تسمحيلي. تسمحيلي اقولك انك نسمه صافيه ف ليل سواد.
حضن دافي بيشمل كل الحاجات.
وكتاب جميل وجامع كل الذكريات.
انتي الحاضر واللي جاي واللي فات.
انتي نجمه جميله بتترسم.
انتي ضحكه صافيه بتبتسم.
وعهد الله بحبك لانك كل الكلام الحلو فيكي بيتكتب.
انتي حدوته وقصه حاجه جميله بدرسها عشان اعرف اتعامل معاها.
وانا قاعد ف لحظة صفا بتخيلك كقمر منور الكون وبتبص عليه كل العيون ف اللحظه دي اغير واحاول افوق من خيالي اصل انتي نجم عالي بيزين السما واما يسآلو مين اكتر محظوظ اقول انا لأني حبيبك واما افتكر انك ليا لوحدي افرح وكآني ملكت الكون ده وحدي.
يخربيت جمال عيونك ولا سحر صوتك ورقتك.
وعهد الله كل يوم بتزيد محبتك كأن قلبي اما بدأ يحب كان عشانك وحياتي اتلونت بلونك وكل شئ ف حياتي يشبهك.
تسمحيلي اقولك انك ورده جميله مينفعش تتمسك....!
