·
الحلقة 33 دخلت سلاف للدار وهي ترجف .قعدت تجري مروا هاذاك الخيال وتعيط ماما ولكن بدون اي معني الخيال اختفى وذاب .. . قعدت فالصالون .. وحطت راسها بين يديهااا " هاذيك ماما اكيد ماما راني متاكدة" .. عبد المجيد الي سمع حس لباب هبط يجري .. لقا سلاف قاعدة وتبكي .. قرب منهااا مخلوع .. واش بيك بنتي
سلاف ناضت وبقات تشوف فيه .. بابا والله نحلفك فالستين غير شفت ماما عند لباب
عب المجيد حكمها من يديهااا .. بنتي نقولك 100 مرة يماك ماتت الله يرحمهااا
سلاف ولات تعيط ..بابا قتلك راني شفتهااا ..شفتهاا علاش ماتحبش تامني
عبد المجيد .. صحااا واش قالتك واش حكيتو
سلاف .. ماحبتش ترد عليااا .. لحقتهااا نجري .. ممبعد تقول فص ملح وذاب
عبد المجيد ضيق عينيه .. هذا كامل من الافلام الي راكي تتفرجيهم
سلاف .. شدتلو يديه .. علاش بابا ماتحبشش تامني بلي شفتهااا ..شفتهاا واله غير هي
عبد لمجيد .. حكمها من يدهااا .. ارواحي بنتي معايااا .. طلعها لشومبرتهاااا .. قعدها على لفراش وبجدلها حبة منوم .. نظن بلي ظغطتي على روحك بزاف حتى راكي تشوف يماك ..اشربي هاذي رح تريحك
سلاف طلعت حاجبهااا .. واش هذاا بابا
عبد المجيد مهدئ ..رح يريحك شربي برك ..رح ترقدي ..
سلاف شدت لحبة وشربتهااا .. عبد الميد غطاها وطفا الضو وخرج ... تكا على لباب وطلع حاجبو .. وزير على البونية نتاعو ..
سلاف بعد ما خرج عبد المجيد بزقت الحبة تاع المهدئ .. راني عارفة بلي هاذيك ماما .. ورح نحوس نحوس حتى نلقى طرف الخيط ..
ياسمين فاقت على صوت العصافير داير حالة .. ناضت وشافت في اشرف الي كن راقد على الفوتاي الي بحذاهاا .. كي يكون راقد يكون هادئ ودافي حنون .. ناضت وقربت منوو .. حطت يدها على شفافو وبقات تمسح عليهم .. قربت منو كثر وبقات تمسحلو .. في ذيك الدقيقة هو حل عينيه .. وبقا يشوف معاهاا .. وفي لحظة ماعرفش كيفاش حتى باسهااا .. وجبدها في حضنو .. وهي غرست صباعها في شعرو وقعدت تستبن في البوسة .. بعد عليهااا وبقا يرد فالنفس وهي حطت راسها على صدرو .. اشرف مكانش من النوع الي يحط بارفان .. اما كي باسهااا حست بطع النعناع ..لانو يشرب السيجار ومايحبش الريحة تبقى فيه .. كان مميز ومش كيف اي راجل ..
اشرف ناض وبعد عليهااا .. ياسمين شعال من مرة نقلوك بعدي علياااا
ياسمين قربت ليه .. اشرف علا شراك تهرب مني ..
اشرف زير البونية نتاعو .. لانك قريتي كتبوات بزاف ..حاسبة يجي نهار ونحبك يابنتي انا حياتي محكوم عليها بالاعدامم فهمتيني .. مارحش نعيشو قصة حب افهميها هاذي
ياسمين عينيها توسعو .. هذا الي ربي قدرك عليه .. واش عليه كي نامن بلي يجي نهار ونعيشو قصة تاع حب ..
حب ..
الحلقة 34 اشرف دارلها بيدو .. اناا راني ننحرق بالنار .. وعمري لارح نعيش متهني فهمتي ومانيش حاب نحمل مسؤولية تاع اي وحدة معايااا على هذاك بعدب على قد ماتقدري فهمتيني
ياسمين مارحش نفهمك ..مارحش نفهمك لانك كيما الحيوان ..انا نمدلك في يدي ونتا تعض فيااا ..انا نحاول اني نعاونك ونتا واش راك دير .. تبعد فيااا
اشرف رفد الفاست نتاعو .. مانيش عارف وش راكي تحوسي عندي ..بصح اناا مارح نفيدك بحتى حاجة فهميتيي وجدي روحك رح نخرجو لطريق ..
