Una kitang minahal noong ako’y musmos pa lamang
Ikaw lang ang tanging lalaki noon sa aking buhay
Ikaw ang tanging sandalan at takbuhan
At sa tuwing ako ay madadapa ikaw ang aking sumbungan
Maraming pagkakataon na ikaw ang laging karamay
At kahit minsan ay hindi mo ako iniwan
Kahit gaano kabibigat ang pagsubok na ating nararansan
Hindi ka sumusuko at patuloy ka pa rin na lumalaban
Marami ka nang paghihirap na naransan sa buhay
Mga pagsubok na iyong napagtagumpayan
Mga pagsasakripisyo at pagsisikap sa buhay
At ang lahat ng ito’y para sa aming kinabukasan
Patawad po Papa sa aking nagawa
Mga pagsisikap mo’y aking binalewala
Naging matigas ang ulo at naging suwail akong bata
Hindi pinahahalagahan mga pagsasakripisyo nyong ginagawa
Patawad po kung ako ay naging pasaway
Mga utos mo ay aking sinuway
Hindi pinakinggan mga payo mo sa buhay
Patawad po sa mga nagawa kong kasalanan
Salamat po sa inyong walang sawang pag-aaruga
Salamat po sa pagmamahal at kalinga
Sa pag-intindi sa’min ay hindi ka nagsawa
Maraming salamat po sa lahat ng pagsasakripisyo nyong ginawa
Basta Papa, kahit gaano ako kapasaway
Nagapapasalamat ako dahil sa amin ikaw ay ibinigay
At hindi ko man po sa’yo naipaparamdam
Alam po ng Diyos kung gaano kita kamahal♥
I Love you Papa♥:)
