رسالة من مجهول 📝💖

الحلقة ٦٠

الحلقة ٦٠ ((الأخيرة))
#رسالة_من_مجهول
#بوسى_مصطفى
___________________

في مكتب شوقي
مدير مكتب شوقي : حمداً لله... على سلامتك ياشوقي بيه
شوقي : قولي ايه اللي حصل في غيابي
مدير المكتب : كل الأخبار كانت بتوصل لحضرتك اول ب أول مفيش جديد
شوقي : يعني متعرفش ان الواد إياه فرحه الليلة
مدير المكتب : ايوه اعرف بس دي حاجه مش مهمه يعني
شوقي : انت اللي بتحدد ده ولا انا
مدير المكتب بخوف : حضرتك طبعاً
شوقي : يبقى مهم ولا لأ
مدير المكتب : مهم طبعاً
شوقي : راح المحامي بتاعه يشهر بيه
والغبي اللي عندي كمان طالع يدافع
مدير المكتب : ماهو الكلام اللي اتقال مكانش ينفع يتسكت عليه ياباشا
شوقي : لأ لما نتجاهل بيكون افضل من اني زي اللي ع راسي بطحه
أجرى ادافع عن نفسي
وبعدين م انت عارف معظم القنوات مفيش عندها هدف غير إنها تزود عدد المشاهدين وبس
تفتكر اعلامي زي... (وذكر اسم المذيع) تفتكر بيدور ع الحقيقية زي م بيقول.. دا لو رميتله شوية فلوس هيجري ياخدهم ومينطقش بعدها
مدير المكتب : بس اللي عرفته ياباشا إن المحامي بتاعه اتنحني عن القضية
شوقي : مش بمزاجه الواد  هو اللي اتخانق معاه وقاله يسيب القضية
مدير المكتب : حضرتك عندك علم بكل حاجه ياباشا
شوقي : امال فاكرني غبي زيك
قاعد بس في المكتب مبتعملش حاجه
مدير المكتب : حضرتك محتاج مني حاجه
شوقي : زعلان!
ايه مش دي الحقيقة.. أسألك تقولي مفيش جديد
الظاهر إنك كنت نايم اليومين اللي فاتوا
اطلبي قهوة وكلملي المحامي يجيني حالا
مدير المكتب : حاضر ياباشا بعد إذن حضرتك
_________________

قدام منزل منصور يوقف صف عربيات
عربية العروسين ((سيف وأميرة))
عربيه فادي.. ومعاه ماجده وهيثم وزينة
عربية جلال... ومعاه مديحه ونوران والولاد
عربية شكري.. ومعاه نعمه وراوية

