توالي المآسي

الجزء 23 والأخير

ربى سيزار،لي تلاقى فدارو ملجآ ليه وفحضن الخالة ملاذ مورا أمل،هو والقطة "سوسيسال"لي جابوها رفيقة ليه،عيا شحال فاختيار اسم كيرضي ذائقة أمل الفريدة فالأسماء،ماعاونو غا الخالة لي تفكرات إسم قطتها فالطفولة،فسماوه بيها.

ولى عادل رجل أعمال مشهور برز إسمو في عالم المال والأعمال،كرائد فمجاله الإلكترونيات،فتاتح عادل عدة مشاريع لحفظ ذكراها،خلال عشر سنين دازت.بداها ب "مشفى الأمل لعلاج السرطان"،باش مايعيش تاحد معاناتها،ويكون أمل بالشفاء بأحدث المعدات والأدوية،وأكفئ الأطباء،وهاهو دب كيقص شريط مشروع "جمعية أمل لرعاية الأطفال"،لي خصصها للأيتام،من الأطفال،وبعد الحفل،إنهال عليه الصحفيون،من كل جانب،طالقين العنان،لأسئلتهم،لرجل الأعمال المشهور"عادل الكيلاني".
~صحفية:
-سي عادل واش ما آنش ليك تغادر العزوبية وتولي أب؟.
¤عادل:
-هه واش ماكفاوكش كل ولادي هادوك فلداخل.
~الصحفية:
-قصدي آسي عادل وريث لممتلكاتك ويهز إسمك.¤عادل:
-كل أملاكي هي لأمل وأهلها.
~الصحفية:
-إذن واش هدا معناه أنو أ سي عادل غاتسجل أملاكك باسم قاطني أمل من الأيتام؟.
¤عادل:
-صحيح،كل طفل هنا هو ولد ليا،وليه عليا حق،واجبي توفير أسباب العيش الكريم ليهم.
~صحفي:
-سيد عادل ماسر تسميتك لأغلب مشاريعك باسم"أمل"،"جناح الأمل"-"مستشفى الأمل"-"مجمع أمل للتسوق"-"جمعية أمل للأطفال" الآن،وراه تناهى للسمع إشاعة بإصدارك"شركة أمل للإتصالات"،غايكون  الأمل فخطوط الهواتف(بدا كيضحك)،
سي عادل شنو  قصتك مع"الأمل"؟.
¤عادل:
-حكايتي مع الأمل ماكتساليش،الأمل هو سر حياتي،وكل ماحققتو بفضلو،يفنى كلشي ويبقى الأمل.
~الصحفية:
-يعني واش كتدعو الناس للأمل والتفاؤل سعيا لتحقيق أهدافهم؟.>
اكتافيت بالإبتسام،حيت الأمل أكبر من الحديث عليه،أو بالأحرى عليها،فقرارة نفسي عارف بلي باغيك معايا فكل حين،فحياتي فالشوارع والساحات،فالشركات كيما عمرتي نفسي،وقلبي من قبل،باغيك تظللي كل الناس،باغي نخليليك أثر،ذكر،ماباغيش لصيتك أنو يخبو وينطفي،وينحسر،فرواقك،وجناحك فالمشفى،وفقلبي،بل بغيتو يعم كل الأرجاء.
بعد كل ماطرى عارف أنو كنتي نور فحياتي الكئيبة،وضياء،ووقدتي العزم فنفسي،نقدر نكون درت بزاف،لكني مازال مقصر فحقك،كنعلنها ليك،أنا كنعيش لرد الجميل،حيت أنا ليك،وعمري نكون لغيرك.

"أحيطيني يا"أمل"واغمريني،فمعك لا أحس بالوحدة."