشوف ماما بتنادي عليه
سيف : اتفضلي
قامت أميرة تشوف مامتها جه اتصال ل سيف
______________

في الكويت
سالي : انتي مجنونه ياماجده
قال رايحه فين
ماشيه ياحبيبتي ولا عايزانى ابات هنا وجوزك موجود
ماجده :"يمكن ينزل وميباتش هنا الليلة
سالي : وانا يعني استنى لما تشوفي هيبات ولا لأ؟؟!
وسعي خليني انزل بقى
ماجده :" طيب ياندله انزلي
سالي : بت انتي متعصبنيش بقى
ماجده : غوري بقى
سالي : هدى الأمور ياحبيبتي متوصلهاش للي هي عايزاه
ماجده : م انا عارفه إن دا اللي هي عايزاه وانا هساعدها علشان جوزها يرجع ليها طالما بيحبها
سالي بغضب :" اووووف وسعي ياشيخه هتجننيني
وفتحت سالي باب الاوضة وخرجت
فتحت باب الشقة ونزلت
فادي كان قاعد وفجأة سمع صوت الباب وهو بيتقفل عرف ان سالي نزلت دخل ل ماجده اللي كانت لسه بتقرب من السرير علشان تنام
فادي مسك ايدها.. التفتت ليه
فادي : عايز اتكلم معاكي قبل م تنامي
ماجده : هتقول ايه
فادي : هقولك اني بحبك واللي انتي بتعمليه دا مضايقني وملخبط حياتي
ماجده :"طب ايه رأيك تريح نفسك خالص من اللي تعبتك دي وتطلقها
فادي : مين يسرا؟؟
ماجده : هو جيبت سيرة يسرا خلاص في الموضوع
فادي : ماهي اللي تعباني فعلا
ماجده : انت اللي تاعب نفسك ومش عارف عايز ايه
فادي : اللي اعرفه اني بحبك وبحب بنتي وهو دا اللي مخليني خايف اوي من خطوة الطلاق
بنتي هي اللي هتدفع التمن
ماجده : فادي انا مقولتلكش طلق ام بنتك
فادي : ماهو ب اللي انتي بتعمليه معايا دا هتخليني أطلقها
لان معنديش إستعداد اخسرك
ماجده : وانا مش عايزاك تعمل حاجه تندم عليها
انت بيه او من غيري كنت عايش عادي مع مراتك وبنتك
انا اللي دخلت حياتك ولخبطتها
فادي : لا محصلش انتي مدخلتيش ولخبطتي حياتي
هي اصلا كانت متلخبطه من الأول
متجوز ومش متجوز
عندي بنت ومش لاقي فرصه علشان اقعد معاها واديها حنان الأب اللي اتحرمت منه
ماجده : اديها معاك دلوقت روحلها
فادي : للأسف مش طايق اقعد في البيت
مع اني من سنه بس كنت ممكن ابقى اسعد واحد في الدنيا علشان مراتي وبنتي جنبي
لكن مبقتش حاسس ده علشان الانسانه اللي انا حبيتها قدرت تمحي كل الحب دا في كام شهر بس
ماجده : مش يمكن تكون ظالمها
فادي : م ظلمتهاش كل اللي كانت بتحتاجه وأكتر كان بيوصلها وبخصوص سفري وقعادها في مصر لوحدها
انا ياما اتحايلت عليها لكن بين دول ودول حاجات حصلت منها خلت الحب اللي بينا دا ينتهي
مبقتش قادر احسها زي الاول
انا تعبان ياماجده وانتي بتضغطي عليه اكتر واكتر
صدقيني انا مستحمل بس علشان بنتي ملهاش ذنب في كل دا
لكن انا بحبك انتي وطول الوقت انتي اللي ع بالي مش يسرا
ماجده : صعب الوضع دا بالنسبالي يافادي انا كمان حاسه بالذنب
فادي : ليه تحسي بالذنب انتي م اخدتنيش منها بالعكس انتي طول الوقت كنتي بتحاولي ترفضي اي محاولة مني إننا نقرب من بعض
ماجده : وكان لازم افضل رافضه وامسحش للي حصل دا إنه يتم
مكانش ينفع نتجوز يافادي
فادي : يعني ندمانه انك اتجوزتيني
ماجده : تفتكر الإجهاض دا ممكن يكون بسبب دعا مراتك عليه
مش يمكن انا وانت ظالمنيها
فادي :"انتي ظلمتيها في ايه
انا اللي بقولك بحبك ومقدرش اعيش من غيرك
ليه مصره تعذبيني وتعذبي نفسك
ماجده :" فادي انا عيشت وحيدة وتعودت ع كده خلاص
لكن بنتك ملهاش ذنب في كل دا
فادي : وانا بقولك انا محافظ ع البيت التاني علشان خاطر بنتي
وخليكي جنبي انا محتاجلك
ماجده :"خايفه اندم اني م اخدتش القرار دا بدري
ففادي : دا مش قرارك لوحدك لازم تشاركيني فيه
وبما اني رافض ومتمسك بيكي يبقى لازم ترضخي للقرار دا
هههههههههههههههههه حلوة ترضخي دي
تبتسم ماجده
فادي : ياااه أخيراً بقى ضحكنا
ثواني اكلم أميرة اباركلها
ماجده : ع ايه
فادي : هههههههه انتي مش عايشه معانا بقى
أميرة خطوبتها وكتب كتابها الليلة
ماجده : ألف مبروك.. لا بقى احنا لازم نباركلها انا وانت ها
فادي : طب ياحبيبتي ما هو اهلي هما اهلك
ثواني بقى
________________