ينزل هيثم جرى يفتح ل سيف باب العربية
سيف ببتسامة : متشكر نجاملك في الأفراح
هيثم : م خلاص  ياابن عمي عملتها مرة هنعيده تاني ولا ايه
سيف : هههههههههه شكلك بتتلكك هو انا جيبت سيرة الجواز انا بقول أفراح
هيثم : هههههههههه ودي ايه الفرق بينهم
سيف : الأفراح يعني اي فرح يدخل بيتكم
زي عتريس باشا كده لما يشرف
هيثم : هههههههههه ايوه عندك حق
سيف : طب وسع كده
هيثم : الدنيا واسعه اهيه عدي
سيف : متهزرش ياهيثم مش وقته
هيثم : هههههههههه خلاص اتفضل بس استنى الزفه بقى
هيثم : انت عملتها
هيثم : امال هتدخل كده من غير زفه
وجات الفرقه تزف العروسين
قرب سيف يفتح باب العربية ل أميرة وياخد ب ايدها وينزلها
أميرة عينها عماله تدور في الشارع من أوله ل آخرة ورفعت دماغها تشوف البيت
سيف : هههههههه بكره تتعودي على المكان
وبعد انتهاء الزفه...ودخول اميرة الشقة
راوية أخداها في حضنها وبتبكي
مديحه : هههههههههه جرا ايه ياراوية م تجمدي شويه
نعمه : هههههههههه يكونش انتي اول اللي جوزت بنتها يااختي
هههههههههههههههههه اديني جوزت رفيف من هنا لاقيتها جايبالي ابنها يزهقني طول النهار
رفيف :"بقى كده ياماما خلاص مش هجيب سليم عندك تاني
تغمزلها نعمه علشان تفهم انها بتقول الكلام دا علشان تهدي راوية اللي كانت منهاره
نوران : هي أميرة هتروح فين بس ياام فادي دي ساعتين بالعربية وتكون عندك
وبعدين ما احنا معاكي في البيت ومتونسين ببعض واميرة هتبقى تيجي تنورنا
أميرة بتمسح دموعها وتبتسم ل نوران : متشكره ياطنط
نعمه : شوفتي اديكي خلتيها تعيط جوزها يجي يلاقيها بالشكل دا
دا اسمه كلام بردو
زينة ببتسامة : انا اظبطها تاني مفيش مشكلة
رفيف :"أميرة اصلا قمر من غير اي حاجه
تبتسم ليها أميرة
رفيف : ماما عمار مستني تحت مش يلا بينا بقي
نعمه '" يلا يابنتي هاتي ايدك ياراوية ولا ناويه تباتي هنا
مديحه : هههههههه ما هو دا اللي كان ناقص كمان
رفيف : هاتي ايدك ياعمتي
تاخد رفيف ب ايد راوية وتقومها
مديحه : مش محتاجه حاجه يااميرة
أميرة : متشكره ياطنط متستغناش عنك
نوران : مبروك ياحبيبتي عقبال كده م تملي الشقة دي كلها عيال
مديحه : هههههههههههه تبقى توزعهم ع راوية
يلا ياست راوية ولا ناويتي تستقري هنا خلاص
راوية بغضب : متبطلي بقى يامديحه... اديني ماشيه
مش عايزة مني حاجه يااميرة يابنتي
اميرة : عايزة سلامتك ياماما خلي بالك من صحتك
راوية : وانتي خلي بالك من نفسك ومن بيتك وجوزك يابنتي
أميرة : حاضر ياماما
شاورت أميرة ل مامتها وأهلها ودمعت وهي بتودعهم
مكانتش عايزة تقفل باب الشقة
لكن كانت تعبانه من الفستان وعايزة تخلعه
جريت ع جوه كان سيف لاحقها
سيف بمزح بس كان نبرة صوته حاده شوية 😅
: عندك هنا بتعملي ايه
أميرة بخجل : بخلع الفستان
سيف : معقول عايزة تخلعي الفستان؟؟!
أميرة : امال هنام بيه
سيف : لا طبعاً اقصد يعني اني هساعدك
كان بيخلع ليها الطرحه ومقرب من وجهها خطف قبله سريعه وهو بيفك اخر دبوس في الطرحه
أميرة وضعت ايدها على خدها بخجل وببتسامة
سيف : ايه دا هما ملغمين الطرحه ولا ايه
أميرة بتضحك
سيف : نفك بقى الفستان ده
خدي نفس عميق
أميرة بدهشه :"ليه
سيف : هههههههههه علشان افك الفستان ده
خليكي ثابته ايوه كده
أميرة مسكت ايد سيف : سيبه انا هخلعه لوحدي
سيف : لا يمكن ابدا.. وبعدين انتي عايزة تضيعي الحدث التاريخي ده
لا لا كده انا ازعل
أميرة بخجل : طيب موافقه
سيف : هههههههه خدي نفس عميق بقى
أميرة : هههههههههه حاضر
بعد شوية... واميرة قاعدة على سجادة الصلاة
سيف : مبروك علينا ياحبيبتي
اميرة :"سيف انا فرحانه اوي
سيف : وانا عايزك ع طول كده فرحانه ومبسوطه
أخيراً بقى اتقفل علينا باب بيتنا وبقينا مع بعض في الحلال
أميرة : عارف ياسيف انا مبسوطه لدرجة اني مش قادرة امسك دموعي
وانهارت أميرة بالبكاء
سيف : كده ازعل بقى
دي ليلة ينفع فيها نبكي بالشكل دا
احنا ممكن نبكي اه بس من الفرح
أميرة : ماهي دموع الفرح ياحبيبي
سيف مسك ايدها وقام بيها