بعد مارخرج اشرف ..ياسمين زرت على سننهاا "رح تشوف ياسمين اخرى يااشرف " وريلي وش رح تدير .. لبست لفاست نتعهااا والكونفارس رفدت صوالحهااا.. غفلاتو وخرجت ..
سلاف كانت فايقة من النجمة .. ماقدرتش ترقد .. اكيد يكون عبد المجيد مخبي عليها حاجة .. بقات تراقب فيه حتى خرج من الدار .. هبطت بلعقل ..دخلت للبيرو نتاعو ..هي مكتبة صغيرة على كل حال .. فتحت لباب ودخلت .. اما ماعرفتش من وين تبداا .. راحت للكتب .. حسبت رح تصيب اي حاجة فيهم .. فتحت البيبان تاع الخزاين .. والو ..قريب نص ساعة وهي هكاك .. تعبت وقعدت فالارض .. شوية حتى شافت صندوق صغير .. عينيها توسعو راحت تجري جبداتو "والله غير نعرف واش راك داس عليااا ..بقات تحاول تفتحف فيه .. تفتح وتعاود حتى فتحاتو .. بصحي افرحة ماتمت كان فارغ .. رجعاتو في بلاصتو وقعدت .. ماحست غير بالتلفون يفيبري تحتهااا كان صهيب ..
سلاف .. صباح لخير
صهيب كان رايح يركب فالطموبيل ..وينك
سلاف فالدار ..
صهيب استغرب .. حسبتك راكي مع جماعتك تديرو فالهكر للسيستام نتاع الناس ..
سلاف غاضتهاا عمرهااا طرطقت بالبكااا ..كانت تغص في دموعها وتشهق
صهيب طلع حاجبو .. واش بيك تباني ليوم راكي anormal
سلاف با تمسح في دموعهااا..لكلمات ضعولهااا ماعرفتش واش تقولو
صهيب ..اسمعي لاقيني عند الساحل كيما موالف
سلاف مسحت دموعهااا وناضت .. اوكي هاني رح نجيك ..بلعت لباب وخرجت من البيرو .. كامل الذكاء نتعهاا مقدرتش تعرف واش الي مخبيه عبد لمجيد ..
ياسمين كانت تتمشى فالطريق .. اما كي شغل ضاعت .. بقات تبع فالتلفون بصح السنيال قليل بزاف .."بففف واش درتي في روحك ياسمين ".. ضعت خلاص والله يحكمني واحد لهنااا يفشخني " ياربي .. كانتت تتمشى وتدعي في ربي مايصرالها حتى حاجة .. وتندم على روحهااا انهاا خرجت بلا ماشورت اشرف .. شوية حتى سمعت فران موراه ..
ياسمين دارت .. وقلبها زير عليهااا ..كان اشرف كملت تتمشى ويجبدهاا لين بكل قوة واستحقاق .. حتى انها ماقدرتش تشوف فيه لانو كان زعفان لدرجة كبيرة
اشرف معليش نعرف عزرينك وين كنتي رايحة
ياسمين .. شافت فيه بكل تحدي ..رح نرجع لحياتي وقرايتي وعايلتي
اشرف زيرلها على يديها امشي تشوفي اركبي معيااا خفي روحك
ياسمين دهضت فيه .. في ثقتو بنفسو .. ماعندي ماندير معاك ..هدرتك كامل باردة ومافيها حتى حياة تعبتني معاك .. غير زوج كلمات ودمر ..اقعدي روحي ارواحي كولي ..اسكتي
اشرف بقا يشوف فيهااا .. مش عارف واش يجاوب ..
أنت تقرأ
16 shots / عيار ناري الكاتبة منال منولة 16
Açãoهي تلك الحكاية التى تروي قصة شاب عاش في ظل الفساد وصار اداة لتحقيق الاهداف ..هو اشرف ذلك اليتيم الذي شهد مقتل امه ودخول والده السجن ..الشئ الذي ولد في نفسه رغبة بالانتقام من كل من ساهموا في دمار عائلته الجميلة .. ولكن كيف الطريق الى تحقيق ذلك سوى ال...
