الحلقة ٥٨
#رسالة_من_مجهول
#بوسى_مصطفى
_________________
جريت أميرة على مامتها تهديها بعد م انهارت من الخبر اللي سمعته
نعمه : ادعيله ياراوية وبلاش تعملي في نفسك كده يااختي
أميرة حاضنه مامتها وبتطبطب عليها
راوية : قومني يافادي
فادي : حاضر ياماما
مد ايده فادي وقوم مامته
راوية بتمسح دموعها : انزل شغل العربية ياابني
فادي : حاضر ياماما
خرجت ماجده من جوه وهي شايله حنين
أميرة : هاتي ياماجده
ماجده : سبيها يااميرة أصلها شبطانه فيه
البقاء لله... ياطنط
راوية نظرت ليها والدموع في عينها مسدت ماجده ع ايدها واخدت منديل مسحت دموعها
راوية : تعالي معايا لغاية تحت يااميرة
نعمه : سيبي أميرة قاعدة وانا هسندك.. هاتي ايدك يلا
كانت مديحه نازله ومعاها نوران والولاد
مديحه : نعمه انتي رايحه
نعمه : ايوه طبعاً
نوران نظرت لمديحه
نعمه : سيبوا العيال مع أميرة وماجده
نوران : مش هينفع..
نعمه : لا هينفع سبوهم بس
راوية : ألبسي يااميرة وحصليني على تحت
أميرة : حاضر ياماما
مديحه : خليكي بالعيال يانور
وابقى تعالي بالليل هاخدهم عندي
نوران اخدت ولادها وابن مديحه وطلعت فوق
ودخلت اميرة تلبس
_____________
في منزل إبراهيم..
العيله قاعدة الرجاله في ناحية والستات في ناحية
راوية تشاور ل أميرة اللي كانت قاعدة بعيد
جات أميرة وقعدت جنب مامتها وكانت جنبها من الناحية التانية يسرا
أميرة : شدي حيلك يا يسرا
يسرا نظرت ليها وهي مدمعه ومتكلمتش
نعمه : راوية انا طالعه ل رفيف أصلها مش عارفه تدخل من الزحمه اللي ع اول الشارع
راوية : ماشي يااختي
قامت نعمه وخرجت من البيت
مديحه : هي فين عاليه ياراوية
راوية : تقريباً جوه
مديحه : عايز استأذن منها اروح ل ابني انتي عارفه نوران لوحدها
راوية : خلاص ابقى خدي أميرة معاكي
نعمه : ماشي هدخل ل عاليه اشوفها
تليفون أميرة يرن تعمله سايلنت وتقوم تتكلم
أميرة : وعليكم السلام
سيف : انتي فين يااميرة دلوقت
أميرة : انا لسه في بيت خالي ياسيف
سيف : طيب مين عندك
أميرة : عايز تكلم حد من خيلاني
سيف : لا انا واقف بالعربية عند أول الشارع بتاعكم
ومش شايف حد هناك هو العزا فين
أميرة : لا ياسيف بيت خالي في بلد جنبينا وبعدين مقولتش انك جاي
سيف : م انا قولت بكره بعيد
وبعدين هاجي زي الغريب يعني
لازم اكون موجود معاكم دلوقت
أميرة : بس هتروح متأخر
سيف : مفيش مشكلة... فين البلد دي
اقصد اسمها ايه علشان اسأل حد يدلني عليها
أميرة : مش هتعرف تيجي لوحدك
ثواني هكلم فادي يجي ياخدك من هناك
سيف : اوكيه انا مستني
تقفل أميرة تشاور ل نبيل اللي كان قاعد بعيد مش شايفها
عمر زوج رفيف اخد باله قام يشوفها محتاجه ايه
عمر : محتاجه حاجه يااميرة
أميرة : متشكره يابشمهندس انا بس كنت عايزة فادي في مصلحه كده
عمر : طب قوليلي هي ايه المصلحه دي وانا سداد يعني
أميرة : متشكره مش عايزة اتعبك
عمر : مفيش تعب ولا حاجه قولي بقى محتاجه ايه
أميرة : اصل سيف واقف عند البيت عندنا ومش عارف الطريق لحد هنا
كنت عايزة فادي يروحله يعني
عمر : طيب مفيش مشكلة اروح انا
يسرا : متشكره قوله بس وهو هيروح هناك
عمر : معلش خليه علشان مينفعش يسيب العزا
أميرة : انا اسفه هتعبك
عمر : قولتلك مفيش تعب ولا حاجه
يشاور ل رفيف
جات رفيف : في حاجه ياعمر
عمر : انا هوصل لحد البيت عندكم علشان سيف خطيب أميرة هناك هجيبه معايا واجي
رفيف : طيب ماشي
عمر : سلام
رفيف : مع السلامة
أميرة هي فين حنين بنت اخوكي
أميرة : عندنا في البيت
رفيف : لوحدها !
صحيح طنط نور هناك
أميرة : هي مع ماجده مرات فادي
رفيف :"ويسرا عارفه
أميرة : أكيد
رفيف : صعبانه عليه اوي
واضح انها متأثره اوي بوفاة عمي
أميرة : اكيد ياروفه كلنا متأثرين
يعدي نبيل من جنبهم يخبط في أميرة بدون قصد
نبيل : انا آسف
أميرة نظرت ل رفيف : لا ولا يهمك
رفيف :" الزمن دا غريب اوي بجد
أميرة : مش فهماكي وبعدين هو دا وقت فلسفة يااختي
رفيف : بقولك ايه هروح أكل سليم واجيلك
أميرة : لا متجيش خليكي عندك
رفيف : طب ابعدي عن الباب علشان الناس تعرف تعدي
أنت تقرأ
رسالة من مجهول 📝💖
Genç Kız Edebiyatıرسالة من مجهول 🗒️ كادت أن تغير حياتي ولكن عائلتي كان لها رأي آخر 😔