وحاوط خصرها وقعد يلف بيها
أميرة : كفاية ياسيف علشان دوخت جامد
ولسه هيوقف يوقع بيها بعد م ايده تخبط في الدولاب
يوقعوا ويموتوا على نفسهم من الضحك
سيف : هههههههههه شوفتي اخرتها
أميرة : هههههههههه م انا قولتلك بلاش
سيف : طب انتي كويسه
أميرة : الحمد لله
سيف : بس انا حاسس إنك تعبانه
أميرة : لا انا كويسه اهوه مفيش حاجه
وقامت أميرة سيف مسك ايدها
انا بقول اطمن عليكي
أميرة بخجل : خلاص ياسيف انا كويسه
سيف : يعني ايدك ورجلك تمام
أميرة : اه متقلقش انا بمب اهو قدامك
سيف : هههههههههه طب تعالي ناكل بقى
أميرة : طب ثواني هسخن الاكل زمانه برد
سيف : لا هناكله كده مفيش مشكلة
أميرة : لا مينفعش
مش هياخد حاجه في الميكرويف
سيف : طب هساعدك
وقرب سيف من السفرة ولسه بياخد الاكل يدخله المطبخ ل أميرة
جرس الباب يرن
ينظر سيف من العين السحريه ببتسامة ويقول لنفسه : ايه يابابا مش جيلك نوم ولا ايه
منصور : افتح ياسيف الباب خد من الحاجه دي واقفل
سيف بيفتح الباب : هو حضرتك عرفت منين اني واقف عند الباب
منصور : ماهو مش معقوله لحقت تنام يعني
سيف : ايه كل الاكل دا
منصور : امسك بقى يااخي
سيف : طب ثواني انزل الاكل اللي في أيدي دا ع السفرة
ورجع مرة تانية لباباه : حضرتك لسه واقف يابابا اتفضل ادخل وياخد صنية الاكل من باباه
منصور : مرات عمك هي اللي باعته الاكل دا ليك انت وعروستك
سيف ببتسامة : كتر خيرها هبقي اكلمها اشكرها
اتفضل بقى يابابا اتعشا معانا
منصور : لا اتعشا ايه انا هتعشا تحت براحتي
عندي زي اللي عندكوا ده
سيف ببتسامة : هههههههههه وماله نفتح نفس بعض
منصور : هههههههههه دا كان زمان ياحبيبي معاك دلوقت اللي تفتح نفسك
بقولك ايه
سيف : نعم يابابا
منصور : طب قرب اما اقولك
سيف : هههههههه هو سر ولا ايه
منصور : ايوه سر كلمتين كده هقولهملك علشان تعيش مرتاح
سيف : هههههههه قول يااستاذ منصور اصل هو وقت نصايح في ليلة زي دي
بيهمس منصور في ودن سيف
أميرة خارجه من المطبخ : مجبتش الاكل ليه ياسيف
سيف : اكل ايه بقى دا مكانه التلاجه
هناكل الاكل اللي عملاه مرات عمي الأول علشان سخن
أميرة : مساء الخير ياعمي
منصور ببتسامة : مساء النور يابنتي... بعد اذنكوا بقى
سيف : بردو هتنزل من غير م تتعشا معانا
منصور يغمزله :"متنساش اللي قولتهولك
سيف ببتسامة : حاضر.. تصبح على خير يابابا
ينزل منصور ويقفل سيف باب الشقة
وياخد ب ايد أميرة ويقعدها
سيف : تقعدي كده زي الملكه وانا اكلك
أميرة : متحرمش منك ياحبيبي
سيف : ولا منك ياروحي
سيف :" ها.. تاكلي ايه الأول
بط ولا فراخ ولا حمام؟؟
اميرة بتفكر
سيف ببتسامة : اقولك ناكل الكفته دي الأول
يقطم نصها و يأكل أميرة النص التاني
سيف : مرات عمي أستاذة في الطبخ..
ها ايه رأيك في الاكل
أميرة : حلو اوي ياحبيبي
سيف : طب افتحي بقك
يطقم نص الفرخه ولسه هياكل أميرة
أميرة : هههههههههه ايه دا ياسيف هاكل كل دي
سيف يقطم من الفرخه
تنظر ليه أميرة ببتسامة
سيف : هههههههههه جعان اوي وكمان نفسي مفتوحه اوي الليلة
أميرة : بألف هنا وشفا ياحبيبي
سيف : دوقي من المحشي
ويغمزلها : طعم اوي
أميرة بتضحك والاكل في بقها
تشرق يشربها مياة بسرعه
سيف : هههههههههه خلاص مش هكلمك واحنا بناكل
أميرة : الحمد لله... شبعت
سيف بدهشه : شبعتي ايه؟؟
امال مين اللي هيخلص ع الاكل دا
اميرة : هههههههههه ليه ياحبيبي هو انت فاكرني ايه؟؟!
معقوله هاكل كل الاكل دا
انا هاخد دا احطه في التلاجه علشان برد
سيف : اوكيه وانا هحصلك بالباقي
قعدت أميرة تظبط التلاجه
جه سيف : بتعملي ايه كل دا يااميرة
أميرة : بحط الاكل ياحبيبي علشان ميبوظش
سيف ياخد منها الاكل ويحطه في التلاجه
أميرة : مش كده ياسيف هيوقع
ويبهدل التلاجه
سيف : بعدين... بعدين
تعالي معايا
أميرة :"طب استني بس اغسل ايدي
سيف : تعالي
ويقرب ايدها ويشغل الحنفيه ويغسل ايدها
أميرة بتضحك
يحمل أميرة وتبتسم بخجل
سيف ببتسامة : ياااااه بقى أخيراً
يدخل بيها جوه ويقفل الباب
___________________